1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ</ab>
2ⲡϫⲟⲉⲓⲥ ⲛⲁϩⲙⲉⲧ ⲉⲩⲣⲱⲙⲉ ⲙⲡⲟⲛⲏⲣⲟⲥ ⲙⲁⲧⲟⲩϫⲟⲓ ⲉⲩⲣⲱⲙⲉ ⲛⲣⲉϥϫⲓⲛϭⲟⲛⲥ</ab>
3ⲛⲁⲓ ⲉⲛⲧⲁⲩⲙⲉⲉⲩⲉ ⲉϩⲉⲛⲕⲁⲕⲓⲁ ϩⲙ ⲡⲉⲩϩⲏⲧ ⲁⲩⲥⲣⲙⲗⲁϩ ⲉⲃⲟⲗ ⲙⲡⲉϩⲟⲟⲩ ⲧⲏⲣϥ</ab>
4ⲁⲩⲧⲱⲙ ⲛⲛⲉⲩⲗⲁⲥ ⲛⲑⲉ ⲛⲛⲓϩⲟϥ ⲟⲩⲙⲁⲧⲟⲩ ⲛϩⲟϥ ⲧⲉⲧϩⲁ ⲛⲉⲩⲥⲡⲟⲧⲟⲩ ⲇⲓⲁⲯⲁⲗⲙⲁ</ab>
5ϩⲁⲣⲉϩ ⲉⲣⲟⲓ ⲡϫⲟⲉⲓⲥ ⲉⲧϭⲓϫ ⲙⲡⲣⲉϥⲣⲛⲟⲃⲉ ⲙⲁⲧⲟⲩϫⲟⲓ ⲉϩⲉⲛⲣⲱⲙⲉ ⲛϫⲓⲛϭⲟⲛⲥ ⲛⲁⲓ ⲉⲛⲧⲁⲩⲙⲉⲉⲩⲉ ⲉϯⲥⲗⲁⲁⲧⲉ ⲛⲛⲁⲧⲁϭⲥⲉ</ab>
6ⲁⲛϫⲁⲥⲓϩⲏⲧ ϩⲱⲡ ⲉⲣⲟⲓ ⲛⲟⲩⲡⲁϣ ⲁⲩⲥⲱⲙⲛⲧ ⲛϩⲉⲛⲛⲟⲩϩ ⲙⲡⲁϣ ⲛⲛⲁⲟⲩⲉⲣⲏⲧⲉ ⲁⲩⲕⲱ ⲉⲣⲟⲓ ⲛϩⲉⲛϫⲣⲟⲡ ⲉⲩϩⲏⲛ ⲉϩⲟⲩⲛ ⲉⲧⲁϩⲓⲏ ⲇⲓⲁⲯⲁⲗⲙⲁ</ab>
7ⲁⲓϫⲟⲟⲥ ⲙⲡϫⲟⲉⲓⲥ ϫⲉ ⲛⲧⲟⲕ ⲡⲉ ⲡⲁⲛⲟⲩⲧⲉ ⲡϫⲟⲉⲓⲥ ⲥⲱⲧⲙ ⲉⲡⲉϩⲣⲟⲟⲩ ⲙⲡⲁⲥⲟⲡⲥ</ab>
8ⲡϫⲟⲉⲓⲥ ⲡϫⲟⲉⲓⲥ ⲧϭⲟⲙ ⲙⲡⲁⲟⲩϫⲁⲓ ⲁⲕⲣϩⲁⲓⲃⲉⲥ ⲉⲣⲟⲓ ϩⲛ ⲟⲩϩⲟⲟⲩ ⲙⲡⲟⲗⲉⲙⲟⲥ</ab>
9ⲡϫⲟⲉⲓⲥ ⲙⲡⲣϯ ⲉⲃⲟⲗ ϩⲛ ⲧⲁⲉⲡⲓⲑⲩⲙⲓⲁ ⲛⲟⲩⲣⲉϥⲣⲛⲟⲃⲉ ⲁⲩⲙⲉⲉⲩⲉ ⲉⲣⲟⲓ ⲙⲡⲣⲕⲁⲁⲧ ⲛⲥⲱⲕ ⲙⲏⲡⲟⲧⲉ ⲛⲥⲉϫⲓⲥⲉ ⲛϩⲏⲧ ⲇⲓⲁⲯⲁⲗⲙⲁ</ab>
10ⲧⲁⲡⲉ ⲛⲧⲉⲩⲥⲟⲟⲩϩⲥ ⲡⲉ ⲡϩⲓⲥⲉ ⲛⲛⲉⲩⲥⲡⲟⲧⲟⲩ ⲉⲧⲛⲁⲕⲱⲧⲉ ⲉⲣⲟⲟⲩ</ab>
11ⲟⲩⲛϩⲉⲛϫⲃⲃⲥ ⲛⲁϩⲉ ⲉϫⲱⲟⲩ ⲁⲩⲱ ⲕⲛⲁⲧⲁⲩⲟⲟⲩ ⲉϩⲣⲁⲓ ϩⲛ ⲟⲩⲕⲱϩⲧ ⲛⲛⲉⲩⲉϣⲁϩ ⲉⲣⲁⲧⲟⲩ ϩⲛ ⲛⲉⲩⲧⲁⲗⲁⲓⲡⲱⲣⲓⲁ</ab>
12ⲟⲩⲣⲱⲙⲉ ⲛⲁϣⲟⲉⲓϣ ⲛⲛⲉϥⲥⲟⲟⲩⲧⲛ ϩⲓϫⲙ ⲡⲕⲁϩ ⲟⲩⲣⲱⲙⲉ ⲛϫⲓⲛϭⲟⲛⲥ ⲙⲡⲉⲑⲟⲟⲩ ⲛⲁϭⲱⲣϭ ⲉⲣⲟϥ ⲉⲧⲁⲕⲟϥ</ab>
13ⲁⲓⲉⲓⲙⲉ ϫⲉ ⲡϫⲟⲉⲓⲥ ⲛⲁⲣⲡⲉⲕⲃⲁ ⲙⲡϩⲏⲕⲉ ⲙⲛ ⲡϩⲁⲡ ⲙⲡⲉⲃⲓⲏⲛ</ab>
14ⲡⲗⲏⲛ ⲛⲇⲓⲕⲁⲓⲟⲥ ⲛⲁⲉⲝⲟⲙⲟⲗⲟⲅⲉⲓ ⲙⲡⲉⲕⲣⲁⲛ ⲛⲉⲧⲥⲟⲩⲧⲱⲛ ⲛⲁⲟⲩⲱϩ ⲙⲛ ⲡⲉⲕϩⲟ</ab>
15