1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲧⲱⲇⲏ ⲙⲡϫⲓⲁⲉⲓⲕ ⲙⲡⲏⲓ ⲛⲇⲁⲩⲉⲓⲇ</ab>
2ϯⲛⲁϫⲁⲥⲧⲕ ⲡϫⲟⲉⲓⲥ ϫⲉ ⲁⲕϣⲟⲡⲧ ⲉⲣⲟⲕ ⲁⲩⲱ ⲙⲡⲕⲉⲩⲫⲣⲁⲛⲉ ⲛⲛⲁϫⲁϫⲉ ⲉϫⲱⲓ</ab>
3ⲡϫⲟⲉⲓⲥ ⲡⲁⲛⲟⲩⲧⲉ ⲁⲓϫⲓϣⲕⲁⲕ ⲉϩⲣⲁⲓ ⲉⲣⲟⲕ ⲁⲕⲧⲁⲗϭⲟⲓ</ab>
4ⲡϫⲟⲉⲓⲥ ⲁⲕⲛⲧⲁⲯⲩⲭⲏ ⲉϩⲣⲁⲓ ϩⲛ ⲁⲙⲛⲧⲉ ⲁⲕⲧⲟⲩϫⲟⲓ ⲉⲃⲟⲗ ϩⲛ ⲛⲉⲧⲃⲏⲕ ⲉⲡⲉⲥⲏⲧ ⲉⲡϣⲏⲓ</ab>
5ⲯⲁⲗⲗⲉⲓ ⲉⲡϫⲟⲉⲓⲥ ⲛⲉϥⲡⲉⲧⲟⲩⲁⲁⲃ ⲛⲧⲉⲧⲛⲟⲩⲱⲛϩ ⲉⲃⲟⲗ ⲙⲡⲣⲡⲙⲉⲉⲩⲉ ⲙⲡⲉϥⲟⲩⲟⲡ</ab>
6ϫⲉ ⲟⲩⲛⲟⲩⲟⲣⲅⲏ ϩⲙ ⲡⲉϥϭⲱⲛⲧ ⲁⲩⲱ ⲟⲩⲱⲛϩ ϩⲙ ⲡⲉϥⲟⲩⲱϣ ⲡⲣⲓⲙⲉ ⲛⲁϣⲱⲡⲉ ⲉⲣⲟⲩϩⲉ ⲛⲧⲉⲡⲧⲉⲗⲏⲗ ϣⲱⲡⲉ ⲉϩⲧⲟⲟⲩⲉ</ab>
7ⲁⲛⲟⲕ ⲇⲉ ⲁⲓϫⲟⲟⲥ ϩⲙ ⲡⲁⲟⲩⲱⲱⲗⲉ ϫⲉ ⲛϯⲛⲁⲕⲓⲙ ⲁⲛ ϣⲁ ⲉⲛⲉϩ</ab>
8ⲡϫⲟⲉⲓⲥ ϩⲙ ⲡⲉⲕⲟⲩⲱϣ ⲁⲕϯ ⲛⲟⲩϭⲟⲙ ⲉⲡⲁⲥⲁ ⲁⲕⲕⲧⲉⲡⲉⲕϩⲟ ⲇⲉ ⲉⲃⲟⲗ ⲁⲓϣⲱⲡⲉ ⲉⲓϣⲧⲣⲧⲱⲣ</ab>
9ⲉⲓⲛⲁϫⲓϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲧⲁⲥⲟⲡⲥ ⲙⲡⲁⲛⲟⲩⲧⲉ</ab>
10ⲟⲩ ⲡⲉ ⲡϩⲏⲩ ⲙⲡⲁⲥⲛⲟϥ ϩⲙ ⲡⲧⲣⲁⲃⲱⲕ ⲉⲡⲉⲥⲏⲧ ⲉⲡⲧⲁⲕⲟ ⲙⲏ ⲉⲣⲉⲡⲉⲭⲟⲩⲥ ⲛⲁⲉⲝⲟⲙⲟⲗⲟⲅⲉⲓ ⲛⲁⲕ ⲙⲏ ⲉϥⲛⲁϫⲱ ⲛⲧⲉⲕⲙⲉ</ab>
11ⲁⲡϫⲟⲉⲓⲥ ⲥⲱⲧⲙ ⲁϥⲛⲁ ⲛⲁⲓ ⲁⲡϫⲟⲉⲓⲥ ϣⲱⲡⲉ ⲛⲁⲓ ⲛⲃⲟⲏⲑⲟⲥ</ab>
12ⲁⲕⲕⲧⲉⲡⲁⲛⲉϩⲡⲉ ⲛⲁⲓ ⲉⲩⲣⲁϣⲉ ⲁⲕⲡⲉϩⲧⲁϭⲟⲟⲩⲛⲉ ⲁⲕⲙⲟⲣⲧ ⲛⲟⲩⲟⲩⲛⲟϥ</ab>
13ϫⲉ ⲉⲣⲉⲧⲁⲟⲩⲛⲁⲙ ⲥⲙⲟⲩ ⲉⲣⲟⲕ ⲛⲧⲁⲧⲙⲙⲕⲁϩ ⲛϩⲏⲧ ⲡϫⲟⲉⲓⲥ ⲡⲁⲛⲟⲩⲧⲉ ϯⲛⲁⲉⲝⲟⲙⲟⲗⲟⲅⲉⲓ ⲛⲁⲕ ϣⲁ ⲉⲛⲉϩ</ab>