1ⲉⲡϫⲱⲕ ⲉⲃⲟⲗ ⲛⲛϣⲏⲣⲉ ⲛⲕⲟⲣⲉ ⲡⲉⲯⲁⲗⲙⲟⲥ</ab>
2ⲥⲱⲧⲙ ⲉⲛⲁⲓ ⲛϩⲉⲑⲛⲟⲥ ⲧⲏⲣⲟⲩ ϫⲓⲥⲙⲏ ⲛⲉⲧⲟⲩⲏϩ ⲧⲏⲣⲟⲩ ϩⲛ ⲧⲟⲓⲕⲟⲩⲙⲉⲛⲏ</ab>
3ⲛⲉϫⲡⲟ ⲙⲡⲕⲁϩ ⲁⲩⲱ ⲛϣⲏⲣⲉ ⲛⲛⲣⲱⲙⲉ ⲛⲣⲙⲙⲁⲟ ϩⲓ ⲟⲩⲥⲟⲡ ⲙⲛ ⲛϩⲏⲕⲉ</ab>
4ⲧⲁⲧⲁⲡⲣⲟ ⲛⲁϫⲱ ⲛⲟⲩⲥⲟⲫⲓⲁ ⲁⲩⲱ ⲧⲙⲉⲗⲉⲧⲏ ⲙⲡⲁϩⲏⲧ ⲛⲟⲩⲙⲛⲧⲣⲙⲛϩⲏⲧ</ab>
5ϯⲛⲁⲣⲓⲕⲉ ⲙⲡⲁⲙⲁⲁϫⲉ ⲉⲩⲡⲁⲣⲁⲃⲟⲗⲏ ϯⲛⲁⲟⲩⲱⲛ ⲙⲡⲁⲡⲣⲟⲃⲗⲏⲙⲁ ϩⲛ ⲟⲩⲯⲁⲗⲧⲏⲣⲓⲟⲛ</ab>
6ⲉⲓⲛⲁⲣϩⲟⲧⲉ ϫⲉ ⲟⲩ ϩⲛ ⲟⲩϩⲟⲟⲩ ⲙⲡⲟⲛⲏⲣⲟⲛ ⲧⲁⲛⲟⲙⲓⲁ ⲙⲡⲁϯⲃⲥ ⲛⲁⲕⲱⲧⲉ ⲉⲣⲟⲓ</ab>
7ⲛⲉⲧⲛⲁϩⲧⲉ ⲉⲧⲉⲩϭⲟⲙ ⲉⲧϣⲟⲩϣⲟⲩ ⲙⲙⲟⲟⲩ ⲉϫⲙ ⲡⲁϣⲁⲓ ⲛⲧⲉⲩⲙⲛⲧⲣⲙⲙⲁⲟ</ab>
8ⲛⲥⲉⲛⲁⲥⲱⲧⲉ ⲁⲛ ⲛⲟⲩⲥⲟⲛ ⲙⲛⲟⲩⲣⲱⲙⲉ ⲛⲁⲥⲱⲧⲉ ⲛϥⲛⲁϯ ⲁⲛ ⲙⲡⲛⲟⲩⲧⲉ ⲛⲧⲉϥϣⲃⲃⲓⲱ</ab>
9ⲁⲩⲱ ⲧⲁⲥⲟⲩ ⲙⲡⲥⲱⲧⲉ ⲛⲧⲉϥⲯⲩⲭⲏ</ab>
10ⲁϥϩⲓⲥⲉ ϣⲁ ⲉⲛⲉϩ ϥⲛⲁⲱⲛϩ ϣⲁⲃⲟⲗ ϫⲉ ⲛϥⲛⲁⲛⲁⲩ ⲁⲛ ⲉⲡⲧⲁⲕⲟ ⲉϥϣⲁⲛⲛⲁⲩ ⲉⲛⲥⲟⲫⲟⲥ ⲉⲩⲙⲟⲩ</ab>
11ⲡⲁⲑⲏⲧ ⲙⲛ ⲡⲁⲧⲥⲃⲱ ⲛⲁⲧⲁⲕⲟ ϩⲓ ⲟⲩⲥⲟⲡ ⲥⲉⲛⲁⲕⲱ ⲛⲧⲉⲩⲙⲛⲧⲣⲙⲁⲟ ⲛϩⲉⲛⲕⲟⲟⲩⲉ</ab>
12ⲁⲩⲱ ⲛⲉⲩⲧⲁⲫⲟⲥ ⲛⲉ ⲛⲉⲩⲏⲓ ϣⲁ ⲉⲛⲉϩ ⲛⲉⲩⲙⲁ ⲛϣⲱⲡⲉ ϫⲓⲛ ⲟⲩϫⲱⲙ ϣⲁ ⲟⲩϫⲱⲙ ⲁⲩⲉⲡⲓⲕⲁⲗⲉⲓ ⲛⲛⲉⲩⲣⲁⲛ ⲉϩⲣⲁⲓ ⲉϫⲛ ⲛⲉⲩⲕⲁϩ</ab>
13ⲟⲩⲣⲱⲙⲉ ⲉϥϩⲛ ⲟⲩⲧⲁⲉⲓⲟ ⲉⲙⲡϥⲉⲓⲙⲉ ⲉⲣⲟϥ ⲁⲩⲛⲟϫϥ ⲙⲛ ⲛⲧⲃⲛⲟⲟⲩⲉ ⲛⲁⲧⲉⲓⲙⲉ ⲁϥⲉⲓⲙⲉ ⲙⲙⲟⲟⲩ</ab>
14ⲧⲁⲓ ⲧⲉ ⲧⲉⲩϩⲓⲏ ⲉⲥⲉⲣϫⲣⲟⲡ ⲛⲁⲩ ⲙⲛⲛⲥⲁ ⲛⲁⲓ ⲥⲉⲛⲁⲥⲙⲟⲩ ϩⲛ ⲣⲱⲟⲩ ⲇⲓⲁⲯⲁⲗⲙⲁ</ab>
15ⲁϥⲕⲁⲁⲩ ⲛⲑⲉ ⲛϩⲉⲛⲉⲥⲟⲟⲩ ϩⲛ ⲁⲙⲛⲧⲉ ⲡⲙⲟⲩ ⲡⲉⲧⲙⲟⲟⲛⲉ ⲙⲙⲟⲟⲩ ⲁⲩⲱ ⲥⲉⲛⲁⲣϫⲟⲉⲓⲥ ⲉⲣⲟⲟⲩ ⲛϭⲓ ⲛⲉⲧⲥⲟⲩⲧⲱⲛ ⲙⲡⲛⲁⲩ ⲛϩⲧⲟⲟⲩⲉ ⲧⲉⲩⲃⲟⲏⲑⲉⲓⲁ ⲛⲁⲱⲥⲕ ϩⲛ ⲁⲙⲛⲧⲉ ⲁⲩϥⲟⲧⲟⲩ ⲉⲃⲟⲗ ϩⲙ ⲡⲉⲩⲉⲟⲟⲩ</ab>
16ⲡⲗⲏⲛ ⲡⲛⲟⲩⲧⲉ ⲛⲁⲥⲱⲧⲉ ⲛⲧⲁⲯⲩⲭⲏ ⲉⲃⲟⲗ ϩⲛ ⲧϭⲓϫ ⲛⲁⲙⲛⲧⲉ ⲉϥϣⲁⲛϫⲓⲧ ⲇⲓⲁⲯⲁⲗⲙⲁ</ab>
17ⲙⲡⲣⲣϩⲟⲧⲉ ⲉⲣϣⲁⲛⲟⲩⲣⲱⲙⲉ ⲣⲣⲙⲙⲁⲟ ⲁⲩⲱ ⲉⲣϣⲁⲛⲡⲉϥⲉⲟⲟⲩ ⲁϣⲁⲓ ⲙⲛ ⲡⲁ ⲡⲉϥⲏⲓ</ab>
18ϫⲉ ϩⲙ ⲡⲧⲣⲉϥⲙⲟⲩ ⲛⲉϥⲛⲁϫⲓⲧⲟⲩ ⲧⲏⲣⲟⲩ ⲁⲛ ⲟⲩⲇⲉ ⲙⲡⲉϥⲉⲟⲟⲩ ⲛⲁⲃⲱⲕ ⲁⲛ ⲉⲡⲉⲥⲏⲧ ⲛⲙⲙⲁϥ ⲙⲛ ⲡⲁ ⲡⲉϥⲏⲓ</ab>
19ϫⲉ ⲧⲉϥⲯⲩⲭⲏ ⲛⲁϫⲓⲥⲙⲟⲩ ϩⲙ ⲡⲉϥⲱⲛϩ ϥⲛⲁⲟⲩⲱⲛϩ ⲛⲁⲕ ⲉⲃⲟⲗ ⲉⲕϣⲁⲛⲣⲡⲉⲧⲛⲁⲛⲟⲩϥ ⲛⲁϥ</ab>
20ϥⲛⲁⲃⲱⲕ ⲉϩⲟⲩⲛ ϣⲁ ⲡϫⲱⲙ ⲛⲛⲉϥⲉⲓⲟⲧⲉ ⲛϥⲛⲁⲛⲁⲩ ⲁⲛ ⲉⲡⲟⲩⲟⲉⲓⲛ ϣⲁ ⲉⲛⲉϩ</ab>
21ⲡⲣⲱⲙⲉ ⲉϥϩⲛ ⲟⲩⲧⲁⲉⲓⲟ ⲉⲙⲡϥⲉⲓⲙⲉ ⲉⲣⲟϥ ⲁⲩⲧⲛⲧⲱⲛϥ ⲉⲛⲧⲃⲛⲟⲟⲩⲉ ⲛⲁⲧⲉⲓⲙⲉ ⲁϥⲉⲓⲛⲉ ⲙⲙⲟⲟⲩ</ab>