1ⲉⲡϫⲱⲕ ⲉⲃⲟⲗ ⲙⲡⲣⲧⲁⲕⲟ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲛⲧⲁϥⲥⲁϩϥ ⲉⲧⲉⲥⲧⲏⲗⲏ</ab>
2ⲉϣϫⲉ ⲛⲁⲙⲉ ⲧⲉⲧⲛϫⲱ ⲛⲧⲇⲓⲕⲁⲓⲟⲥⲩⲛⲏ ⲕⲣⲓⲛⲉ ⲙⲡⲥⲟⲟⲩⲧⲛ ⲛϣⲏⲣⲉ ⲛⲛⲣⲱⲙⲉ</ab>
3ⲕⲁⲓ ⲅⲁⲣ ⲧⲉⲧⲛⲣϩⲱⲃ ϩⲛ ⲡⲉⲧⲛϩⲏⲧ ⲉϩⲉⲛⲁⲛⲟⲙⲓⲁ ϩⲓϫⲙ ⲡⲕⲁϩ ⲛⲉⲧⲛϭⲓϫ ϭⲗⲟⲙⲗⲙ ϩⲛ ϩⲉⲛϫⲓⲛϭⲟⲛⲥ</ab>
4ⲁⲛⲣⲉϥⲣⲛⲟⲃⲉ ⲣϣⲙⲙⲟ ϫⲓⲛ ϩⲛ ⲧⲟⲟⲧⲉ ⲁⲩⲡⲗⲁⲛⲁ ϫⲓⲛ ϩⲛ ⲑⲏ ⲁⲩϫⲱ ⲛϩⲉⲛϭⲟⲗ</ab>
5ⲟⲩⲛⲟⲩϭⲱⲛⲧ ⲙⲙⲟⲟⲩ ⲛⲑⲉ ⲙⲡⲁⲡϩⲟϥ ⲛⲑⲉ ⲛⲟⲩϩⲟϥ ⲛⲁⲗ ⲉϥϣⲧⲁⲙ ⲛⲛⲉϥⲙⲁⲁϫⲉ</ab>
6ⲉⲙⲉϥⲥⲱⲧⲙ ⲉⲡⲉϩⲣⲟⲟⲩ ⲛⲛⲉⲧⲙⲟⲩⲧⲉ ⲉⲣⲟϥ ⲁⲩⲱ ⲉⲩⲡⲁϩⲣⲉ ⲉⲩⲉⲓⲣⲉ ⲙⲙⲟϥ ϩⲓⲧⲛ ⲟⲩⲥⲟⲫⲟⲥ</ab>
7ⲡⲛⲟⲩⲧⲉ ⲛⲁⲟⲩⲱϣϥ ⲛⲛⲉⲩⲟⲃϩⲉ ϩⲛ ⲣⲱⲟⲩ ⲁⲡϫⲟⲉⲓⲥ ⲟⲩⲱϭⲡ ⲛⲛⲛⲁϫϩⲉ ⲛⲙⲙⲟⲩⲓ</ab>
8ⲁϥⲥⲟϣϥⲟⲩ ⲛⲑⲉ ⲛⲟⲩⲙⲟⲟⲩ ⲉϥⲥⲱⲕ ϥⲛⲁⲥⲱⲙⲛⲧ ⲛⲧⲉϥⲡⲓⲧⲉ ϣⲁⲛⲧⲟⲩⲣϭⲱⲃ</ab>
9ⲥⲉⲛⲁⲱϫⲛ ⲛⲑⲉ ⲛⲟⲩⲙⲟⲩⲗϩ ⲉⲁϥⲃⲱⲗ ⲉⲃⲟⲗ ⲁⲩⲕⲱϩⲧ ϩⲉ ⲉϩⲣⲁⲓ ⲉϫⲱⲟⲩ ⲙⲡⲟⲩⲛⲁⲩ ⲉⲡⲣⲏ</ab>
10ⲉⲙⲡⲁⲧⲟⲩⲉⲓⲙⲉ ⲉⲛⲉⲩϣⲟⲛⲧⲉ ⲧⲉϩⲣⲁⲙⲛⲟⲥ ⲛⲑⲉ ⲛⲛⲉⲧⲟⲛϩ ϥⲛⲁⲉⲙⲕⲧⲏⲩⲧⲛ ϩⲛ ⲟⲩⲟⲣⲅⲏ</ab>
11ⲡⲇⲓⲕⲁⲓⲟⲥ ⲛⲁⲉⲩⲫⲣⲁⲛⲉ ⲉϥϣⲁⲛⲛⲁⲩ ⲉⲡϫⲓⲕⲃⲁ ⲛⲛⲁⲥⲉⲃⲏⲥ ϥⲛⲁⲉⲓⲱ ⲛⲛⲉϥϭⲓϫ ϩⲙ ⲡⲉⲥⲛⲟϥ ⲙⲡⲣⲉϥⲣⲛⲟⲃⲉ</ab>
12ⲁⲩⲱ ⲡⲣⲱⲙⲉ ⲛⲁϫⲟⲟⲥ ϫⲉ ⲉⲓⲉⲟⲩⲛⲧⲉ ⲡⲇⲓⲕⲁⲓⲟⲥ ⲕⲁⲣⲡⲟⲥ ⲉⲓⲉⲡⲛⲟⲩⲧⲉ ϣⲟⲟⲡ ⲡⲉⲧⲕⲣⲓⲛⲉ ⲙⲙⲟⲟⲩ ϩⲙ ⲡⲕⲁϩ</ab>