1ⲉⲡϫⲱⲕ ⲉⲃⲟⲗ ϩⲁ ⲛⲉⲧⲛⲛⲁϣⲓⲃⲉ ⲡⲙⲛⲧⲣⲉ ⲛⲁⲥⲁⲫ ⲡⲉⲯⲁⲗⲙⲟⲥ ϩⲁ ⲡⲁⲥⲥⲩⲣⲓⲟⲥ</ab>
2ⲡⲉⲧⲙⲟⲟⲛⲉ ⲙⲡⲓ︤ⲏ︦ⲗ︥ ϯϩⲧⲏⲕ ⲡⲉⲧϫⲓⲙⲟⲉⲓⲧ ϩⲏⲧϥ ⲛⲓⲱⲥⲏⲫ ⲛⲑⲉ ⲛⲛⲓⲉⲥⲟⲟⲩ ⲡⲉⲧϩⲙⲟⲟⲥ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲟⲩⲟⲛϩⲕ ⲉⲃⲟⲗ</ab>
3ⲙⲡⲉⲙⲧⲟ ⲉⲃⲟⲗ ⲛⲉⲫⲣⲁⲓⲙ ⲙⲛ ⲃⲉⲛⲓⲁⲙⲉⲓⲛ ⲙⲛ ⲙⲁⲛⲁⲥⲥⲏ ⲙⲁⲧⲟⲩⲛⲉⲥ ⲧⲉⲕϭⲟⲙ ⲛⲅⲉⲓ ⲉⲧⲟⲩϫⲟⲛ</ab>
4ⲡⲛⲟⲩⲧⲉ ⲙⲁⲕⲧⲟⲛ ⲟⲩⲱⲛϩ ⲉⲃⲟⲗ ⲙⲡⲉⲕϩⲟ ⲁⲩⲱ ⲧⲛⲛⲁⲟⲩϫⲁⲓ</ab>
5ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ϣⲁ ⲧⲛⲁⲩ ⲕⲛⲟϭⲥ ⲉϫⲙ ⲡⲉϣⲗⲏⲗ ⲛⲛⲉⲕϩⲙϩⲁⲗ</ab>
6ⲕⲛⲁⲧⲙⲙⲟⲛ ⲛⲟⲩⲟⲉⲓⲕ ⲛⲣⲙⲉⲓⲏ ⲕⲛⲁⲧⲥⲟⲛ ⲛϩⲉⲛⲣⲙⲉⲓⲏ ϩⲛ ⲟⲩϣⲓ</ab>
7ⲁⲕⲕⲱ ⲙⲙⲟⲛ ⲛⲟⲩⲱϩⲙ ⲛⲛⲉⲧϩⲏⲛ ⲉⲣⲟⲛ ⲁⲩⲱ ⲛⲉⲛϫⲓϫⲉⲉⲩ ⲁⲩⲗⲕ ϣⲁ ⲛⲥⲱⲛ</ab>
8ⲡⲛⲟⲩⲧⲉ ⲛⲛϭⲟⲙ ⲙⲁⲕⲧⲟⲛ ⲛⲅⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲱⲛ ⲛⲧⲛⲟⲩϫⲁⲓ ⲇⲓⲁⲯⲁⲗⲙⲁ</ab>
9ⲁⲕⲡⲉⲛⲉⲟⲩⲃⲱ ⲛⲉⲗⲟⲟⲗⲉ ⲉⲃⲟⲗ ϩⲛ ⲕⲏⲙⲉ ⲁⲕⲛⲟⲩϫⲉ ⲉⲃⲟⲗ ⲛϩⲉⲛϩⲉⲑⲛⲟⲥ ⲁⲕⲧⲟϭⲥ</ab>
10ⲁⲕϫⲓⲙⲟⲉⲓⲧ ϩⲁ ⲧⲉⲥϩⲏ ⲁⲕⲧⲉϭⲛⲉⲥⲛⲟⲩⲛⲉ ⲁⲡⲕⲁϩ ⲙⲟⲩϩ</ab>
11ⲁⲧⲉⲥϩⲁⲓⲃⲉⲥ ϩⲃⲥ ⲛⲧⲟⲩⲉⲓⲏ ⲁⲩⲱ ⲁⲛⲉⲥϯⲟⲩⲱ ϩⲃⲥ ⲛⲕⲉⲇⲣⲟⲥ ⲙⲡⲛⲟⲩⲧⲉ</ab>
12ⲁⲥⲡⲣϣⲛⲉⲥϣⲗϩ ⲉⲃⲟⲗ ϣⲁ ⲑⲁⲗⲁⲥⲥⲁ ⲁⲩⲱ ⲛⲉⲥϯⲟⲩⲱ ϣⲁ ⲡⲉⲓⲉⲣⲟ</ab>
13ⲉⲧⲃⲉ ⲟⲩ ⲁⲕϣⲣϣⲣⲡⲉⲥϫⲟⲗϫⲗ ⲁⲩⲱ ⲥⲉϫⲱⲱⲗⲉ ⲛϩⲏⲧⲥ ⲛϭⲓ ⲟⲩⲟⲛ ⲛⲓⲙ ⲉⲧⲙⲟⲟϣⲉ ϩⲛ ⲧⲉϩⲓⲏ</ab>
14ⲁϩⲧⲁⲕⲟⲥ ⲛϭⲓ ⲟⲩⲣⲓⲣ ϩⲟⲟⲩⲧ ⲉⲃⲟⲗ ϩⲛ ⲧⲥⲱϣⲉ ⲁⲩⲱ ⲟⲩⲉⲓⲁϩⲟⲟⲩⲧ ⲁϥⲙⲁⲛⲟⲩⲟⲩⲥ</ab>
15ⲙⲁⲕⲧⲟⲛ ϭⲉ ⲡⲛⲟⲩⲧⲉ ⲛⲛϭⲟⲙ ⲛⲅϭⲱϣⲧ ⲉⲃⲟⲗ ϩⲛ ⲧⲡⲉ ⲛⲅⲛⲁⲩ ⲛⲅϭⲙⲡϣⲓⲛⲉ ⲛⲧⲉⲓⲃⲱ ⲛⲉⲗⲟⲟⲗⲉ</ab>
16ⲛⲅⲥⲃⲧⲱⲧⲥ ⲧⲁⲓ ⲉⲛⲧⲁⲧⲉⲕⲟⲩⲛⲁⲙ ⲧⲟϭⲥ ⲁⲩⲱ ⲉϫⲙ ⲡϣⲏⲣⲉ ⲙⲡⲣⲱⲙⲉ ⲉⲛⲧⲁⲕⲧⲁϫⲣⲟϥ ⲛⲁⲕ</ab>
17ⲉⲥⲣⲟⲕϩ ϩⲛ ⲟⲩⲕⲱϩⲧ ⲁⲩⲱ ⲉⲥϭⲣⲏ ⲥⲉⲛⲁⲧⲁⲕⲟ ⲉⲃⲟⲗ ϩⲛ ⲧⲉⲡⲓⲧⲓⲙⲓⲁ ⲙⲡⲉⲕϩⲟ</ab>
18ⲉⲣⲉⲧⲉⲕϭⲓϫ ϣⲱⲡⲉ ⲉϫⲙ ⲡⲣⲱⲙⲉ ⲛⲧⲉⲕⲟⲩⲛⲁⲙ ⲁⲩⲱ ⲉϫⲙ ⲡϣⲏⲣⲉ ⲙⲡⲣⲱⲙⲉ ⲉⲛⲧⲁⲕⲧⲁϫⲣⲟϥ ⲛⲁⲕ</ab>
19ⲁⲩⲱ ⲛⲛⲉⲛⲥⲁϩⲱⲛ ⲉⲃⲟⲗ ⲙⲙⲟⲕ ⲕⲛⲁⲧⲁⲛϩⲟⲛ ⲁⲩⲱ ⲧⲛⲛⲁⲉⲡⲓⲕⲁⲗⲉⲓ ⲙⲡⲉⲕⲣⲁⲛ</ab>
20ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲙⲁⲕⲧⲟⲛ ⲛⲅⲟⲩⲉⲛϩ ⲡⲉⲕϩⲟ ⲉⲃⲟⲗ ⲉϫⲱⲛ ⲛⲧⲛⲟⲩϫⲁⲓ</ab>