1ⲛⲁⲓ ⲛⲉ ⲛⲉⲥⲃⲟⲟⲩⲉ ⲛⲥⲟⲗⲟⲙⲱⲛ ⲁϫⲛⲙⲉⲉⲩⲉ ⲛⲁⲓ ⲛⲧⲁⲛⲉϣⲃⲉⲉⲣ ⲛⲉⲍⲉⲕⲓⲁⲥ ⲡⲣⲣⲟ ⲛϯⲟⲩⲇⲁⲓⲁ ⲥϩⲁⲓⲥⲟⲩ</ab>
2ⲡⲉⲟⲟⲩ ⲙⲡⲛⲟⲩⲧⲉ ⲡⲉϩⲱⲡ ⲛⲟⲩϣⲁϫⲉ ⲡⲉⲟⲟⲩ ⲇⲉ ⲙⲡⲣⲣⲟ ⲡⲉ ⲧⲁⲓⲉⲛⲉϥϩⲃⲏⲩⲉ</ab>
3ⲧⲡⲉ ϫⲟⲥⲉ ⲡⲕⲁϩ ϣⲏⲕ ϩⲉⲛⲁⲧⲉⲓⲙⲉ ⲇⲉ ⲉⲣⲟⲟⲩ ⲛⲉ ⲛϩⲏⲧ ⲛⲛⲉⲣⲣⲱⲟⲩ</ab>
4ⲣⲉϩⲧⲟⲩϩⲁⲧ ⲉϥϩⲟⲟⲩ ⲧⲁⲣⲉϥⲧⲃⲃⲟ ⲧⲏⲣϥ</ab>
5ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲁⲩⲱ ⲡⲉϥⲑⲣⲟⲛⲟⲥ ⲛⲁⲥⲟⲟⲩⲧⲛ ϩⲛⲟⲩⲇⲓⲕⲁⲓⲟⲥⲩⲛⲏ</ab>
6ⲙⲡⲣϫⲓⲥⲉ ⲙⲙⲟⲕ ⲙⲡⲉⲙⲧⲟ ⲉⲃⲟⲗ ⲛⲟⲩⲣⲣⲟ ⲁⲩⲱ ⲙⲡⲣⲁϩⲉⲣⲁⲧⲕ ⲉⲡⲙⲁ ⲛϩⲉⲛϫⲱⲱⲣⲉ</ab>
7ⲛⲁⲛⲟⲩⲥ ⲅⲁⲣ ⲛⲥⲉϫⲟⲟⲥ ⲛⲁⲕ ϫⲉ ⲁⲙⲟⲩ ⲉϩⲣⲁⲓ ⲛⲁⲓ ⲉϩⲟⲩⲉ ⲛⲅⲑⲃⲃⲓⲟ ⲙⲡⲉⲙⲧⲟ ⲉⲃⲟⲗ ⲛⲛϫⲱⲱⲣⲉ ⲛⲁⲩ ⲉⲣⲟⲟⲩ</ab>
8ⲛⲥⲉⲧⲙϩⲉ ⲉⲣⲟⲕ ϩⲛⲟⲩⲙⲓϣⲉ ϩⲛⲟⲩϭⲉⲡⲏ ϫⲉⲕⲁⲥ ⲛⲛⲉⲕⲣϩⲧⲏⲕ ϩⲛⲧⲉⲕϩⲁⲏ ⲉⲣϣⲁⲛⲡⲉⲕϣⲃⲏⲣ ⲛⲉϭⲛⲟⲩϭⲕ</ab>
9ⲥⲁϩⲱⲕ ϩⲏⲧϥ ⲙⲡⲣⲕⲁⲧⲁⲫⲣⲟⲛⲉⲓ</ab>
10ⲛⲛⲉⲡⲉⲕϣⲃⲏⲣ ⲙⲉⲛ ⲛⲉϭⲛⲟⲩϭⲕ ⲡⲙⲓϣⲉ ⲇⲉ ⲙⲛⲧⲙⲛⲧϫⲁϫⲉ ⲛⲁⲥⲁϩⲱⲥ ⲁⲛ ⲉⲃⲟⲗ ⲙⲙⲟⲕ ⲁⲗⲗⲁ ⲉⲥⲛⲁⲣⲑⲉ ⲛⲁⲕ ⲙⲡⲙⲟⲩ ϩⲁⲣⲉϩ ⲛⲁⲕ ⲉⲩⲭⲁⲣⲓⲥ ⲙⲛⲟⲩⲙⲛⲧϣⲃⲏⲣ ϩⲛⲟⲩⲙⲛⲧⲣⲙϩⲉ ϫⲉ ⲛⲛⲉⲕϣⲱⲡⲉ ϩⲁⲛⲟϭⲛⲉϭ ⲁⲗⲗⲁ ϩⲁⲣⲉϩ ⲉⲛⲉⲕϩⲓⲟⲟⲩⲉ ⲉⲩⲥⲙⲟⲛⲧ</ab>
11ⲛⲑⲉ ⲛⲟⲩϫⲙⲡⲉϩ ⲛⲛⲟⲩⲃ ϩⲛⲟⲩϩⲟⲣⲙⲓⲥⲕⲟⲥ ⲛⲥⲁⲣⲇⲓⲟⲛ ⲧⲁⲓ ⲧⲉ ⲑⲉ ⲛⲟⲩϣⲁϫⲉ ⲉϥⲧⲁⲓⲏⲩ ⲉϫⲟⲟϥ ⲉⲩⲙⲁⲁϫⲉ ⲛⲥⲧⲙⲏⲧ</ab>
12ⲟⲩϭⲁϫⲉ ⲛⲛⲟⲩⲃ ⲉⲣⲉⲟⲩⲥⲁⲣⲇⲓⲟⲛ ⲉϥⲧⲁⲓⲏⲩ ⲧⲟ ⲉⲣⲟϥ ⲧⲁⲓ ⲧⲉ ⲑⲉ ⲛⲛϣⲁϫⲉ ⲛⲛⲥⲟⲫⲟⲥ ⲉⲩⲙⲁⲁϫⲉ ⲛⲣⲉϥⲥⲱⲧⲙ</ab>
13ⲛⲑⲉ ⲙⲡⲓ ⲉⲃⲟⲗ ⲛⲟⲩⲭⲓⲱⲛ ϩⲙⲡⲱϩⲥ ⲉϣⲁϥϯⲙⲧⲟⲛ ⲛⲟⲩϫⲟⲩϥ ⲧⲁⲓ ⲧⲉ ⲑⲉ ⲛⲟⲩϥⲁⲓϣⲓⲛⲉ ⲉϥⲛϩⲟⲧ ⲛⲛⲉⲧⲛⲁϫⲟⲟⲩϥ ϣⲁϥⲱⲫⲉⲗⲓ ⲅⲁⲣ ⲛⲛⲉⲯⲩⲭⲏ ⲛⲛⲉⲧϥⲛⲁϫⲓⲟⲩⲱ ⲛⲁⲩ</ab>
14ⲛⲑⲉ ⲛϩⲉⲛⲧⲏⲩ ⲙⲛϩⲉⲛⲕⲗⲟⲟⲗⲉ ⲙⲛϩⲉⲛϩⲱⲟⲩ ⲉⲩⲟⲩⲛϩ ⲉⲃⲟⲗ ⲧⲁⲓ ⲧⲉ ⲑⲉ ⲛⲛⲉⲧϣⲟⲩϣⲟⲩ ⲙⲙⲟⲟⲩ ϩⲛⲟⲩϯ ⲛⲛⲟⲩϫ</ab>
15ϣⲟⲟⲡ ⲛⲛⲉⲣⲣⲱⲟⲩ ϩⲛⲟⲩⲙⲛⲧϩⲁⲣϣϩⲏⲧ ϣⲁⲣⲉⲟⲩⲗⲁⲥ ⲇⲉ ⲛϭⲱⲛⲧ ⲟⲩⲉϣϥϩⲉⲛⲕⲉⲉⲥ</ab>
16ⲉⲕϣⲁⲛϩⲉ ⲉⲉⲃⲓⲱ ⲟⲩⲉⲙⲡⲉⲕⲣⲱϣⲉ ⲙⲏⲡⲟⲧⲉ ⲛⲅⲥⲉⲓ ⲛⲅⲕⲁⲃⲟⲗ</ab>
17ⲙⲡⲣⲧⲁϣⲉⲃⲱⲕ ⲉϩⲟⲩⲛ ⲙⲡⲉⲕϣⲃⲏⲣ ⲙⲏⲡⲟⲧⲉ ⲛϥⲥⲉⲓ ⲙⲙⲟⲕ ⲛϥⲙⲉⲥⲧⲱⲕ</ab>
18ⲛⲑⲉ ⲛⲟⲩϭⲉⲣⲱⲃ ⲙⲛⲟⲩⲥⲏϥⲉ ⲙⲛⲟⲩⲥⲟⲧⲉ ⲛⲁⲕⲓⲥ ⲧⲁⲓ ⲧⲉ ⲑⲉ ⲛⲟⲩⲣⲱⲙⲉ ⲉϥⲣⲙⲛⲧⲣⲉ ⲉⲡⲉϥϣⲃⲏⲣ ⲛⲟⲩⲙⲛⲧⲙⲛⲧⲣⲉ ⲛⲛⲟⲩϫ</ab>
19ⲧⲉϩⲓⲏ ⲙⲡⲡⲉⲑⲟⲟⲩ ⲙⲛⲧⲟⲩⲉⲣⲏⲧⲉ ⲙⲡⲡⲁⲣⲁⲛⲟⲙⲟⲥ ⲛⲁⲧⲁⲕⲟ ϩⲛⲟⲩϩⲟⲟⲩ ⲉϥϩⲟⲟⲩ</ab>
20ⲉϣⲁⲣⲉⲟⲩϩⲙϫ ⲣⲃⲟⲟⲛⲉ ⲛⲟⲩⲥⲁϣ ⲧⲁⲓ ⲧⲉ ⲑⲉ ⲛⲟⲩϣⲱⲛⲉ ϩⲙⲡⲥⲱⲙⲁ ⲉϣⲁϥⲗⲩⲡⲓ ⲙⲡϩⲏⲧ ⲛⲑⲉ ⲛⲟⲩϩⲟⲟⲗⲉ ϩⲛⲟⲩϩⲟⲓⲧⲉ ⲁⲩⲱ ⲟⲩϥⲛⲧ ϩⲛⲟⲩϣⲉ ⲧⲁⲓ ⲧⲉ ⲑⲉ ⲉϣⲁⲣⲉⲧⲗⲩⲡⲓ ⲙⲡⲣⲱⲙⲉ ⲃⲗⲁⲡⲧⲉ ⲙⲡⲉϥϩⲏⲧ</ab>
21ⲉⲣϣⲁⲛⲡⲉⲕϫⲁϫⲉ ϩⲕⲟ ⲙⲁⲧⲙⲙⲟϥ ⲁⲩⲱ ⲉϥϣⲁⲛⲉⲓⲃⲉ ⲙⲁⲧⲥⲟϥ</ab>
22ⲉⲕⲉⲓⲣⲉ ⲅⲁⲣ ⲙⲡⲁⲓ ⲕⲛⲁⲡⲣϣϩⲉⲛϫⲃⲃⲉⲥ ⲛⲕⲱϩⲧ ⲉϫⲛⲧⲉϥⲁⲡⲉ ⲡⲛⲟⲩⲧⲉ ⲇⲉ ⲛⲁⲧⲱⲱⲃⲉ ⲛⲁⲕ ⲛⲙⲙⲛⲧⲙⲉ</ab>
23ϣⲁⲣⲉⲟⲩⲧⲏⲩ ⲛⲙϩⲓⲧ ⲧⲟⲩⲛⲉⲥϩⲉⲛⲕⲗⲟⲟⲗⲉ ⲟⲩϩⲟ ⲇⲉ ⲛⲁⲧϣⲓⲡⲉ ϣⲁϥϯⲛⲟⲩϭⲥ ⲛϩⲉⲛⲗⲁⲥ</ab>
24ⲛⲁⲛⲟⲩⲟⲩⲱϩ ϩⲓⲟⲩⲕⲗϫⲉ ⲛⲟⲩϫⲉⲛⲉⲡⲱⲣ ⲉϩⲟⲩⲉⲟⲩⲱϩ ϩⲛⲟⲩⲏⲓ ⲛⲃⲣⲣⲉ ⲙⲛⲟⲩⲥϩⲓⲙⲉ ⲛⲣⲉϥⲥⲁϩⲟⲩ</ab>
25ⲉϥⲕⲏⲃ ⲛⲟⲩⲯⲩⲭⲏ ⲉⲥⲟⲃⲉ ⲁⲩⲱ ⲟⲩⲟⲩⲱ ⲉⲛⲁⲛⲟⲩϥ ⲙⲡⲟⲩⲉ</ab>
26ⲛⲑⲉ ⲙⲡⲉⲧⲛⲁⲧⲱⲙ ⲉⲣⲛⲟⲩⲡⲏⲅⲏ ⲙⲙⲟⲟⲩ ⲁⲩⲱ ⲡⲉⲧⲛⲁⲧⲁⲕⲉⲟⲩⲙⲟⲟⲩ ⲉϥⲥⲱⲕ ϥϫⲓ ⲛϭⲟⲛⲥ ⲧⲁⲓ ⲧⲉ ⲑⲉ ⲙⲡⲉⲧⲛⲁⲥⲉϣⲟⲩⲣⲱⲙⲉ ⲛⲇⲓⲕⲁⲓⲟⲥ ⲙⲡⲉⲙⲧⲟ ⲉⲃⲟⲗ ⲛⲟⲩⲁⲥⲉⲃⲏⲥ</ab>
27ⲛⲁⲛⲟⲩⲟⲩⲉⲙϩⲁϩ ⲁⲛ ⲛⲉⲃⲓⲱ ϣϣⲉ ⲇⲉ ⲉⲧⲁⲓⲉⲛϣⲁϫⲉ ⲉⲧⲧⲁⲓⲏⲩ</ab>
28ⲛⲑⲉ ⲛⲟⲩⲡⲟⲗⲓⲥ ⲉⲣⲉⲛⲉⲥⲥⲟⲃⲧ ϣⲣϣⲱⲣ ⲧⲁⲓ ⲧⲉ ⲑⲉ ⲙⲡⲣⲱⲙⲉ ⲉⲧⲉ ⲛϥⲣϩⲱⲃ ⲁⲛ ϩⲛⲟⲩϣⲟϫⲛⲉ</ab>
29<gap reason=""/>
30<gap reason=""/>
31<gap reason=""/>