1ⲉⲡϫⲱⲕ ⲉⲃⲟⲗ ⲡⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲁⲍⲁⲭⲁⲣⲓⲁⲥ ϩⲙ ⲡϫⲱⲱⲣⲉ ⲉⲃⲟⲗ ⲡϫⲟⲉⲓⲥ ⲁⲕⲇⲟⲕⲓⲙⲁⲍⲉ ⲙⲙⲟⲓ ⲁⲕⲥⲟⲩⲱⲛⲧ</ab>
2ⲛⲧⲟⲕ ⲁⲕⲥⲟⲩⲛⲧⲁϭⲓⲛϩⲙⲟⲟⲥ ⲙⲛ ⲧⲁϭⲓⲛⲧⲱⲟⲩⲛ ⲁⲕⲉⲓⲙⲉ ⲉⲛⲁⲙⲟⲕⲙⲉⲕ ⲧⲏⲣⲟⲩ ⲙⲡⲟⲩⲉ</ab>
3ⲁⲕϩⲟⲧϩⲧ ⲛⲧⲁϩⲓⲏ ⲙⲛ ⲧⲁϣⲃⲱ ⲁⲩⲱ ⲁⲕⲛⲁⲩ ⲉⲛⲁϩⲓⲟⲟⲩⲉ ⲧⲏⲣⲟⲩ</ab>
4ϫⲉ ⲙⲛⲕⲣⲟϥ ϩⲙ ⲡⲁⲗⲁⲥ ⲉⲓⲥ ϩⲏⲏⲧⲉ ⲡϫⲟⲉⲓⲥ ⲛⲧⲟⲕ ⲁⲕⲉⲓⲙⲉ ⲉⲛⲉⲧⲛⲁϣⲱⲡⲉ ⲙⲛ ⲛϣⲟⲣⲡ</ab>
5ⲛⲧⲟⲕ ⲁⲕⲡⲗⲁⲥⲥⲉ ⲙⲙⲟⲓ ⲁⲩⲱ ⲁⲕⲕⲁⲧⲉⲕϭⲓϫ ϩⲓϫⲱⲓ</ab>
6ⲁⲩⲣϣⲡⲏⲣⲉ ⲙⲡⲉⲕⲥⲟⲟⲩⲛ ⲛϩⲏⲧ ⲁⲩⲧⲁϫⲣⲟ ⲛϯⲛⲁϣϭⲙϭⲟⲙ ⲁⲛ ⲉⲣⲟϥ</ab>
7ⲉⲓⲛⲁⲃⲱⲕ ⲉⲧⲱⲛ ⲉⲃⲟⲗ ⲙⲡⲉⲕⲡⲛⲉⲩⲙⲁ ⲏ ⲉⲓⲛⲁⲡⲱⲧ ⲉⲧⲱⲛ ⲉⲃⲟⲗ ⲙⲡⲉⲕϩⲟ</ab>
8ⲉⲓϣⲁⲛⲃⲱⲕ ⲉϩⲣⲁⲓ ⲉⲧⲡⲉ ⲕⲙⲙⲁⲩ ⲉⲓϣⲁⲛⲃⲱⲕ ⲉⲡⲉⲥⲏⲧ ⲉⲁⲙⲛⲧⲉ ⲕⲛⲙⲙⲁⲓ</ab>
9ⲉⲓϣⲁⲛϫⲓ ⲛⲛⲁⲧⲛϩ ⲙⲡⲛⲁⲩ ⲛϣⲱⲣⲡ ⲧⲁⲟⲩⲱϩ ϩⲛ ⲁⲣⲏϫⲥ ⲛⲑⲁⲗⲁⲥⲥⲁ ⲕⲁⲓ ⲅⲁⲣ ⲧⲉⲕϭⲓϫ ⲙⲙⲁⲩ</ab>
10ⲧⲉⲕⲟⲩⲛⲁⲙ ⲛⲁϫⲓⲙⲟⲉⲓⲧ ϩⲏⲧⲧ ⲛⲥϣⲟϫⲡⲧ</ab>
11ⲁⲓϫⲟⲟⲥ ⲛⲧⲟⲟⲩⲛ ϫⲉ ⲟⲩⲛⲟⲩⲕⲁⲕⲉ ⲛⲁϩⲟⲙⲛⲧ ⲁⲧⲉⲩϣⲏ ⲣⲟⲩⲟⲉⲓⲛ ϩⲛ ⲧⲁⲧⲣⲩⲫⲏ</ab>
12ϫⲉ ⲙⲛⲕⲁⲕⲉ ⲛⲁϩⲱⲡ ⲉⲣⲟⲕ ⲁⲩⲱ ⲧⲉⲩϣⲏ ⲛⲁⲣⲟⲩⲟⲉⲓⲛ ⲛⲑⲉ ⲙⲡⲉϩⲟⲟⲩ ⲛⲑⲉ ⲙⲡⲉⲥⲕⲁⲕⲉ ⲧⲁⲓ ⲧⲉ ⲑⲉ ⲙⲡⲉⲥⲕⲉⲟⲩⲟⲉⲓⲛ</ab>
13ϫⲉ ⲛⲧⲟⲕ ⲡϫⲟⲉⲓⲥ ⲁⲕϫⲡⲟ ⲛⲁⲕ ⲛⲛⲁϭⲗⲟⲧⲉ ⲁⲩⲱ ⲁⲕϣⲟⲡⲧ ⲉⲣⲟⲕ ⲉⲃⲟⲗ ϩⲛ ϩⲏⲧⲥ ⲛⲧⲁⲙⲁⲁⲩ</ab>
14ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ϫⲉ ⲁⲩⲧⲁⲛϩⲟⲩⲧⲧ ⲉⲙⲁⲧⲉ ϩⲉⲛϣⲡⲏⲣⲉ ⲛⲉ ⲛⲉⲕϩⲃⲏⲩⲉ ⲉⲣⲉⲧⲁⲯⲩⲭⲏ ⲉⲓⲙⲉ ⲉⲣⲟⲟⲩ ⲉⲙⲁⲧⲉ</ab>
15ϩⲛ ⲟⲩϩⲱⲡ ⲙⲡⲉⲡⲁⲕⲁⲥ ϩⲱⲡ ⲉⲣⲟⲕ ⲉⲛⲧⲁⲕⲧⲁⲙⲓⲟϥ ϩⲙ ⲡϩⲱⲡ ⲁⲩⲱ ⲡⲁⲧⲁϫⲣⲟ ⲛⲛⲉⲧϩⲁⲡⲉⲥⲏⲧ ⲙⲡⲕⲁϩ</ab>
16ⲁⲛⲉⲕⲃⲁⲗ ⲛⲁⲩ ⲉⲡⲁϣⲱⲱⲧ ⲥⲉⲛⲁⲥϩⲁⲓⲥⲟⲩ ⲧⲏⲣⲟⲩ ⲉⲡⲉⲕϫⲱⲱⲙⲉ ⲥⲉⲛⲁⲙⲟⲩϩ ⲙⲡⲉϩⲟⲟⲩ ⲛⲅⲁⲓⲁⲓ ⲛϩⲏⲧⲟⲩ</ab>
17ⲁⲛⲉⲕϣⲃⲉⲉⲣ ⲡⲛⲟⲩⲧⲉ ⲁⲓⲁⲓ ⲛⲛⲁϩⲣⲁⲓ ⲉⲙⲁⲧⲉ ⲁⲛⲉⲩⲁⲣⲭⲏ ϭⲙϭⲟⲙ ⲉⲙⲁⲧⲉ</ab>
18ϯⲛⲁⲟⲡⲟⲩ ⲛⲥⲉⲁϣⲁⲓ ⲉϩⲟⲩⲉ ⲡϣⲱ ⲁⲓⲧⲱⲟⲩⲛ ⲁⲩⲱ ⲟⲛ ϯⲛⲙⲙⲁⲕ</ab>
19ⲡⲛⲟⲩⲧⲉ ⲉⲕϣⲁⲛⲙⲉⲩⲧⲛⲣⲉϥⲣⲛⲟⲃⲉ ⲛⲣⲱⲙⲉ ⲛⲥⲛⲟϥ ⲣⲉⲕⲧ ⲧⲏⲩⲧⲛ ⲛⲥⲁⲃⲟⲗ ⲙⲙⲟⲓ</ab>
20ϫⲉ ⲡⲛⲟⲩⲧⲉ ⲛⲁϣⲁϫⲉ ⲉⲩⲙⲟⲕⲙⲉⲕ ⲥⲉⲛⲁϫⲓ ⲛⲛⲉⲕⲡⲟⲗⲓⲥ ⲉⲡϫⲓⲛϫⲏ</ab>
21ⲛⲉⲧⲙⲟⲥⲧⲉ ⲙⲙⲟⲕ ⲡϫⲟⲉⲓⲥ ⲁⲓⲙⲉⲥⲧⲱⲟⲩ ⲁⲩⲱ ⲁⲓⲃⲱⲗ ⲉⲃⲟⲗ ⲉϫⲛ ⲛⲉⲕϫⲁϫⲉ</ab>
22ⲁⲓⲙⲉⲥⲧⲱⲟⲩ ⲛⲟⲩⲛⲟϭ ⲙⲙⲟⲥⲧⲉ ⲁⲩϣⲱⲡⲉ ⲛⲁⲓ ⲉϩⲉⲛϫⲁϫⲉ</ab>
23ⲇⲟⲕⲓⲙⲁⲍⲉ ⲙⲙⲟⲓ ⲡⲛⲟⲩⲧⲉ ⲛⲅⲉⲓⲙⲉ ⲉⲡⲁϩⲏⲧ ϩⲉⲧⲁⲍⲉ ⲙⲙⲟⲓ ⲛⲅⲉⲓⲙⲉ ⲉⲛⲁϩⲓⲟⲟⲩⲉ</ab>
24ⲛⲅⲛⲁⲩ ϫⲉ ⲟⲩⲛϩⲓⲏ ⲛⲁⲛⲟⲙⲓⲁ ⲛϩⲏⲧⲧ ⲛⲅϫⲓⲙⲟⲉⲓⲧ ϩⲏⲧ ϩⲛ ⲟⲩϩⲓⲏ ϣⲁ ⲉⲛⲉϩ</ab>