1ⲛⲑⲉ ⲛⲟⲩⲉⲓⲱⲧⲉ ϩⲙⲡⲱϩⲥ ⲁⲩⲱ ⲟⲩϩⲱⲟⲩ ϩⲙⲡϣⲱⲙ ⲉⲛⲥⲉⲧⲁⲓⲏⲩ ⲁⲛ ⲧⲁⲓ ⲧⲉ ⲑⲉ ⲉⲧⲉ ⲙⲛⲧⲉⲁⲑⲏⲧ ⲧⲁⲓⲟ</ab>
2ⲛⲑⲉ ⲛϩⲉⲛϩⲁⲗⲁⲧⲉ ⲙⲛϩⲉⲛϫⲁϫ ⲉⲩϩⲏⲗ ⲧⲁⲓ ⲧⲉ ⲑⲉ ⲛⲟⲩⲥⲁϩⲟⲩ ⲉϥϣⲟⲩⲉⲓⲧ ⲉⲛϥⲛⲏⲩ ⲁⲛ ⲉϫⲛⲗⲁⲁⲩ</ab>
3ⲟⲩⲙⲁⲥⲧⲓⲅⲝ ⲛⲟⲩϩⲧⲟ ⲁⲩⲱ ⲟⲩϫⲟⲟⲕⲉϥ ⲛⲟⲩⲉⲓⲱ ⲟⲩϭⲉⲣⲱⲃ ⲇⲉ ⲛⲟⲩϩⲉⲑⲛⲟⲥ ⲛⲁⲑⲏⲧ</ab>
4ⲙⲡⲣⲟⲩⲱϣⲃ ⲛⲟⲩⲁⲑⲏⲧ ⲕⲁⲧⲁⲧⲙⲛⲧⲁⲑⲏⲧ ⲙⲡⲉⲧⲙⲙⲁⲩ ϫⲉ ⲛⲛⲉⲕⲣⲧⲏϥϩⲉ</ab>
5ⲁⲗⲗⲁ ⲟⲩⲱϣⲃ ⲛⲟⲩⲁⲑⲏⲧ ⲟⲩⲃⲉⲧⲉϥⲙⲛⲧⲁⲑⲏⲧ ϫⲉ ⲛⲛⲉϥⲟⲩⲱⲛϩ ⲉⲃⲟⲗ ⲛⲥⲟⲫⲟⲥ ⲛⲁϩⲣⲁϥ ⲙⲁⲩⲁⲁϥ</ab>
6ⲁⲩⲱ ϣⲁϥϫⲡⲟ ⲛⲟⲩⲛⲟϭⲛⲉϭ ⲉⲃⲟⲗ ϩⲛⲛⲉϥϣⲁϫⲉ ⲉⲕϣⲁⲛϫⲟⲟⲩ ⲛⲟⲩϣⲁϫⲉ ϩⲓⲧⲛⲟⲩϥⲁⲓϣⲓⲛⲉ ⲛⲁⲑⲏⲧ</ab>
7ϥⲓ ⲙⲙⲁⲩ ⲛⲧⲉϩⲓⲏ ⲛⲧⲉϥⲟⲩⲉⲣⲏⲧⲉ ⲁⲩⲱ ⲟⲩⲡⲁⲣϩⲟⲓⲙⲓⲁ ⲉⲃⲟⲗ ϩⲛⲣⲱⲟⲩ ⲛⲛⲁⲑⲏⲧ</ab>
8ⲛⲑⲉ ⲙⲡⲉⲧⲛⲁⲙⲟⲩⲣ ⲛⲟⲩⲱⲛⲉ ϩⲛⲟⲩⲥⲫⲉⲛⲇⲟⲛⲏ ⲧⲁⲓ ⲧⲉ ⲑⲉ ⲙⲡⲉⲧϯⲉⲟⲟⲩ ⲛⲟⲩⲁⲑⲏⲧ</ab>
9ϣⲁⲣⲉϩⲉⲛϣⲟⲛⲧⲉ ⲣⲱⲧ ϩⲛⲛϭⲓϫ ⲙⲡⲣⲉϥϯϩⲉ ⲁⲩⲱ ⲟⲩⲙⲛⲧϩⲙϩⲁⲗ ϩⲛⲛϭⲓϫ ⲛⲛⲁⲑⲏⲧ</ab>
10ϣⲁⲣⲉⲣⲱⲙⲉ ⲛⲓⲙ ⲥⲱⲃⲉ ⲛⲥⲁⲛⲁⲑⲏⲧ ⲧⲉⲩϩⲓⲏ ⲅⲁⲣ ⲛⲁⲧⲁⲕⲟ</ab>
11ⲛⲑⲉ ⲛⲟⲩⲟⲩϩⲟⲣ ⲉϣⲁϥⲕⲟⲧϥ ⲉⲡⲉϥⲕⲁⲃⲟⲗ ⲛⲥⲉⲙⲉⲥⲧⲱϥ ⲧⲁⲓ ⲧⲉ ⲑⲉ ⲙⲡⲁⲑⲏⲧ ϩⲛⲧⲉϥⲕⲁⲕⲓⲁ ⲉϣⲁϥⲕⲟⲧϥ ⲉⲡⲉϥⲛⲟⲃⲉ ⲟⲩⲛⲟⲩϣⲓⲡⲉ ⲉϣⲁϥϫⲡⲉⲡⲛⲟⲃⲉ ⲁⲩⲱ ⲟⲩⲛⲟⲩϣⲓⲡⲉ ⲉⲩⲉⲟⲟⲩ ⲡⲉ ⲙⲛⲟⲩⲭⲁⲣⲓⲥ</ab>
12ⲁⲓⲛⲁⲩ ⲉⲩⲣⲱⲙⲉ ⲉⲣⲟϥ ⲟⲩⲁⲁϥ ϫⲉ ⲟⲩⲥⲁⲃⲉ ⲡⲉ ⲟⲩⲛⲧⲉⲡⲁⲑⲏⲧ ⲇⲉ ϩⲉⲗⲡⲓⲥ ⲉϩⲟⲩⲉⲣⲟϥ</ab>
13ϣⲁⲣⲉⲡⲣⲉϥϫⲛⲁⲁⲩ ϫⲟⲟⲥ ⲉⲩⲛⲁϫⲟⲟϥ ⲉⲩϩⲓⲏ ϫⲉ ⲡⲙⲟⲩⲓ ϩⲛⲛⲉϩⲓⲟⲩⲉ ⲁⲩⲱ ⲥⲉϩⲱⲧⲃ ⲙⲙⲟⲟⲩ ϩⲛⲛⲉⲡⲗⲁⲧⲓⲁ</ab>
14ⲛⲑⲉ ⲛⲟⲩⲣⲟ ⲉϥⲕⲱⲧⲉ ϩⲓϫⲙⲡⲉϥⲙⲉϣϯⲃⲥ ⲧⲁⲓ ⲧⲉ ⲑⲉ ⲛⲟⲩⲣⲉϥϫⲛⲁⲁⲩ ϩⲓⲡⲉϥϭⲗⲟϭ</ab>
15ϣⲁⲣⲉⲡⲣⲉϥϫⲛⲁⲁⲩ ⲕⲗϫⲛⲉϥϭⲓϫ ϩⲁⲕⲟⲩⲛϥ ⲛϥⲧⲙⲉϣⲛⲧⲟⲩ ⲉⲣⲱϥ</ab>
16ⲟⲩⲥⲁⲃⲉ ⲡⲉ ⲡⲣⲉϥϫⲛⲁⲁⲩ ⲛⲁϥ ⲟⲩⲁⲁϥ ⲉϩⲟⲩⲉ ⲡⲉⲧⲧⲥⲓⲏⲩ ⲉⲧⲥⲧⲟ ⲉⲃⲟⲗ ⲛⲟⲩⲟⲩⲱ</ab>
17ⲛⲑⲉ ⲙⲡⲉⲧⲁⲙⲁϩⲧⲉ ⲛⲟⲩⲟⲩϩⲟⲣ ⲧⲁⲓ ⲧⲉ ⲑⲉ ⲙⲡⲉⲧⲁϩⲉⲣⲁⲧϥ ⲙⲡⲃⲟⲗ ⲛⲟⲩⲙⲓⲏⲉ ⲉⲙⲡⲱϥ ⲁⲛ ⲡⲉ</ab>
18ⲛⲑⲉ ⲛⲛⲉⲧϫⲱⲛⲧ ⲉⲧⲛⲟⲩϫⲉ ⲉϩⲟⲩⲛ ⲛϩⲉⲛϣⲁϫⲉ ⲛϣⲟⲣⲡ ⲛⲁⲥⲗⲁⲁⲧⲉ</ab>
19ⲧⲁⲓ ⲧⲉ ⲑⲉ ⲛⲟⲩⲟⲛ ⲛⲓⲙ ⲉⲧϭⲱⲣϭ ⲉⲛⲉⲩϣⲃⲉⲉⲣ ⲉⲩϣⲁⲛⲧⲁϩⲟⲟⲩ ⲇⲉ ϣⲁⲩϫⲟⲟⲥ ϫⲉ ⲛⲧⲁⲓⲁⲁⲥ ⲉⲓⲥⲱⲃⲉ</ab>
20ϣⲁⲣⲉⲡⲕⲱϩⲧ ⲙⲟⲩϩ ϩⲛϩⲁϩ ⲛϣⲉ ⲡⲙⲓϣⲉ ⲇⲉ ⲛⲁϭⲱ ϩⲙⲡⲙⲁ ⲉⲧⲉⲙⲛⲣⲉϥϭⲱⲛⲧ ⲛϩⲏⲧϥ</ab>
21ϩⲉⲛϫⲃⲃⲉⲥ ⲛⲟⲩⲉⲥⲭⲁⲣⲁ ⲁⲩⲱ ϩⲉⲛϣⲉ ⲙⲡⲕⲱϩⲧ ⲟⲩⲣⲱⲙⲉ ϩⲱⲱϥ ⲛⲣⲉϥⲥⲁϩⲟⲩ ⲉϥϣⲧⲟⲣⲧⲣ ⲛⲟⲩⲙⲓϣⲉ</ab>
22ⲛϣⲁϫⲉ ⲙⲡⲕⲟⲣϣϥ ϭⲏⲛ ⲛⲁⲓ ⲇⲉ ⲣⲱϩⲧ ⲉϩⲟⲩⲛ ⲉⲛⲧⲁⲙⲓⲟⲛ ⲛⲑⲏ</ab>
23ⲛⲑⲉ ⲛϩⲉⲛⲃⲗϫⲉ ⲡⲉ ⲟⲩϩⲁⲧ ⲉⲩϯ ⲙⲙⲟϥ ϩⲛⲟⲩⲕⲣⲟϥ ϣⲁⲣⲉϩⲉⲛⲥⲡⲟⲧⲟⲩ ⲛⲕⲣⲟϥ ϩⲃⲥⲟⲩϩⲏⲧ ⲛⲣⲉϥⲗⲩⲡⲓ</ab>
24ϣⲁⲣⲉⲡϫⲁϫⲉ ⲟⲩⲱϣⲃ ⲉϥϫⲱⲣⲙ ⲉⲟⲩⲟⲛ ⲛⲓⲙ ϩⲓⲛⲉϥⲥⲡⲟⲧⲟⲩ ϥⲙⲉⲉⲩⲉ ⲇⲉ ϩⲙⲡⲉϥϩⲏⲧ ⲉϩⲉⲛⲕⲣⲟϥ</ab>
25ⲉⲣϣⲁⲛⲡⲉⲕϫⲁϫⲉ ⲥⲉⲡⲥⲱⲡⲕ ⲉϥⲕⲱⲣϣ ϩⲛⲧⲉϥⲥⲙⲏ ⲙⲡⲣⲥⲱⲧⲙ ⲛⲥⲱϥ ⲟⲩⲛⲥⲁϣϥⲉ ⲅⲁⲣ ⲙⲡⲟⲛⲏⲣⲓⲁ ϩⲙⲡⲉϥϩⲏⲧ</ab>
26ⲡⲉⲧϩⲱⲡ ⲛⲟⲩⲙⲛⲧϫⲁϫⲉ ϣⲁϥⲧⲟⲩⲛⲉⲥⲟⲩⲡⲟⲛⲏⲣⲓⲁ ϣⲁⲣⲉⲟⲩⲥⲁⲃⲉ ⲇⲉ ϭⲱⲗⲡ ⲉⲃⲟⲗ ⲛⲛⲉϥⲛⲟⲃⲉ ϩⲛⲟⲩⲙⲏⲏϣⲉ</ab>
27ⲡⲉⲧϣⲓⲕⲉ ⲛⲟⲩϩⲓⲉⲓⲧ ⲉⲡⲉⲧϩⲓⲧⲟⲩⲱϥ ϥⲛⲁϩⲉ ⲉϩⲣⲁⲓ ⲉⲣⲟϥ ⲡⲉⲧⲥⲕⲟⲣⲕⲣ ⲇⲉ ⲛⲟⲩⲱⲛⲉ ⲉϥⲛⲁϩⲉ ⲉϫⲱϥ</ab>
28ⲡⲗⲁⲥ ⲛⲛⲟⲩϫ ⲙⲟⲥϩⲧⲉ ⲛⲧⲙⲉ ⲧⲧⲁⲡⲣⲟ ⲇⲉ ⲉⲧϣⲧⲣⲧⲱⲣ ⲛⲁⲉⲓⲣⲉ ⲛϩⲉⲛϣⲧⲟⲣⲧⲣ</ab>
29<gap reason=""/>