1ϣⲁⲣⲉⲛⲥⲁⲃⲏ ⲛⲥϩⲓⲙⲉ ⲕⲉⲧϩⲉⲛⲏⲓ ⲧⲉⲧⲛⲁⲣⲁⲑⲏⲧ ⲇⲉ ⲛⲁϣⲣϣⲱⲣϥ ϩⲛⲛⲉⲥϭⲓϫ</ab>
2ⲡⲉⲧⲙⲟⲟϣⲉ ϩⲛⲟⲩⲥⲟⲟⲩⲧⲛ ⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ ⲡⲉⲧϭⲱⲟⲩϭ ⲇⲉ ⲛⲛⲉϥϩⲓⲟⲟⲩⲉ ⲛⲁϫⲓⲥⲱϣ</ab>
3ⲟⲩϭⲉⲣⲱⲃ ⲛⲥⲱϣ ⲡⲉⲧϩⲛⲧⲧⲁⲡⲣⲟ ⲛⲛⲁⲑⲏⲧ ⲛⲉⲥⲡⲟⲧⲟⲩ ⲇⲉ ⲛⲛⲥⲟⲫⲟⲥ ⲛⲁϩⲁⲣⲉϩ ⲉⲣϯⲟⲟⲩ</ab>
4ⲛⲟⲩⲟⲙϥ ϣⲟⲩⲉⲓⲧ ϩⲙⲡⲙⲁ ⲉⲧⲉⲙⲛⲉϩⲉ ⲛϩⲏⲧϥ ⲧϭⲟⲙ ⲛⲧⲉϩⲉ ⲟⲩⲟⲛϩ ⲉⲃⲟⲗ ϩⲙⲡⲙⲁ ⲉⲧⲉⲟⲩⲛϩⲁϩ ⲛϩⲏⲧϥ ⲛⲅⲉⲛⲏⲙⲁ</ab>
5ⲙⲛⲟⲩⲙⲛⲧⲣⲉ ⲙⲡⲓⲥⲧⲟⲥ ⲛⲁϫⲓϭⲟⲗ ϣⲁⲣⲉⲟⲩⲙⲛⲧⲣⲉ ⲇⲉ ⲛϫⲓⲛϭⲟⲛⲥ ⲧⲙϩⲉϩⲉⲛϭⲟⲗ</ab>
6ⲕⲛⲁϣⲓⲛⲉ ⲛⲥⲁⲧⲥⲟⲫⲓⲁ ⲛⲧⲛⲛⲉⲧⲑⲟⲟⲩ ⲛⲅⲧⲙϭⲛⲧⲥ ⲧⲁⲓⲥⲑⲏⲥⲓⲥ ⲇⲉ ⲥⲃⲧⲱⲧ ⲛⲧⲟⲟⲧⲟⲩ ⲛⲛⲥⲁⲃⲉ</ab>
7ϩⲱⲃ ⲛⲓⲙ ϯⲟⲩⲃⲉⲡⲣⲱⲙⲉ ⲛⲁⲑⲏⲧ ϩⲉⲛϩⲟⲡⲗⲟⲛ ⲇⲉ ⲛⲁⲓⲥⲑⲏⲥⲓⲥ ⲛⲉ ⲛⲉⲥⲡⲟⲧⲟⲩ ⲛⲛⲥⲁⲃⲉ ϩⲉⲛϩⲟⲡⲗⲟⲛ ⲇⲉ ⲛⲁⲓⲥⲑⲏⲥⲓⲥ ⲛⲉ ⲛⲉⲥⲡⲟⲧⲟⲩ ⲛⲛⲥⲁⲃⲉ</ab>
8ⲧⲥⲟⲫⲓⲁ ⲛⲛⲣⲙⲛϩⲏⲧ ⲛⲁⲉⲓⲙⲉ ⲉⲛⲉⲩϩⲓⲟⲟⲩⲉ ⲧⲙⲛⲧⲁⲑⲏⲧ ⲇⲉ ⲛⲁⲧⲥⲃⲱ ϩⲛⲟⲩⲡⲗⲁⲛⲏ</ab>
9ⲛⲏⲓ ⲛⲙⲡⲁⲣⲁⲛⲟⲙⲟⲥ ⲙⲡϣⲁ ⲛⲟⲩⲧⲃⲃⲟ ⲛⲏⲓ ⲇⲉ ⲛⲛⲇⲓⲕⲁⲓⲟⲥ ⲥⲟⲧⲡ</ab>
10ⲡϩⲏⲧ ⲛⲟⲩⲣⲱⲙⲉ ⲛⲣⲉϥⲁⲓⲥⲑⲁⲛⲉ ⲟⲩⲗⲩⲡⲏ ⲡⲉ ⲛⲧⲉϥⲯⲩⲭⲏ ϩⲟⲧⲁⲛ ⲇⲉ ⲉϥϣⲁⲛⲉⲩⲫⲣⲁⲛⲉ ⲙⲉⲣⲉⲧⲗⲩⲡⲏ ⲧⲱϩ ⲛⲙⲙⲁϥ</ab>
11ⲛⲏⲓ ⲛⲛⲁⲥⲉⲃⲏⲥ ⲛⲁⲧⲁⲕⲟ ⲛⲉⲥⲕⲏⲛⲏ ⲇⲉ ⲛⲛⲇⲓⲕⲁⲓⲟⲥ ⲛⲁⲁϩⲉⲣⲁⲧⲟⲩ</ab>
12ⲟⲩⲛⲟⲩϩⲓⲏ ⲉⲣⲉⲡⲣⲱⲙⲉ ⲙⲉⲉⲩⲉ ⲉⲣⲟⲥ ϫⲉ ⲉⲥⲥⲟⲩⲧⲱⲛ ⲉⲣⲉⲧⲉⲥϩⲁⲏ ⲇⲉ ⲡⲏϩ ⲉⲡϣⲓⲕ ⲛⲁⲙⲛⲧⲉ</ab>
13ⲙⲉⲣⲉⲧⲗⲩⲡⲏ ⲧⲱϩ ⲙⲛⲡⲟⲩⲛⲟϥ ϣⲁⲣⲉⲑⲁⲏ ⲇⲉ ⲙⲡⲣⲁϣⲉ ⲉⲓ ⲉⲡϩⲏⲃⲉ</ab>
14ⲡⲛⲁϣⲧϩⲏⲧ ⲛⲁⲥⲉⲓ ⲛⲛⲉϥϩⲓⲟⲟⲩⲉ ⲙⲁⲩⲁⲁϥ ⲡⲣⲱⲙⲉ ⲇⲉ ⲉⲧⲟⲩⲁⲁⲃ ⲉⲃⲟⲗ ϩⲛⲛⲉϥⲙⲉⲉⲩⲉ</ab>
15ϣⲁⲣⲉⲡⲃⲁⲗϩⲏⲧ ⲧⲁⲛϩⲉⲧϣⲁϫⲉ ⲛⲓⲙ ϣⲁⲣⲉⲡⲥⲁⲃⲉ ⲇⲉ ⲣϩⲧⲏϥ</ab>
16ⲉⲣϣⲁⲛⲡⲥⲟⲫⲟⲥ ⲣϩⲟⲧⲉ ϣⲁϥⲣⲁⲕⲧϥ ⲉⲃⲟⲗ ⲙⲡⲡⲉⲑⲟⲟⲩ ϣⲁⲣⲉⲡⲁⲑⲏⲧ ⲇⲉ ⲧⲱϩ ⲛⲙⲙⲁϥ ϩⲛⲟⲩⲧⲁϫⲣⲟ</ab>
17ϣⲁⲣⲉⲡⲉⲧϭⲉⲡⲏ ⲉϭⲱⲛⲧ ⲉⲓⲣⲉ ⲛⲟⲩⲙⲛⲧⲁⲧϣⲟϫⲛⲉ ϣⲁⲣⲉⲟⲩⲣⲱⲙⲉ ⲇⲉ ⲛⲥⲟⲫⲟⲥ ϥⲓ ⲉⲣⲟϥ ⲉⲙⲁⲧⲉ</ab>
18ⲛⲁⲑⲏⲧ ⲛⲁⲡⲱϣ ⲉϫⲱⲟⲩ ⲛⲧⲕⲁⲕⲓⲁ ϣⲁⲣⲉⲛⲥⲁⲃⲉ ⲇⲉ ⲁⲙⲁϩⲧⲉ ⲛⲟⲩⲁⲓⲥⲑⲏⲥⲓⲥ</ab>
19ⲛⲉⲑⲟⲟⲩ ⲛⲁϩⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲧⲛⲁⲛⲟⲩⲟⲩ ⲁⲩⲱ ⲛⲁⲥⲉⲃⲏⲥ ⲛⲁϣⲙϣⲉ ϩⲓⲣⲛⲛⲣⲟ ⲛⲛⲇⲓⲕⲁⲓⲟⲥ</ab>
20ϣⲁⲣⲉϩⲉⲛϣⲃⲏⲣ ⲙⲉⲥⲧⲉⲛⲩϣⲃⲏⲣ ⲛϩⲏⲕⲉ ⲛⲁϣⲉⲛⲉϣⲃⲉⲉⲣ ⲇⲉ ⲛⲛⲣⲙⲙⲁⲟ ϣⲁⲣⲉⲡⲣⲉϥⲣⲛⲟⲃⲉ ⲕⲙϣⲛⲉϥϣⲃⲉⲉⲣ</ab>
21ⲡⲉⲧⲥⲱϣ ⲛⲛϩⲏⲕⲉ ⲣⲛⲟⲃⲉ ⲟⲩⲙⲁⲕⲁⲣⲓⲟⲥ ⲇⲉ ⲡⲉⲧⲛⲁⲛⲛϩⲏⲕⲉ</ab>
22ⲛⲉⲧⲥⲟⲣⲙ ⲣϩⲱⲃ ⲉϩⲉⲛⲡⲉⲑⲟⲟⲩ ϩⲉⲛⲣⲉϥϫⲓϣⲟϫⲛⲉ ⲛⲙⲡⲉⲧⲛⲁⲛⲟⲩⲟⲩ ⲛⲉ ⲛⲛⲁⲏⲧ ⲛⲣⲉϥϫⲓϣⲟϫⲛⲉ ⲇⲉ ⲛϫⲓⲛϭⲟⲛⲥ ⲥⲉⲡⲗⲁⲛⲁ ϩⲙⲡⲉⲩϣⲟϫⲛⲉ ⲉⲣⲉⲡⲛⲁ ⲇⲉ ⲙⲛⲧⲙⲉ ⲛⲧⲉⲛⲣⲉϥⲣⲡⲉⲧⲛⲁⲛⲟⲩϥ ⲛⲣⲉϥⲣⲡⲉⲑⲟⲟⲩ ⲥⲟⲟⲩⲛ ⲁⲛ ⲙⲡⲛⲁ ⲙⲛⲧⲡⲓⲥⲧⲓⲥ ⲉⲣⲉⲙⲙⲛⲧⲛⲁ ⲇⲉ ⲙⲛⲧⲡⲓⲥⲧⲓⲥ ⲛⲧⲟⲟⲧⲟⲩ ⲛⲛⲣⲉϥⲣⲡⲉⲧⲛⲁⲛⲟⲩϥ</ab>
23ⲟⲩⲛⲥⲟⲫⲓⲁ ϩⲛⲟⲩⲟⲛ ⲛⲓⲙ ⲉⲧϥⲓⲣⲟⲟⲩϣ ⲡⲉⲧⲙⲟⲧⲛ ⲇⲉ ⲙⲛⲡⲉⲧⲉⲙⲉϥⲙⲟⲕϩϥ ⲛⲁⲣϭⲣⲱϩ ⲛⲧⲙⲛⲧⲥⲁⲃⲉ</ab>
24ⲧⲙⲛⲧⲣⲙⲙⲁⲟ ⲡⲉ ⲡⲉⲕⲗⲟⲙ ⲛⲛⲥⲟⲫⲟⲥ ⲡⲙⲁⲛϣⲱⲡⲉ ⲇⲉ ⲛⲛⲁⲑⲏⲧ ϩⲟⲟⲩ</ab>
25ϣⲁⲣⲉⲟⲩⲙⲛⲧⲣⲉ ⲉϥⲛϩⲟⲧ ⲧⲟⲩϫⲉϩⲉⲛⲯⲩⲭⲏ ⲉϩⲉⲛⲡⲉⲑⲟⲟⲩ ϣⲁⲣⲉⲡⲉⲕⲣⲟϥ ⲇⲉ ⲧⲙϩⲉϩⲉⲛϭⲟⲗ</ab>
26ⲉⲣⲉⲑⲉⲗⲡⲓⲥ ⲛⲧϭⲟⲙ ϩⲛⲑⲟⲧⲉ ⲙⲡϫⲟⲉⲓⲥ ⲟⲩⲁⲙⲁϩⲧⲉ ⲉϥⲧⲁϫⲣⲏⲩ ⲧⲉ ⲧⲙⲛⲧⲙⲁⲓⲛⲟⲩⲧⲉ ϥⲛⲁⲕⲱ ⲇⲉ ⲛⲟⲩⲧⲁϫⲣⲟ ⲛⲱⲛϩ ⲛⲛⲉϥϣⲏⲣⲉ</ab>
27ⲟⲩⲡⲏⲅⲏ ⲛⲱⲛϩ ⲡⲉ ⲡⲉⲡⲣⲟⲥⲧⲁⲅⲙⲁ ⲙⲡϫⲟⲉⲓⲥ ϣⲁϥⲣⲁⲕⲧⲟⲩ ⲇⲉ ⲉⲃⲟⲗ ϩⲙⲡⲡⲁϣ ⲙⲡⲙⲟⲩ</ab>
28ⲉⲣⲉⲡⲉⲟⲟⲩ ⲛⲟⲩⲣⲣⲟ ϩⲛⲟⲩⲛⲟϭ ⲙⲙⲏⲏϣⲉ ⲉⲣⲉⲡⲟⲩⲱϣϥ ⲇⲉ ⲛⲟⲩⲇⲩⲛⲁⲥⲧⲏⲥ ϩⲙⲡⲱϫⲛ ⲛⲛⲗⲁⲟⲥ</ab>
29ⲡϩⲁⲣϣϩⲏⲧ ⲛⲣⲱⲙⲉ ⲟϣ ⲙⲙⲛⲧⲥⲁⲃⲉ ⲟⲩⲁⲧⲑⲏⲧ ⲇⲉ ⲉⲙⲁⲧⲉ ⲡⲉ ⲡϩⲏⲧ ϣⲏⲙ</ab>
30ⲟⲩⲥⲁⲉⲓⲛ ϩⲙⲡⲉϥϩⲏⲧ ⲡⲉ ⲟⲩⲣⲱⲙⲉ ⲉⲙⲉϥϭⲱⲛⲧ ⲟⲩϫⲟⲟⲗⲉⲥ ⲇⲉ ⲛⲛⲕⲉⲉⲥ ⲡⲉ ⲟⲩϩⲏⲧ ⲛⲣⲉϥⲁⲓⲥⲑⲁⲛⲉ</ab>
31ⲉⲣⲉⲡⲉⲧϩⲓⲗⲁ ⲉⲩϩⲏⲕⲉ ϯⲛⲟⲩϭⲥ ⲙⲡⲉⲛⲧⲁϥⲧⲁⲙⲓⲟϥ ϣⲁⲣⲉⲡⲉⲧⲧⲁⲓⲟ ⲇⲉ ⲙⲙⲟϥ ⲛⲁ ⲛⲟⲩϩⲏⲕⲉ</ab>
32ⲡⲁⲥⲉⲃⲏⲥ ⲛⲁⲑⲃⲃⲓⲟ ϩⲛⲧⲉϥⲕⲁⲕⲓⲁ ⲟⲩⲇⲓⲕⲁⲓⲟⲥ ⲇⲉ ⲡⲉ ⲡⲉⲧⲛⲁϩⲧⲉ ⲉⲡⲉϥⲟⲩⲟⲡ</ab>
33ⲉⲣⲉⲙⲙⲛⲧⲙⲉ ⲁϣⲁⲓ ϩⲙⲡϩⲏⲧ ⲉⲧⲛⲁⲛⲟⲩϥ ⲙⲡⲣⲱⲙⲉ ⲁⲩⲱ ⲟⲩⲉⲓⲙⲉ ⲉⲧⲥⲟⲫⲓⲁ ⲙⲉⲩⲉⲓⲙⲉ ⲇⲉ ⲉⲣⲟⲥ ϩⲙⲡϩⲏⲧ ⲛⲛⲁⲑⲏⲧ</ab>
34ϣⲁⲣⲉⲧⲇⲓⲕⲁⲓⲟⲥⲩⲛⲏ ϫⲓⲥⲉ ⲛⲟⲩϩⲉⲑⲛⲟⲥ ϣⲁⲣⲉⲛⲛⲟⲃⲉ ⲇⲉ ⲧⲥⲃⲕⲟ ⲛϩⲉⲛⲫⲩⲗⲏ</ab>
35ⲡϩⲩⲡⲉⲣⲉⲧⲏⲥ ⲛⲥⲁⲃⲉ ϣⲏⲡ ⲛⲟⲩⲣⲣⲟ ϣⲁϥϥⲓ ⲇⲉ ⲙⲡⲉϥⲥⲱϣ ϩⲛⲧⲉϥⲙⲛⲧⲣⲉϥⲕⲧⲟϥ</ab>
36<gap reason=""/>