1ⲉⲡϫⲱⲕ ⲉⲃⲟⲗ ⲛⲇⲁⲩⲉⲓⲇ ⲡϩⲙϩⲁⲗ ⲙⲡϫⲟⲉⲓⲥ ⲛϣⲁϫⲉ ⲛⲧⲉⲓⲱⲇⲏ ⲉⲛⲧⲁϥϫⲟⲟⲩ ⲉⲡϫⲟⲉⲓⲥ ϩⲙ ⲡⲉϩⲟⲟⲩ ⲉⲛⲧⲁⲡϫⲟⲉⲓⲥ ⲛⲁϩⲙⲉϥ ⲉⲃⲟⲗ ϩⲓⲧⲛ ⲛⲉϥϫⲁϫⲉ ⲧⲏⲣⲟⲩ ⲁⲩⲱ ⲉⲃⲟⲗ ϩⲓⲧⲛ ⲥⲁⲟⲩⲗ ⲡⲉϫⲁϥ ϫⲉ</ab>
2ϯⲛⲁⲙⲉⲣⲓⲧⲕ ⲡϫⲟⲉⲓⲥ ⲧⲁϭⲟⲙ</ab>
3ⲡϫⲟⲉⲓⲥ ⲡⲉ ⲡⲁⲧⲁϫⲣⲟ ⲙⲛ ⲡⲁⲙⲁⲙⲡⲱⲧ ⲙⲛ ⲡⲁⲛⲟⲩϩⲙ ⲡⲁⲛⲟⲩⲧⲉ ⲡⲉ ⲡⲁⲃⲟⲏⲑⲟⲥ ϯⲛⲁⲛⲁϩⲧⲉ ⲉⲣⲟϥ ⲧⲁⲛⲁϣⲧⲉ ⲡⲉ ⲁⲩⲱ ⲡⲧⲁⲡ ⲙⲡⲁⲟⲩϫⲁⲓ ⲡⲁⲣⲉϥϣⲟⲡⲧ ⲉⲣⲟϥ</ab>
4ⲉⲓⲥⲙⲟⲩ ϯⲛⲁⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲁⲩⲱ ϯⲛⲁⲟⲩϫⲁⲓ ⲉⲃⲟⲗ ϩⲛ ⲛⲁϫⲁϫⲉ</ab>
5ⲁⲛⲛⲁⲁⲕⲉ ⲙⲡⲙⲟⲩ ⲁⲙⲁϩⲧⲉ ⲙⲙⲟⲓ ⲙⲙⲟⲟⲩ ⲛⲥⲱⲣⲙ ⲛⲧⲁⲛⲟⲙⲓⲁ ⲁⲩϣⲧⲣⲧⲱⲣⲧ</ab>
6ⲁⲛⲛⲁⲁⲕⲉ ⲛⲁⲙⲛⲧⲉ ⲁⲙⲁϩⲧⲉ ⲙⲙⲟⲓ ⲁⲙⲡⲁϣ ⲙⲡⲙⲟⲩ ⲣϣⲟⲣⲡ ⲉⲣⲟⲓ</ab>
7ϩⲙ ⲡⲧⲣⲁⲑⲗⲓⲃⲉ ⲁⲓⲱϣ ⲉϩⲣⲁⲓ ⲉⲡϫⲟⲉⲓⲥ ⲁⲓϫⲓϣⲕⲁⲕ ⲉϩⲣⲁⲓ ⲉⲡⲁⲛⲟⲩⲧⲉ ⲁϥⲥⲱⲧⲙ ⲉⲡⲁϩⲣⲟⲟⲩ ⲉⲃⲟⲗ ϩⲙ ⲡⲉϥⲣⲡⲉ ⲉⲧⲟⲩⲁⲁⲃ ⲁⲩⲱ ⲡⲁⲁϣⲕⲁⲕ ⲙⲡⲉϥⲙⲧⲟ ⲉⲃⲟⲗ ⲛⲁⲃⲱⲕ ⲉϩⲟⲩⲛ ⲉⲛⲉϥⲙⲁⲁϫⲉ</ab>
8ⲁⲡⲕⲁϩ ⲕⲓⲙ ⲁⲩⲱ ⲁϥⲥⲧⲱⲧ ⲁⲛⲥⲛⲧⲉ ⲛⲛⲧⲟⲟⲩ ϣⲧⲟⲣⲧⲣ ⲁⲩⲕⲓⲙ ϫⲉ ⲁⲡⲛⲟⲩⲧⲉ ⲛⲟⲩϭⲥ ⲉⲣⲟⲟⲩ</ab>
9ⲁⲩⲕⲁⲡⲛⲟⲥ ⲉⲓ ⲉϩⲣⲁⲓ ϩⲛ ⲧⲉϥⲟⲣⲅⲏ ⲁⲩⲕⲱϩⲧ ⲙⲟⲩϩ ⲙⲡⲉϥⲙⲧⲟ ⲉⲃⲟⲗ ⲁϩⲉⲛϫⲃⲃⲉⲥ ϫⲉⲣⲟ ⲉⲃⲟⲗ ⲙⲙⲟϥ</ab>
10ⲁϥⲣⲉⲕⲧⲧⲡⲉ ⲁϥⲉⲓ ⲉⲡⲉⲥⲏⲧ ⲉⲣⲉⲟⲩϭⲟⲥⲙ ϩⲁ ⲛⲉϥⲟⲩⲉⲣⲏⲧⲉ</ab>
11ⲁϥⲁⲗⲉ ⲉϩⲣⲁⲓ ⲉϫⲛ ⲛⲉⲭⲉⲣⲟⲩⲃⲓⲛ ⲁϥϩⲱⲗ ⲁϥϩⲱⲗ ⲉϫⲛ ⲛⲧⲛϩ ⲛⲛⲧⲏⲩ</ab>
12ⲁϥⲕⲱ ⲛⲟⲩⲕⲁⲕⲉ ⲛⲗⲓⲕⲧϥ ⲉⲣⲉⲧⲉϥⲥⲕⲏⲛⲏ ⲕⲱⲧⲉ ⲉⲣⲟϥ ⲟⲩⲙⲟⲟⲩ ⲉϥϩⲏⲡ ϩⲛ ⲛⲉⲕⲗⲟⲟⲗⲉ ⲛⲁⲏⲣ</ab>
13ⲉⲃⲟⲗ ⲙⲡⲟⲩⲟⲩⲉⲓⲛ ⲁⲛⲉⲕⲗⲟⲟⲗⲉ ⲥⲓⲛⲉ ⲙⲡⲉϥⲙⲧⲟ ⲉⲃⲟⲗ ⲟⲩⲭⲁⲗⲁⲍⲁ ⲙⲛ ϩⲉⲛϫⲃⲃⲉⲥ ⲛⲕⲱϩⲧ</ab>
14ⲁⲡϫⲟⲉⲓⲥ ϯϩⲣⲟⲩⲃⲃⲁⲓ ⲉⲃⲟⲗ ϩⲛ ⲧⲡⲉ ⲁⲡⲉⲧϫⲟⲥⲉ ϯⲛⲧⲉϥⲥⲙⲏ</ab>
15ⲁϥⲧⲛⲉⲩϩⲉⲛⲥⲟⲧⲉ ⲁϥϫⲟⲟⲣⲟⲩ ⲉⲃⲟⲗ ⲁϥⲧⲁϣⲉⲛⲉⲃⲣⲏϭⲉ ⲁϥϣⲧⲣⲧⲱⲣⲟⲩ</ab>
16ⲁⲩⲟⲩⲱⲛϩ ⲉⲃⲟⲗ ⲛϭⲓ ⲙⲡⲏⲅⲏ ⲛⲙⲙⲟⲟⲩ ⲁⲩϭⲱⲗⲡ ⲉⲃⲟⲗ ⲛϭⲓ ⲛⲥⲛⲧⲉ ⲛⲧⲟⲓⲕⲟⲩⲙⲉⲛⲏ ⲉⲃⲟⲗ ⲛⲧⲉⲕⲉⲡⲓⲧⲓⲙⲓⲁ ⲡϫⲟⲉⲓⲥ ⲉⲃⲟⲗ ⲙⲡⲛⲓϥⲉ ⲙⲡⲉⲡ︤ⲛ︦ⲁ︥ ⲛⲧⲉⲕⲟⲣⲅⲏ</ab>
17ⲁϥⲧⲛⲛⲟⲟⲩ ⲉⲃⲟⲗ ϩⲙ ⲡϫⲓⲥⲉ ⲁϥϫⲓⲧ ⲁϥϣⲟⲡⲧ ⲉⲣⲟϥ ⲉⲃⲟⲗ ϩⲛ ϩⲉⲛⲙⲟⲟⲩ ⲉⲛⲁϣⲱⲟⲩ</ab>
18ϥⲛⲁⲧⲟⲩϫⲟⲓ ⲉⲃⲟⲗ ϩⲛ ⲛⲁϫⲁϫⲉ ⲛϫⲱⲱⲣⲉ ⲁⲩⲱ ⲉⲃⲟⲗ ϩⲛ ⲛⲉⲧⲙⲟⲥⲧⲉ ⲙⲙⲟⲓ ϫⲉ ⲁⲩϭⲙϭⲟⲙ ⲉϩⲟⲩⲉ ⲉⲣⲟⲓ</ab>
19ⲁⲩⲣ ϩⲁⲣⲱⲓ ⲙⲡⲉϩⲟⲟⲩ ⲙⲡⲁⲙⲕⲁϩ ⲁⲡϫⲟⲉⲓⲥ ϣⲱⲡⲉ ⲛⲁⲓ ⲛⲧⲁϫⲣⲟ</ab>
20ⲁϥⲛⲧ ⲉⲃⲟⲗ ⲉⲩⲟⲩⲟⲥⲧⲛ ϥⲛⲁⲧⲟⲩϫⲟⲓ ϫⲉ ⲁϥⲟⲩⲁϣⲧ ϥⲛⲁⲛⲁϩⲙⲉⲧ ⲉⲃⲟⲗ ϩⲛ ⲛⲁϫⲁϫⲉ ⲛϫⲱⲱⲣⲉ ⲁⲩⲱ ⲉⲃⲟⲗ ϩⲛ ⲛⲉⲧⲙⲟⲥⲧⲉ ⲙⲙⲟⲓ</ab>
21ⲡϫⲟⲉⲓⲥ ⲛⲁⲧⲱⲱⲃⲉ ⲛⲁⲓ ⲕⲁⲧⲁ ⲧⲁⲇⲓⲕⲁⲓⲟⲥⲩⲛⲏ ⲁⲩⲱ ϥⲛⲁⲧⲟⲩⲉⲓⲟ ⲛⲁⲓ ⲕⲁⲧⲁ ⲡⲧⲃⲃⲟ ⲛⲛⲁϭⲓϫ</ab>
22ϫⲉ ⲁⲓϩⲁⲣⲉϩ ⲉⲛⲉϩⲓⲟⲟⲩⲉ ⲙⲡϫⲟⲉⲓⲥ ⲁⲩⲱ ⲙⲡⲓⲣϣⲁϥⲧⲉ ⲉⲡⲁⲛⲟⲩⲧⲉ</ab>
23ϫⲉ ⲛⲉϥϩⲁⲡ ⲧⲏⲣⲟⲩ ⲙⲡⲁⲙⲧⲟ ⲉⲃⲟⲗ ⲁⲩⲱ ⲛⲉϥⲇⲓⲕⲁⲓⲱⲙⲁ ⲙⲡⲓⲥⲁ ϩⲱⲟⲩ ⲉⲃⲟⲗ ⲙⲙⲟⲓ</ab>
24ϯⲛⲁϣⲱⲡⲉ ⲉⲓⲟⲩⲁⲁⲃ ⲛⲙⲙⲁϥ ϯⲛⲁϩⲁⲣⲉϩ ⲉⲣⲟⲓ ⲉⲃⲟⲗ ϩⲛ ⲧⲁⲁⲛⲟⲙⲓⲁ</ab>
25ⲁⲩⲱ ⲡϫⲟⲉⲓⲥ ⲛⲁⲧⲟⲩⲉⲓⲟ ⲛⲁⲓ ⲕⲁⲧⲁ ⲧⲁⲇⲓⲕⲁⲓⲟⲥⲩⲛⲏ ⲁⲩⲱ ⲕⲁⲧⲁ ⲡⲧⲃⲃⲟ ⲛⲛⲁϭⲓϫ ⲙⲡⲉⲙⲧⲟ ⲉⲃⲟⲗ ⲛⲛⲉϥⲃⲁⲗ</ab>
26ⲕⲛⲁⲟⲩⲟⲡ ⲙⲛ ⲡⲉⲧⲟⲩⲁⲁⲃ ⲁⲩⲱ ⲕⲛⲁⲣⲁⲧⲛⲟⲃⲉ ⲙⲛ ⲟⲩⲣⲱⲙⲉ ⲛⲁⲧⲛⲟⲃⲉ</ab>
27ⲕⲛⲁⲣⲥⲱⲧⲡ ⲙⲛ ⲟⲩⲥⲱⲧⲡ ⲁⲩⲱ ⲕⲛⲁϭⲱⲱⲙⲉ ⲙⲛ ⲡⲉⲧϭⲟⲟⲙⲉ</ab>
28ϫⲉ ⲛⲧⲟⲕ ⲕⲛⲁϫⲓⲥⲉ ⲙⲡⲗⲁⲟⲥ ⲉⲧⲑⲃⲃⲓⲏⲩ ⲁⲩⲱ ⲕⲛⲁⲑⲃⲃⲓⲟ ⲛⲛⲃⲁⲗ ⲛⲛϫⲁⲥⲓϩⲏⲧ</ab>
29ϫⲉ ⲛⲧⲟⲕ ⲉⲧⲣⲟⲩⲟⲩⲉⲓⲛ ⲉⲡⲁϩⲏⲃⲥ ⲡϫⲟⲉⲓⲥ ⲡⲁⲛⲟⲩⲧⲉ ⲕⲣⲟⲩⲟⲉⲓⲛ ⲉⲡⲁⲕⲁⲕⲉ</ab>
30ϫⲉ ϯⲛⲁⲛⲟⲩϩⲙ ⲛϩⲏⲧⲕ ⲉⲩⲙⲁ ⲛⲥⲟⲟⲛⲉ ⲁⲩⲱ ϩⲙ ⲡⲁⲛⲟⲩⲧⲉ ϯⲛⲁⲟⲩⲱⲧⲃ ⲛⲟⲩⲥⲟⲃⲧ</ab>
31ⲡⲁⲛⲟⲩⲧⲉ ⲧⲉϥϩⲓⲏ ⲟⲩⲁⲁⲃ ⲛϣⲁϫⲉ ⲙⲡϫⲟⲉⲓⲥ ⲡⲟⲥⲉ ⲧⲛⲁϣⲧⲉ ⲡⲉ ⲛⲟⲩⲛ ⲛⲓⲙ ⲉⲧϩⲉⲗⲡⲓⲍⲉ ⲉⲣⲟϥ</ab>
32ϫⲉ ⲛⲓⲙ ⲡⲉ ⲛⲟⲩⲧⲉ ⲛⲃⲗ ⲙⲡⲉⲛϫⲟⲉⲓⲥ ⲏ ⲛⲓⲙ ⲡⲉ ⲡⲛⲟⲩⲧⲉ ⲛⲃⲗ ⲙⲡⲉⲛⲛⲟⲩⲧⲉ</ab>
33ⲡⲛⲟⲩⲧⲉ ⲉⲧⲙⲟⲩⲣ ⲙⲙⲟⲓ ⲛⲟⲩϭⲟⲙ ⲁⲕⲕⲁ ⲧⲁϩⲓⲏ ⲉⲥⲟⲩⲁⲁⲃ</ab>
34ⲡⲉⲧⲥⲟⲃⲧⲉ ⲛⲛⲁⲟⲩⲉⲣⲏⲧⲉ ⲛⲑⲉ ⲛⲛⲁⲛⲓⲉⲉⲓⲟⲩⲗ ⲉϥⲧⲁϩⲟ ⲙⲙⲟⲓ ⲉⲣⲁⲧ ⲉϫⲛ ⲛⲁϫⲓⲥⲓⲉⲉⲩ</ab>
35ⲉϥⲧⲥⲁⲃⲟ ⲛⲛⲁϭⲓϫ ⲉⲡⲡⲟⲗⲉⲙⲟⲥ ⲁⲕⲕⲱ ⲛⲛⲁϭⲃⲟⲓ ⲙⲡⲓⲧⲉ ⲛϩⲟⲙⲛⲧ</ab>
36ⲁⲕϯ ⲛⲁⲓ ⲛⲟⲩⲛⲁϣⲧⲉ ⲛⲟⲩϫⲁⲓ ⲧⲉⲕⲟⲩⲛⲁⲙ ⲧⲉⲛⲧⲁⲥϣⲟⲡⲧ ⲉⲣⲟⲥ ⲧⲉⲕⲥⲃⲱ ⲧⲉⲛⲧⲁⲥⲥⲁϩⲱⲓ ϣⲁⲃⲟⲗ ⲧⲉⲕⲥⲃⲱ ⲧⲉⲛⲧⲁϯⲥⲃⲱ ⲛⲁⲓ</ab>
37ⲁⲕⲟⲩⲉϣⲥ ⲛⲁⲧⲁϭⲥ ⲉⲃⲟⲗ ϩⲁⲣⲁⲧ ⲁⲩⲱ ⲙⲡⲉⲛⲁⲧⲁϭⲥⲉ ϭⲃⲃⲉ</ab>
38ϯⲛⲁⲡⲱⲧ ⲛⲥⲁ ⲛⲁϫⲁϫⲉ ⲛⲧⲁⲧⲁϩⲟⲟⲩ ⲁⲩⲱ ⲛⲛⲁⲕⲧⲟⲓ ⲉⲙⲡⲟⲩⲱϫⲛ</ab>
39ϯⲛⲁⲗⲟϫϩⲟⲩ ⲛⲥⲉⲧⲙϭⲙϭⲟⲙ ⲛⲁϩⲉⲣⲁⲧⲟⲩ ⲥⲉⲛⲁϩⲉ ϩⲁ ⲛⲁⲟⲩⲉⲣⲏⲧⲉ</ab>
40ⲁⲕⲙⲟⲣⲧ ⲛⲟⲩϭⲟⲙ ⲉⲡⲡⲟⲗⲉⲙⲟⲥ ⲁⲕⲧⲁⲩⲟ ⲉⲡⲉⲥⲏⲧ ϩⲁⲣⲁⲧ ⲛⲛⲉⲧⲧⲱⲟⲩⲛ ⲧⲏⲣⲟⲩ ⲉϩⲣⲁⲓ ⲉϫⲱⲓ</ab>
41ⲁⲕϯ ⲛⲛⲁϫⲁϫⲉ ϩⲁ ⲛⲁⲟⲩⲉⲣⲏⲧⲉ ⲁⲕϥⲱⲧⲉ ⲉⲃⲟⲗ ⲛⲛⲉⲧⲙⲟⲥⲧⲉ ⲙⲙⲟⲓ</ab>
42ⲁⲩϫⲓϣⲕⲁⲕ ⲉⲃⲟⲗ ⲁⲩⲱ ⲛⲉ ⲙⲛ ⲡⲉⲧⲛⲟⲩϩⲙ ⲉϩⲣⲁⲓ ⲉⲡϫⲟⲉⲓⲥ ⲁⲩⲱ ⲙⲡϥⲥⲱⲧⲙ ⲉⲣⲟⲟⲩ</ab>
43ϯⲛⲁⲧⲣⲉⲩⲡⲁⲕⲉ ⲛⲑⲉ ⲛⲟⲩϣⲟⲉⲓϣ ⲛⲁϩⲣⲛ ⲟⲩⲧⲏⲩ ϯⲛⲁⲟⲥϭⲟⲩ ⲛⲑⲉ ⲛⲟⲩⲙⲉ ⲛϩⲓⲣ</ab>
44ⲕⲛⲁⲧⲟⲩϫⲟⲓ ⲉⲃⲟⲗ ϩⲛ ⲛⲟⲩⲱϩⲙ ⲙⲡⲁⲗⲁⲟⲥ ⲁⲩⲱ ⲕⲛⲁⲕⲁⲑⲓⲥⲧⲁ ⲙⲙⲟⲓ ⲛⲁⲡⲉ ⲛⲛϩⲉⲑⲛⲟⲥ ⲡⲗⲁⲟⲥ ⲉⲧⲉⲙⲡⲓⲥⲟⲩⲱⲛϥ ⲁϥⲣϩⲙϩⲁⲗ ⲛⲁⲓ</ab>
45ⲁϥⲥⲱⲧⲙ ⲛⲥⲱⲓ ϩⲛ ⲟⲩⲥⲱⲧⲙ ⲙⲙⲁⲁϫⲉ ⲁⲛϣⲏⲣⲉ ⲛϣⲙⲙⲟ ϫⲓϭⲟⲗ ⲉⲣⲟⲓ</ab>
46ⲁⲛϣⲏⲣⲉ ⲛϣⲙⲙⲟ ⲣⲁⲥ ⲁⲩⲣϭⲁⲗⲉ ⲉⲃⲟⲗ ϩⲛ ⲛⲉⲩϩⲓⲟⲟⲩⲉ</ab>
47ⲡϫⲟⲉⲓⲥ ⲟⲛϩ ⲁⲩⲱ ϥⲥⲙⲁⲙⲁⲁⲧ ⲛϭⲓ ⲡⲁⲛⲟⲩⲧⲉ ⲙⲁⲣⲉϥϫⲓⲥⲉ ⲛϭⲓ ⲡⲛⲟⲩⲧⲉ ⲙⲡⲁⲟⲩϫⲁⲓ</ab>
48ⲡⲛⲟⲩⲧⲉ ⲉⲧϯ ⲛⲁⲓ ⲛϩⲉⲛϫⲓⲕⲃⲁ ⲡⲉⲛⲧⲁϥϩⲩⲡⲟⲧⲁⲥⲥⲉ ⲛϩⲉⲛⲗⲁⲟⲥ ϩⲁⲣⲁⲧ</ab>
49ⲡⲁⲣⲉϥⲛⲁϩⲙⲉⲧ ⲉⲃⲟⲗ ϩⲛ ⲛⲁϫⲁϫⲉ ⲛⲣⲉϥⲛⲟⲩϭⲥ ⲕⲛⲁϫⲁⲥⲧ ⲉⲃⲟⲗ ϩⲛ ⲛⲉⲧⲧⲱⲟⲩⲛ ⲉϩⲣⲁⲓ ⲉϫⲱⲓ ⲕⲛⲁⲛⲁϩⲙⲉⲧ ⲉⲃⲟⲗ ϩⲓⲧⲛ ⲟⲩⲣⲱⲙⲉ ⲛϫⲓⲛϭⲟⲛⲥ</ab>
50ⲉⲧⲃⲉ ⲡⲁⲓ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ϩⲛ ⲛϩⲉⲑⲛⲟⲥ ⲁⲩⲱ ϯⲛⲁⲯⲁⲗⲗⲉⲓ ⲉⲡⲉⲕⲣⲁⲛ</ab>
51ⲡⲉⲧϫⲓⲥⲉ ⲛⲛⲉⲩϫⲁⲓ ⲙⲡⲉϥⲣⲣⲟ ⲉⲧⲉⲓⲣⲉ ⲛⲟⲩⲛⲁ ⲙⲛ ⲡⲉϥⲭⲣⲓⲥⲧⲟⲥ ⲇⲁⲩⲉⲓⲇ ⲙⲛ ⲡⲉϥⲥⲡⲉⲣⲙⲁ ϣⲁ ⲉⲛⲉϩ</ab>