1ⲡⲉϣⲗⲏⲗ ⲛⲇⲁⲩⲉⲓⲇ ⲡϫⲟⲉⲓⲥ ⲥⲱⲧⲙ ⲉⲧⲁⲇⲓⲕⲁⲓⲟⲥⲩⲛⲏ ϯϩⲧⲏⲕ ⲉⲡⲁⲥⲟⲡⲥ ϫⲓⲥⲙⲏ ⲉⲡⲁϣⲗⲏⲗ ϩⲛ ϩⲉⲛⲥⲡⲟⲧⲟⲩ ⲁⲛ ⲛⲕⲣⲟϥ</ab>
2ⲉⲣⲉⲡⲁϩⲁⲡ ⲉⲓ ⲛⲁⲓ ⲙⲡⲉⲕⲙⲧⲟ ⲉⲃⲟⲗ ⲉⲣⲉⲛⲁⲃⲁⲗ ⲛⲁⲩ ⲉⲡⲥⲟⲟⲩⲧⲛ</ab>
3ⲁⲕⲇⲟⲕⲓⲙⲁⲍⲉ ⲙⲡⲁϩⲏⲧ ⲁⲕϭⲙⲡⲁϣⲓⲛⲉ ⲛⲧⲉⲩϣⲏ ⲁⲕⲡⲁⲥⲧ ⲙⲡⲉⲕϩⲉ ⲉϫⲓⲛϭⲟⲛⲥ ⲛϩⲏⲧ</ab>
4ϫⲉ ⲛⲛⲉⲧⲁⲧⲁⲡⲣⲟ ϫⲱ ⲛⲛⲉϩⲃⲏⲩⲉ ⲛⲛⲣⲱⲙⲉ ⲉⲧⲃⲉ ⲛϣⲁϫⲉ ⲛⲛⲉⲕⲥⲡⲟⲧⲟⲩ ⲁⲓϩⲁⲣⲉϩ ⲉⲛⲉϩⲓⲟⲟⲩⲉ ⲉⲧⲛⲁϣⲧ</ab>
5ⲁⲓⲥⲟϥⲧⲉ ⲛⲛⲁⲧⲁϭⲥⲉ ϩⲛ ⲛⲉⲕϩⲓⲟⲟⲩⲉ ϫⲉⲕⲁⲥ ⲛⲛⲉⲩⲕⲓⲙ ⲛϭⲓ ⲛⲁⲧⲁϭⲥⲉ</ab>
6ⲁⲛⲟⲕ ⲁⲓϫⲓϣⲕⲁⲕ ⲉⲃⲟⲗ ϫⲉ ⲁⲕⲥⲱⲧⲙ ⲉⲣⲟⲓ ⲡⲛⲟⲩⲧⲉ ⲣⲓⲕⲉ ⲙⲡⲉⲕⲙⲁⲁϫⲉ ⲉⲣⲟⲓ ⲛⲅⲥⲱⲧⲙ ⲉⲛⲁϣⲁϫⲉ</ab>
7ⲙⲁⲣⲟⲩⲣϣⲡⲏⲣⲉ ⲛⲛⲉⲕⲛⲁ ⲡⲉⲧⲛⲟⲩϩⲙ ⲛⲛⲉⲧϩⲉⲗⲡⲓⲍⲉ ⲉⲣⲟⲕ ⲛⲁϩⲙⲉⲧ ϩⲛ ⲧⲉⲕⲟⲩⲛⲁⲙ ⲉⲛⲉⲧⲁϩⲉⲣⲁⲧⲟⲩ ⲟⲩⲃⲏⲓ</ab>
8ϩⲁⲣⲉϩ ⲉⲣⲟⲓ ⲛⲑⲉ ⲛⲟⲩⲕⲉⲕⲉ ⲛⲃⲁⲗ ⲕⲛⲁⲣϩⲁⲓⲃⲉⲥ ⲉⲣⲟⲓ ϩⲛ ⲑⲁⲓⲃⲉⲥ ⲛⲛⲉⲕⲧⲛϩ</ab>
9ⲙⲡⲉⲙⲧⲟ ⲉⲃⲟⲗ ⲛⲛⲁⲥⲉⲃⲏⲥ ⲛⲁⲓ ⲉⲛⲧⲁⲩⲙⲟⲕϩⲧ ⲁⲛⲁϫⲁϫⲉ ⲁⲙⲁϩⲧⲉ ⲛⲧⲁⲯⲩⲭⲏ</ab>
10ⲁⲩϩⲱϫⲡ ⲙⲡⲉⲩⲱⲧ ⲁⲧⲉⲩⲧⲁⲡⲣⲟ ϣⲁϫⲉ ϩⲛ ⲟⲩⲙⲛⲧϫⲁⲥⲓϩⲏⲧ</ab>
11ⲉⲩⲛⲟⲩϫⲉ ⲙⲙⲟⲓ ⲉⲃⲟⲗ ⲧⲉⲛⲟⲩ ⲁⲩⲕⲱⲧⲉ ⲉⲣⲟⲓ ⲁⲩⲕⲱ ⲛⲛⲉⲩⲃⲁⲗ ⲉⲣⲓⲕⲉ ϩⲙ ⲡⲕⲁϩ</ab>
12ⲁⲩⲉⲓⲱⲣⲙ ⲛⲥⲱⲓ ⲛⲑⲉ ⲛⲛⲓⲙⲟⲩⲉⲓ ⲉⲧⲥⲃⲧⲱⲧ ⲉⲩⲡⲁϩⲥ ⲁⲩⲱ ⲛⲑⲉ ⲛⲛⲓⲙⲁⲥ ⲙⲙⲟⲩⲓ ⲉⲧϣⲟⲟⲡ ϩⲛ ⲛⲓⲙⲁ ⲉⲑⲏⲡ</ab>
13ⲧⲱⲟⲩⲛ ⲡϫⲟⲉⲓⲥ ⲁⲣⲓϣⲟⲣⲡ ⲉⲣⲟⲟⲩ ⲛⲅⲧⲁⲩⲟⲟⲩ ⲉϩⲣⲁⲓ ⲛⲉϩⲙⲧⲁⲯⲩⲭⲏ ⲉⲧⲟⲟⲧϥ ⲙⲡⲁⲥⲉⲃⲏⲥ ⲧⲥⲏϥⲉ ⲛⲛϫⲁϫⲉ ⲉⲃⲟⲗ ϩⲛ ⲧⲉⲕϭⲓϫ</ab>
14ⲡϫⲟⲉⲓⲥ ϥⲱⲧⲉ ⲙⲙⲟⲟⲩ ⲉⲃⲟⲗ ϩⲓϫⲙ ⲡⲕⲁϩ ⲡⲟϣⲟⲩ ϩⲙ ⲡⲉⲩⲱⲛϩ ⲙⲁⲣⲉϩⲏⲧⲟⲩ ⲥⲉⲓ ⲛⲛⲉⲕⲡⲉⲑⲏⲡ ⲁⲩⲙⲉϩϩⲏⲧⲟⲩ ⲛⲁϥ ⲛϣⲉ ⲁⲩⲕⲁⲡⲥⲉⲉⲡⲉ ⲛⲛⲉⲩϣⲏⲣⲉ</ab>
15ⲁⲛⲟⲕ ⲇⲉ ϩⲛ ⲟⲩⲇⲓⲕⲁⲓⲟⲥⲩⲛⲏ ϯⲛⲁⲟⲩⲱⲛϩ ⲉⲃⲟⲗ ⲙⲡⲉⲕϩⲟ ϯⲛⲁⲥⲉⲓ ϩⲙ ⲡⲧⲣⲉⲡⲉⲕⲉⲟⲟⲩ ⲟⲩⲱⲛϩ ⲉⲃⲟⲗ</ab>