1ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲛⲧⲁϥⲥⲁϩϥ ⲉⲧⲉⲥⲧⲏⲗⲏ ⲉⲇⲁⲩⲉⲓⲇ ⲛⲧⲉⲣⲉⲥⲁⲟⲩⲗ ϫⲟⲟⲩ ⲉϩⲁⲣⲉϩ ⲉⲡⲉϥⲏⲓ ⲉⲙⲟⲟⲩⲧϥ</ab>
2ⲡⲛⲟⲩⲧⲉ ⲙⲁⲧⲟⲩϫⲟⲓ ⲉⲛⲁϫⲁϫⲉ ⲥⲱⲧⲉ ⲙⲙⲟⲓ ⲉⲃⲟⲗ ϩⲛ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ</ab>
3ⲛⲁϩⲙⲉⲧ ⲉⲛⲉⲧⲣϩⲱⲃ ⲉⲧⲁⲛⲟⲙⲓⲁ ⲛⲅⲧⲟⲩϫⲟⲓ ⲉⲃⲟⲗ ϩⲓⲧⲛ ⲛⲓⲣⲱⲙⲉ ⲛⲥⲛⲟϥ</ab>
4ϫⲉ ⲉⲓⲥ ϩⲏⲏⲧⲉ ⲁⲩϭⲱⲣϭ ⲉⲧⲁⲯⲩⲭⲏ ⲁⲩⲉⲓ ⲉϩⲣⲁⲓ ⲉϫⲱⲓ ⲉⲩⲧⲁϫⲣⲏⲩ ⲡϫⲟⲉⲓⲥ ⲛⲧⲁⲁⲛⲟⲙⲓⲁ ⲁⲛ ⲧⲉ ⲙⲡⲁⲛⲟⲃⲉ ⲁⲛ ⲡⲉ</ab>
5ⲁⲓⲡⲱⲧ ⲁϫⲛ ⲁⲛⲟⲙⲓⲁ ⲁⲩⲱ ⲁⲓⲥⲟⲟⲩⲧⲛ ⲧⲱⲟⲩⲛ ⲛⲅⲧⲱⲙⲛⲧ ⲉⲣⲟⲓ ⲛⲅⲛⲁⲩ</ab>
6ⲛⲧⲟⲕ ⲡϫⲟⲉⲓⲥ ⲡⲛⲟⲩⲧⲉ ⲛⲛϭⲟⲙ ⲡⲛⲟⲩⲧⲉ ⲙⲡⲓ︤ⲏ︦ⲗ︥ ϯϩⲧⲏⲕ ⲉϭⲙⲡϣⲓⲛⲉ ⲛⲛϩⲉⲑⲛⲟⲥ ⲧⲏⲣⲟⲩ ⲙⲡⲣϣⲛϩⲧⲏⲕ ⲉϫⲛ ⲟⲩⲟⲛ ⲛⲓⲙ ⲉⲧⲣϩⲱⲃ ⲉⲧⲁⲛⲟⲙⲓⲁ ⲇⲓⲁⲯⲁⲗⲙⲁ</ab>
7ⲥⲉⲛⲁⲕⲧⲟⲟⲩ ⲉⲣⲟⲩϩⲉ ⲛⲥⲉϩⲕⲟ ⲛⲑⲉ ⲛⲛⲉⲩϩⲟⲟⲣ ⲛⲥⲉⲕⲱⲧⲉ ⲉⲧⲡⲟⲗⲓⲥ</ab>
8ⲉⲓⲥ ϩⲏⲏⲧⲉ ⲛⲧⲟⲟⲩ ⲥⲉⲛⲁϣⲁϫⲉ ϩⲛ ⲧⲉⲩⲧⲁⲡⲣⲟ ⲉⲣⲉⲟⲩⲥⲏϥⲉ ϩⲓ ⲛⲉⲩⲥⲡⲟⲧⲟⲩ ϫⲉ ⲛⲓⲙ ⲡⲉⲛⲧⲁϥⲥⲱⲧⲙ</ab>
9ⲛⲧⲟⲕ ⲡϫⲟⲉⲓⲥ ⲡⲉⲧⲛⲁⲥⲱⲃⲉ ⲛⲥⲱⲟⲩ ⲕⲛⲁⲥⲱϣϥ ⲛϩⲉⲑⲛⲟⲥ ⲛⲓⲙ</ab>
10ⲉⲓⲛⲁϩⲁⲣⲉϩ ⲉⲡⲁⲧⲁϫⲣⲟ ϩⲁⲧⲏⲕ ϫⲉ ⲛⲧⲕ ⲡⲁⲛⲟⲩⲧⲉ ⲡⲁⲣⲉϥϣⲟⲡⲧ ⲉⲣⲟⲕ</ab>
11ⲡⲁⲛⲟⲩⲧⲉ ⲡⲉϥⲛⲁ ⲛⲁⲣϣⲟⲣⲡ ⲉⲣⲟⲓ ⲡⲛⲟⲩⲧⲉ ⲛⲁⲧⲣⲁⲙⲉϩⲉⲓⲁⲧ ⲛⲛⲁϫⲓϫⲉⲉⲩ</ab>
12ⲙⲡⲣⲙⲟⲟⲩⲧⲟⲩ ⲙⲏⲡⲟⲧⲉ ⲛⲥⲉⲣⲡⲱⲃϣ ⲙⲡⲉⲕⲣⲁⲛ ϫⲟⲟⲣⲟⲩ ⲉⲃⲟⲗ ϩⲛ ⲧⲉⲕϭⲟⲙ ⲛⲅⲛⲧⲟⲩ ⲉⲡⲉⲥⲏⲧ ⲡϫⲟⲉⲓⲥ ⲧⲁⲛⲁϣⲧⲉ</ab>
13ⲡⲛⲟⲃⲉ ⲛⲧⲉⲩⲧⲁⲡⲣⲟ ⲡϣⲁϫⲉ ⲛⲛⲉⲩⲥⲡⲟⲧⲟⲩ ⲙⲁⲣⲟⲩϭⲟⲡⲟⲩ ϩⲛ ⲧⲉⲩⲙⲛⲧϫⲁⲥⲓϩⲏⲧ ⲥⲉⲛⲁϫⲟ ⲛⲧⲉⲩϩⲁⲏ ⲉⲃⲟⲗ ϩⲙ ⲡⲉⲩⲥⲁϩⲟⲩ ⲙⲛ ⲡⲉⲩϫⲓϭⲟⲗ</ab>
14ⲙⲛ ⲧⲟⲣⲅⲏ ⲛⲑⲁⲏ ⲛⲥⲉⲧⲙϣⲱⲡⲉ ⲁⲩⲱ ⲥⲉⲛⲁⲉⲓⲙⲉ ϫⲉ ⲡⲛⲟⲩⲧⲉ ⲛⲓⲁⲕⲱⲃ ⲡⲉⲧⲟ ⲛϫⲟⲉⲓⲥ ⲉϫⲛ ⲛⲉⲕⲣⲱⲟⲩ ⲙⲡⲕⲁϩ ⲇⲓⲁⲯⲁⲗⲙⲁ</ab>
15ⲥⲉⲛⲁⲕⲧⲟⲟⲩ ⲉⲣⲟⲩϩⲉ ⲛⲥⲉϩⲕⲟ ⲛⲑⲉ ⲛⲛⲉⲩϩⲟⲟⲣ ⲛⲥⲉⲕⲱⲧⲉ ⲉⲧⲡⲟⲗⲓⲥ</ab>
16ⲛⲧⲟⲟⲩ ⲇⲉ ⲥⲉⲛⲁϫⲱⲱⲣⲉ ⲉⲃⲟⲗ ⲉⲟⲩⲱⲙ ⲉϣⲱⲡⲉ ⲇⲉ ⲉⲩⲧⲙⲥⲉⲓ ⲥⲉⲛⲁⲕⲣⲙⲣⲙ</ab>
17ⲁⲛⲟⲕ ⲇⲉ ϯⲛⲁϫⲱ ⲛⲧⲉⲕϭⲟⲙ ⲁⲩⲱ ϯⲛⲁⲧⲉⲗⲏⲗ ϩⲙ ⲡⲉⲕⲛⲁ ⲙⲡⲛⲁⲩ ⲛϩⲧⲟⲟⲩⲉ ϫⲉ ⲁⲕϣⲱⲡⲉ ⲛⲁⲓ ⲛⲣⲉϥϣⲟⲡⲧ ⲉⲣⲟⲕ ⲁⲩⲱ ⲙⲙⲁ ⲙⲡⲱⲧ ⲙⲡⲉϩⲟⲟⲩ ⲛⲧⲁⲑⲗⲓⲯⲓⲥ</ab>
18ⲛⲧⲕ ⲡⲁⲃⲟⲏⲑⲟⲥ ⲉⲓⲛⲁⲯⲁⲗⲗⲉⲓ ⲉⲣⲟⲕ ϫⲉ ⲛⲧⲟⲕ ⲡⲉ ⲡⲛⲟⲩⲧⲉ ⲡⲁⲣⲉϥϣⲟⲡⲧ ⲉⲣⲟⲕ ⲡⲁⲛⲟⲩⲧⲉ ⲡⲁⲛⲁ</ab>
19