1ϣⲁⲣⲉⲧⲟⲣⲅⲏ ⲧⲁⲕⲟ ⲛⲛⲕⲉⲥⲁⲃⲉⲉⲩ ϣⲁⲣⲉⲟⲩϣⲁϫⲉ ⲉϥⲙⲡⲉϥⲙⲁ ⲕⲧⲟ ⲉⲃⲟⲗ ⲛⲟⲩϭⲱⲛⲧ ϣⲁⲣⲉⲟⲩϣⲁϫⲉ ⲛⲣⲉϥⲗⲩⲡⲓ ⲧⲟⲩⲛⲉⲥϩⲉⲛⲟⲣⲅⲏ</ab>
2ⲡⲗⲁⲥ ⲇⲉ ⲛⲛⲥⲁⲃⲉ ⲥⲟⲟⲩⲛ ⲛⲛⲉⲧⲛⲁⲛⲟⲩⲟⲩ ⲧⲧⲁⲡⲣⲟ ⲇⲉ ⲛⲛⲁⲑⲏⲧ ⲥⲟⲟⲩⲛ ⲛⲛⲉⲑⲟⲟⲩ</ab>
3ⲛⲃⲁⲗ ⲙⲡⲛⲟⲩⲧⲉ ϭⲱϣⲧ ϩⲙⲙⲁ ⲛⲓⲙ ⲉϫⲛⲛⲛⲉⲑⲟⲟⲩ ⲙⲛⲛⲉⲧⲛⲁⲛⲟⲩⲟⲩ</ab>
4ⲟⲩϣⲏⲛ ⲛⲱⲛϩ ⲡⲉ ⲡⲧⲁⲗϭⲟ ⲙⲡⲗⲁⲥ ⲡⲉⲧⲉⲓⲣⲉ ⲇⲉ ⲙⲙⲟϥ ⲛⲁⲥⲉⲓ ⲛⲛⲉϥⲕⲁⲣⲡⲟⲥ</ab>
5ϣⲁⲣⲉⲡⲁⲑⲏⲧ ⲕⲙϣⲧⲉⲥⲃⲱ ⲙⲡⲉϥⲉⲓⲱⲧ ⲟⲩⲥⲁⲃⲉ ⲇⲉ ⲛϩⲟⲩⲟ ⲡⲉ ⲡⲉⲧϩⲁⲣⲉϩ ⲉⲛⲉϫⲡⲓⲟ</ab>
6ⲟⲩⲛⲟⲩⲛⲟϭ ⲛϭⲟⲙ ϩⲛⲧⲇⲓⲕⲁⲓⲟⲥⲩⲛⲏ ⲉⲧⲟϣ ⲙⲙⲟⲕⲙⲉⲕ ⲇⲉ ⲛⲛⲁⲥⲉⲃⲏⲥ ⲛⲁⲡⲱⲣⲕ ⲙⲛⲛⲉⲩⲛⲟⲩⲛⲉ ⲟⲩⲛⲟⲩⲛⲟϭ ⲛϭⲟⲙ ϩⲛⲡⲏⲓ ⲛⲛⲇⲓⲕⲁⲓⲟⲥ ⲛⲕⲁⲣⲡⲟⲥ ⲇⲉ ⲛⲛⲁⲥⲉⲃⲏⲥ ⲛⲁⲧⲁⲕⲟ</ab>
7ⲛⲉⲥⲡⲟⲧⲟⲩ ⲛⲛⲥⲟⲫⲟⲥ ⲙⲏⲣ ⲛⲟⲩⲁⲓⲥⲑⲏⲥⲓⲥ ⲛϩⲏⲧ ⲇⲉ ⲛⲛⲁⲑⲏⲧ ⲟⲣϫ ⲁⲛ</ab>
8ϩⲉⲛⲃⲟⲧⲉ ⲙⲡϫⲟⲉⲓⲥ ⲛⲉ ⲛⲉⲑⲩⲥⲓⲁ ⲛⲙⲡⲁⲣⲁⲛⲟⲙⲟⲥ ⲛⲉⲑⲩⲥⲓⲁ ⲇⲉ ⲛⲛⲉⲧⲥⲟⲩⲧⲱⲛ ϣⲏⲡ ⲛⲛⲁϩⲣⲁϥ</ab>
9ϩⲉⲛⲃⲟⲧⲉ ⲙⲡϫⲟⲉⲓⲥ ⲛⲉ ⲛⲉϩⲓⲟⲟⲩⲉ ⲙⲡⲁⲥⲉⲃⲏⲥ ϥⲙⲉ ⲇⲉ ⲛⲛⲉⲧⲡⲏⲧ ⲛⲥⲁⲧⲇⲓⲕⲁⲓⲟⲥⲩⲛⲏ</ab>
10ϣⲁⲩⲥⲟⲩⲛⲧⲉⲥⲃⲱ ⲛⲛⲃⲁⲗϩⲏⲧ ϩⲓⲧⲛⲛⲉⲧⲡⲁⲣⲁⲅⲉ ⲛⲉⲧⲙⲟⲥⲧⲉ ⲇⲉ ⲛⲛⲉϫⲡⲓⲟ ⲛⲁⲙⲟⲩ ϩⲛⲟⲩⲥⲱϣ</ab>
11ⲉϣϫⲉ ⲁⲙⲛⲧⲉ ⲙⲛⲡⲛⲟⲩⲛ ⲟⲩⲟⲛϩ ⲉⲃⲟⲗ ⲙⲡⲛⲟⲩⲧⲉ ⲛⲁϣ ⲛϩⲉ ⲛⲧⲟⲟⲩ ⲛⲛⲕⲉϩⲏⲧ ⲁⲛ ⲛⲛⲣⲱⲙⲉ</ab>
12ⲙⲉⲣⲉⲡⲁⲧⲥⲃⲱ ⲙⲉⲣⲉⲡⲉⲧϫⲡⲓⲟ ⲙⲙⲟϥ ⲁⲩⲱ ⲙⲉϥϣⲁϫⲉ ⲙⲛⲛⲥⲟⲫⲟⲥ</ab>
13ϣⲁⲣⲉⲡϩⲏⲧ ⲉⲧⲉⲩⲫⲣⲁⲛⲉ ϯⲟⲩⲣⲟⲧ ⲙⲡϩⲟ ϣⲁϥⲱⲕⲙ ⲇⲉ ⲉϥϩⲛϩⲉⲛⲗⲩⲡⲉⲓ</ab>
14ϣⲁⲣⲉⲡϩⲏⲧ ⲉⲧⲥⲟⲩⲧⲱⲛ ϣⲓⲛⲉ ⲛⲥⲁⲟⲩⲁⲓⲥⲑⲏⲥⲓⲥ ⲧⲧⲁⲡⲣⲟ ⲇⲉ ⲛⲛⲁⲧⲥⲃⲱ ⲛⲁⲥⲟⲩⲛϩⲉⲛⲡⲉⲑⲟⲟⲩ ⲡϩⲏⲧ ⲙⲡⲁⲑⲏⲧ ⲥⲟⲟⲩⲛ ⲛϩⲉⲛⲡⲉⲑⲟⲟⲩ</ab>
15ⲉⲣⲉⲛⲃⲁⲗ ⲛⲛⲉⲑⲟⲟⲩ ⲛⲟⲩⲟⲉⲓϣ ⲛⲓⲙ ϭⲱϣⲧ ⲉⲃⲟⲗ ϩⲏⲧⲟⲩ ⲛϩⲉⲛⲡⲉⲑⲟⲟⲩ ϣⲁⲣⲉⲛⲉⲧⲛⲁⲛⲟⲩⲟⲩ ⲇⲉ ⲕⲁⲣⲱⲟⲩ ⲛⲟⲩⲟⲉⲓϣ ⲛⲓⲙ</ab>
16ⲛⲁⲛⲟⲩⲟⲩⲕⲟⲩⲓ ϩⲛⲑⲟⲧⲉ ⲙⲡϫⲟⲉⲓⲥ ⲉϩⲟⲩⲉⲟⲩⲛⲟϭ ⲛⲁϩⲟ ϩⲛⲟⲩⲙⲛⲧⲁⲧϩⲟⲧⲉ</ab>
17ⲛⲁⲛⲟⲩⲟⲩⲙⲛⲧⲙⲁⲓϣⲙⲙⲟ ⲙⲛϩⲉⲛⲟⲩⲟⲟⲧⲉ ⲡⲣⲟⲥ ⲟⲩⲙⲛⲧϣⲃⲏⲣ ⲙⲛⲟⲩⲭⲁⲣⲓⲥ ⲉϩⲟⲩⲉϩⲉⲛⲙⲁⲥⲉ ⲉⲩⲥⲁⲛⲁϣⲧ ϩⲛⲟⲩⲙⲛⲧϫⲁϫⲉ</ab>
18ϣⲁⲣⲉⲟⲩⲣⲱⲙⲉ ⲛⲣⲉϥϭⲱⲛⲧ ⲥⲟⲃⲧⲉ ⲛϩⲉⲛⲙⲓϣⲉ ϣⲁⲣⲉⲡϩⲁⲣϣϩⲏⲧ ⲇⲉ ⲧⲁⲗϭⲉⲏⲛⲕⲟⲟⲩⲉ ⲉⲧⲛⲁϣⲱⲛⲉ ϣⲁⲣⲉⲡϩⲁⲣϣϩⲏⲧ ⲛⲣⲱⲙⲉ ⲱϣⲙ ⲛϩⲉⲛϩⲁⲡ ϣⲁⲣⲉⲡⲁⲥⲉⲃⲏⲥ ⲇⲉ ⲧⲟⲩⲛⲟⲥⲟⲩ ⲛϩⲟⲩⲟ</ab>
19ⲛⲉϩⲓⲟⲟⲩⲉ ⲛⲛⲁⲣⲅⲟⲥ ⲡⲟⲣϣ ⲛϣⲟⲛⲧⲉ ⲛⲁⲛϫⲱⲱⲣⲉ ⲇⲉ ⲕⲉϩⲕⲱϩ</ab>
20ϣⲁⲣⲉⲟⲩϣⲏⲣⲉ ⲛⲥⲟⲫⲟⲥ ⲉⲩⲫⲣⲁⲛⲉ ⲙⲡⲉϥⲉⲓⲱⲧ ϣⲁⲣⲉⲟⲩϣⲏⲣⲉ ⲇⲉ ⲛⲁⲑⲏⲧ ⲕⲙϣⲧⲉϥⲙⲁⲁⲩ</ab>
21ⲛⲉϩⲓⲟⲟⲩⲉ ⲙⲡⲁⲑⲏⲧ ⲣϭⲣⲱϩ ⲛⲧⲙⲛⲧⲥⲁⲃⲉ ⲟⲩⲣⲱⲙⲉ ⲇⲉ ⲛⲥⲁⲃⲉ ϣⲁϥⲙⲟⲟϣⲉ ⲉϥⲥⲟⲩⲧⲱⲛ</ab>
22ϣⲁⲣⲉⲛⲉⲧⲉⲛⲥⲉⲧⲁⲓⲟ ⲁⲛ ⲛϩⲉⲛⲥⲟⲟⲩϩⲥ ⲕⲱ ⲛⲥⲱⲟⲩ ⲛϩⲉⲛϣⲟϫⲛⲉ ϣⲁⲣⲉⲡϣⲟϫⲛⲉ ⲇⲉ ⲙⲟⲩⲛ ⲉⲃⲟⲗ ϩⲛⲛϩⲏⲧ ⲛⲛⲣⲉϥⲙⲉⲉⲩⲉ</ab>
23ⲛⲛⲉⲡⲉⲑⲟⲟⲩ ⲥⲱⲧⲙ ⲛⲥⲱϥ ⲁⲩⲱ ⲛⲛⲉϥϫⲉⲗⲁⲁⲩ ⲉⲛⲁⲛⲟⲩϥ ϩⲙⲡⲉϥⲟⲩⲟⲉⲓϣ ⲙⲡⲙⲏⲏϣⲉ</ab>
24ϩⲉⲛϩⲓⲟⲟⲩⲉ ⲛⲱⲛϩ ⲛⲉ ⲙⲙⲉⲉⲩⲉ ⲙⲡⲥⲁⲃⲉ ϫⲉ ⲉϥⲉⲣⲁⲕⲧϥ ⲉⲃⲟⲗ ⲛⲁⲙⲛⲧⲉ ⲛϥⲟⲩϫⲁⲓ</ab>
25ⲡⲛⲟⲩⲧⲉ ⲛⲁϣⲟⲣϣⲣ ⲛⲛⲏⲓ ⲛⲛⲣⲉϥⲥⲱϣ ⲁϥⲧⲁϫⲣⲟ ⲇⲉ ⲛⲛⲧⲟϣ ⲛⲧⲉⲭⲏⲣⲁ</ab>
26ⲟⲩⲃⲟⲧⲉ ⲙⲡϫⲟⲉⲓⲥ ⲡⲉ ⲡⲙⲉⲉⲩⲉ ⲛϫⲓⲛϭⲟⲛⲥ ϩⲉⲛⲙⲛⲧⲣⲙⲛϩⲏⲧ ⲇⲉ ⲛⲉ ⲛϣⲁϫⲉ ⲉⲧⲟⲩⲁⲁⲃ</ab>
27ⲡⲉⲧϫⲓⲇⲱⲣⲟⲛ ⲛⲁⲧⲁⲕⲟϥ ⲟⲩⲁⲁϥ ⲡⲉⲧⲙⲟⲥⲧⲉ ⲇⲉ ⲛϫⲓⲇⲱⲣⲟⲛ ⲛⲁⲱⲛϩ ⲉϣⲁⲩⲕⲱ ⲉⲃⲟⲗ ⲛⲛⲛⲟⲃⲉ ϩⲛϩⲉⲛⲙⲛⲧⲛⲁ ⲙⲛϩⲉⲛⲡⲓⲥⲧⲓⲥ ϩⲛⲑⲟⲧⲉ ⲇⲉ ⲙⲡⲛⲟⲩⲧⲉ ⲉⲣⲉⲟⲩⲟⲛ ⲛⲓⲙ ⲣⲓⲕⲉ ⲙⲙⲟϥ ⲉⲃⲟⲗ ⲛⲙⲡⲉⲑⲟⲟⲩ</ab>
28ⲉⲣⲉⲛϩⲏⲧ ⲛⲛⲇⲓⲕⲁⲓⲟⲥ ⲙⲉⲗⲉⲧⲁ ⲛⲧⲡⲓⲥⲧⲓⲥ ⲉⲣⲉⲧⲧⲁⲡⲣⲟ ⲇⲉ ⲛⲛⲁⲥⲉⲃⲏⲥ ⲛⲁϫⲱ ⲛϩⲉⲛⲡⲉⲑⲟⲟⲩ ⲛⲉϩⲓⲟⲟⲩⲉ ⲙⲡⲣⲱⲙⲉ ⲛⲇⲓⲕⲁⲓⲟⲥ ⲥⲟⲧⲡ ⲙⲡⲛⲟⲩⲧⲉ ⲁⲩⲱ ⲉϣⲁⲣⲉϩⲉⲛϫⲁϫⲉ ϩⲱⲧⲡ ⲉⲃⲟⲗ ϩⲓⲧⲟⲟⲧⲟⲩ</ab>
29ⲡⲛⲟⲩⲧⲉ ⲟⲩⲏⲩ ⲛⲛⲁⲥⲉⲃⲏⲥ ϣⲁϥⲥⲱⲧⲙ ⲇⲉ ⲉⲛⲉϣⲗⲏⲗ ⲛⲛⲇⲓⲕⲁⲓⲟⲥ ⲛⲁⲛⲟⲩϫⲓⲟⲩⲕⲟⲩⲓ ϩⲛⲟⲩⲇⲓⲕⲁⲓⲟⲥⲩⲛⲏ ⲉϩⲟⲩⲉϩⲁϩ ⲛⲅⲉⲛⲏⲙⲁ ϩⲛⲟⲩϫⲓⲛϭⲟⲛⲥ ⲡϩⲏⲧ ⲙⲡⲣⲱⲙⲉ ⲙⲁⲣⲉϥⲙⲉⲉⲩⲉ ⲉϩⲉⲛⲙⲛⲧⲙⲉ ϫⲉ ⲉⲣⲉⲛⲉϥϩⲓⲟⲟⲩⲉ ⲥⲟⲟⲩⲧⲛ ⲉⲃⲟⲗ ϩⲓⲧⲙⲡϫⲟⲉⲓⲥ</ab>
30ⲡⲃⲁⲗ ⲉⲧⲛⲁⲩ ⲉⲡⲡⲉⲧⲛⲁⲛⲟⲩϥ ϣⲁϥⲉⲩⲫⲣⲁⲛⲉ ⲙⲡϩⲏⲧ ϣⲁⲣⲉⲡⲥⲟⲉⲓⲧ ⲇⲉ ⲉⲧⲛⲁⲛⲟⲩϥ ϯⲟⲩⲣⲟⲧ ⲛⲛⲕⲉⲉⲥ</ab>
31<gap reason=""/>
32ⲉⲣⲉⲡⲉⲧⲕⲱ ⲛⲥⲱϥ ⲛⲧⲉⲥⲃⲱ ⲙⲟⲥϩⲧⲉ ⲙⲙⲟϥ ⲟⲩⲁⲁϥ ⲡⲉⲧϩⲁⲣⲉϩ ⲇⲉ ⲉⲛⲉϫⲡⲓⲟ ⲙⲉ ⲛⲧⲉϥⲯⲩⲭⲏ ⲙⲁⲩⲁⲁϥ</ab>
33ⲑⲟⲧⲉ ⲙⲡϫⲟⲉⲓⲥ ⲧⲉ ⲧⲉⲥⲃⲱ ⲙⲛⲧⲥⲟⲫⲓⲁ ⲁⲩⲱ ⲧⲁⲣⲭⲏ ⲙⲡⲉⲟⲟⲩ ⲛⲁⲟⲩⲱϣⲃ ⲛⲁⲥ ⲡⲉⲟⲟⲩ ⲛⲁⲙⲟⲟϣⲉ ⲙⲛⲛⲉⲧⲑⲃⲃⲓⲏⲩ ⲁⲩⲱ ⲧⲁⲣⲭⲏ ⲙⲡⲉⲟⲟⲩ ⲧⲉ ⲧⲉϩⲟⲩⲉⲓⲧⲉ ⲛⲇⲓⲕⲁⲓⲟⲥⲩⲛⲏ ⲙⲡⲛⲟⲩⲧⲉ ⲉⲧⲥⲟⲩⲧⲱⲛ</ab>
34<gap reason=""/>
35<gap reason=""/>
36<gap reason=""/>
37<gap reason=""/>
38<gap reason=""/>