1ϣⲁⲣⲉⲡⲉⲧⲙⲉ ⲛⲧⲉⲥⲃⲱ ⲙⲉⲣⲉⲧⲁⲓⲥⲑⲏⲥⲓⲥ ⲟⲩⲁⲧϩⲏⲧ ⲇⲉ ⲡⲉ ⲡⲉⲧⲙⲟⲥⲧⲉ ⲛⲛⲉϫⲡⲓⲟ</ab>
2ⲛⲁⲛⲟⲩ ⲡⲉⲛⲧⲁϥϩⲉ ⲉⲩϩⲙⲟⲧ ⲛⲛⲁϩⲣⲙⲡⲛⲟⲩⲧⲉ ⲉⲣⲉⲟⲩⲣⲱⲙⲉ ⲇⲉ ⲛⲣⲉϥⲙⲉⲉⲩⲉ ⲉⲡⲡⲉⲑⲟⲟⲩ ⲡⲁⲣⲁⲛⲟⲙⲓ</ab>
3ⲙⲛⲣⲱⲙⲉ ⲛⲁⲥⲟⲟⲩⲧⲛ ⲉⲃⲟⲗ ϩⲛⲟⲩⲁⲛⲟⲙⲟⲥ ⲛⲛⲟⲩⲛⲉ ⲇⲉ ⲛⲛⲇⲓⲕⲁⲓⲟⲥ ⲛⲁⲡⲱⲣⲕ ⲁⲛ</ab>
4ⲟⲩⲕⲗⲟⲙ ⲙⲡⲉⲥϩⲁⲓ ⲡⲉ ⲟⲩⲥϩⲓⲙⲉ ⲛϫⲱⲱⲣⲉ ⲛⲑⲉ ⲛⲟⲩϥⲛⲧ ⲉϥϩⲛⲟⲩϣⲉ ⲁⲩⲱ ⲟⲩϩⲟⲟⲗⲉ ϩⲛⲟⲩϣⲧⲏⲛ ⲧⲁⲓ ⲧⲉ ⲑⲉ ⲉⲧⲉⲣⲉⲟⲩⲥϩⲓⲙⲉ ⲉⲥⲃⲟⲟⲛⲉ ⲛⲁⲧⲁⲕⲉⲡⲉⲥϩⲁⲓ</ab>
5ϩⲉⲛϩⲁⲡ ⲛⲉ ⲙⲙⲉⲉⲩⲉ ⲛⲛⲇⲓⲕⲁⲓⲟⲥ ϣⲁⲣⲉⲛⲁⲥⲉⲃⲏⲥ ⲇⲉ ⲣϩⲙⲙⲉ ⲛϩⲉⲛⲕⲣⲟϥ</ab>
6ⲧⲧⲁⲡⲣⲟ ⲛⲛⲇⲓⲕⲁⲓⲟⲥ ⲛⲁⲧⲟⲩϫⲟⲟⲩ ⲟⲩⲕⲣⲟϥ ⲇⲉ ⲧⲉ ⲧⲧⲁⲡⲣⲟ ⲛⲛⲁⲥⲉⲃⲏⲥ</ab>
7ⲛⲁⲥⲉⲃⲏⲥ ⲛⲁⲧⲁⲕⲟ ϩⲙⲡⲙⲁ ⲉⲧϥⲛⲁⲕⲟⲧϥ ⲉⲣⲟϥ ⲛⲏⲓ ⲇⲉ ⲛⲛⲇⲓⲕⲁⲓⲟⲥ ⲛⲁⲙⲟⲩⲛ ⲉⲃⲟⲗ</ab>
8ϣⲁⲣⲉⲛⲣⲙⲛϯⲙⲉ ⲙⲡⲣⲙⲛϩⲏⲧ ⲥⲙⲟⲩ ⲉⲧⲉϥⲧⲁⲡⲣⲟ ϣⲁⲩⲕⲱⲙϣ ⲇⲉ ⲛⲥⲁⲡϭⲁⲃϩⲏⲧ</ab>
9ⲛⲁⲛⲟⲩⲟⲩⲣⲱⲙⲉ ⲉϥⲟ ⲛϩⲙϩⲁⲗ ⲛⲁϥ ⲟⲩⲁⲁϥ ⲉϥϩⲛⲟⲩⲥⲱϣ ⲉϩⲟⲩⲉⲡⲉⲧϯⲉⲟⲟⲩ ⲛⲁϥ ⲟⲩⲁⲁϥ ⲉϥⲣϭⲣⲱϩ ⲙⲡⲟⲉⲓⲕ</ab>
10ϣⲁⲣⲉⲡⲇⲓⲕⲁⲓⲟⲥ ⲛⲁ ⲛⲛⲉⲯⲩⲭⲏ ⲛⲛⲉϥⲧⲃⲛⲟⲟⲩⲉ ϩⲛⲁⲧⲛⲁ ⲇⲉ ⲛⲉ ⲙⲙⲛⲧϣⲁⲛϩⲧⲏϥ ⲛⲛⲁⲥⲉⲃⲏⲥ</ab>
11ⲡⲉⲧⲣϩⲱⲃ ⲉⲡⲉϥⲕⲁϩ ⲛⲁⲥⲉⲓ ⲛⲟⲉⲓⲕ ⲛⲉⲧⲡⲏⲧ ⲇⲉ ⲛⲥⲁϩⲉⲛⲡⲉⲧϣⲟⲩⲉⲓⲧ ϩⲉⲛⲁⲧⲥⲃⲱ ⲛⲉ ⲡⲉⲧⲟⲩⲛⲟϥ ϩⲣⲁⲓ ϩⲛϩⲉⲛⲙⲁⲛⲥⲉⲏⲣⲡ ϥⲛⲁⲕⲱ ⲛⲟⲩⲥⲱϣ ϩⲛⲛⲉϥⲙⲁⲛϣⲱⲡⲉ</ab>
12ⲛⲉⲡⲓⲑⲩⲙⲓⲁ ⲛⲛⲁⲥⲉⲃⲏⲥ ϩⲟⲟⲩ ⲉⲣⲉⲛⲛⲟⲩⲛⲉ ⲇⲉ ⲛⲛⲣⲙⲡⲛⲟⲩⲧⲉ ϩⲛϩⲉⲛⲧⲁϫⲣⲟ</ab>
13ⲡⲣⲉϥⲣⲛⲟⲃⲉ ⲛⲁϩⲉ ⲉⲩⲡⲁϣ ⲉⲧⲃⲉⲙⲙⲛⲧⲙⲛⲧⲣⲉ ⲛⲛⲉϥⲥⲡⲟⲧⲟⲩ ⲡⲇⲓⲕⲁⲓⲟⲥ ⲇⲉ ⲛⲁⲣⲃⲟⲗ ⲉⲣⲟⲟⲩ ⲥⲉⲛⲁⲛⲁ ⲙⲡⲉⲧϯ ⲛϩⲧⲏϥ ⲙⲙⲁⲧⲉ ⲡⲉⲧⲧⲱⲙⲛⲧ ⲇⲉ ϩⲓⲣⲛⲙⲡⲩⲗⲏ ⲛⲁⲥⲁⲛϣ ⲛϩⲉⲛⲯⲩⲭⲏ</ab>
14ⲧⲉⲯⲩⲭⲏ ⲙⲡⲣⲱⲙⲉ ⲛⲁⲥⲉⲓ ⲛϩⲉⲛⲡⲉⲧⲛⲁⲛⲟⲩϥ ⲉⲃⲟⲗ ϩⲛⲛⲕⲁⲣⲡⲟⲥ ⲛⲧⲉϥⲧⲁⲡⲣⲟ ⲥⲉⲛⲁϯ ⲇⲉ ⲛⲁϥ ⲙⲡⲧⲟⲩⲓⲟ ⲛⲛⲉϥⲥⲡⲟⲧⲟⲩ</ab>
15ⲛⲉϩⲓⲟⲟⲩⲉ ⲛⲛⲁⲑⲏⲧ ⲥⲟⲩⲧⲱⲛ ⲙⲡⲉⲩⲙⲧⲟ ⲉⲃⲟⲗ ϣⲁⲣⲉⲛⲥⲟⲫⲟⲥ ⲇⲉ ⲥⲱⲧⲙ ⲛⲥⲁⲟⲩϣⲟϫⲛⲉ</ab>
16ϣⲁⲣⲉⲡⲁⲑⲏⲧ ϫⲉⲧⲉϥⲟⲣⲅⲏ ⲙⲙⲏⲛⲉ ϣⲁⲣⲉⲡⲥⲁⲃⲉ ⲇⲉ ϩⲱⲡ ⲑⲙⲡⲉϥⲥⲱϣ</ab>
17ϣⲁⲣⲉⲡⲇⲓⲕⲁⲓⲟⲥ ϫⲱ ⲛⲟⲩⲡⲓⲥⲧⲓⲥ ⲉⲥⲟⲩⲟⲛϩ ⲉⲃⲟⲗ ⲟⲩⲕⲣⲟϥ ⲇⲉ ⲡⲉ ⲡⲙⲛⲧⲣⲉ ⲛⲣⲉϥϫⲓⲛϭⲟⲛⲥ</ab>
18ⲟⲩⲛⲡⲉⲧϣⲁϫⲉ ⲉⲩⲟ ⲛⲑⲉ ⲛⲛⲉⲧⲕⲱⲛⲥ ϩⲛⲟⲩⲥⲏϥⲉ ϣⲁⲣⲉⲛⲗⲁⲥ ⲇⲉ ⲛⲛⲥⲟⲫⲟⲥ ⲧⲁⲗϭⲟ</ab>
19ϣⲁⲣⲉϩⲉⲛⲥⲡⲟⲧⲟⲩ ⲙⲙⲉ ⲥⲟⲟⲩⲧⲛ ⲛⲟⲩⲙⲛⲧⲙⲛⲧⲣⲉ ⲟⲩⲣⲉϥⲙⲛⲧⲣⲉ ⲇⲉ ⲛϭⲉⲡⲏ ⲟⲩⲛⲧϥⲟⲩⲗⲁⲥ ⲛϫⲓⲛϭⲟⲛⲥ</ab>
20ⲟⲩⲕⲣⲟϥ ⲡⲉⲧϩⲙⲡϩⲏⲧ ⲙⲡⲉⲧⲙⲉⲉⲩⲉ ⲉϩⲉⲛⲡⲉⲑⲟⲟⲩ ⲛⲉⲧϣⲟϫⲛⲉ ⲇⲉ ⲉⲩⲉⲓⲣⲏⲛⲏ ⲛⲁⲉⲩⲫⲣⲁⲛⲉ</ab>
21ⲙⲛⲗⲁⲁⲩ ⲛϫⲓⲛϭⲟⲛⲥ ⲛⲁⲣⲁⲛⲁϥ ⲙⲡⲇⲓⲕⲁⲓⲟⲥ ⲛⲁⲥⲉⲃⲏⲥ ⲇⲉ ⲛⲁⲙⲟⲩ ϩⲙⲡⲡⲉⲑⲟⲟⲩ</ab>
22ϩⲛⲃⲟⲧⲉ ⲛⲛⲁϩⲣⲙⲡϫⲟⲉⲓⲥ ⲛⲉ ϩⲉⲛⲥⲡⲟⲧⲟⲩ ⲛϭⲟⲗ ⲡⲉⲧⲉⲓⲣⲉ ⲇⲉ ⲛⲧⲡⲓⲥⲧⲓⲥ ϣⲏⲡ ⲛⲛⲁϩⲣⲁϥ</ab>
23ⲟⲩⲑⲣⲟⲛⲟⲥ ⲛⲁⲓⲥⲑⲏⲥⲓⲥ ⲡⲉ ⲟⲩⲣⲱⲙⲉ ⲛⲥⲁⲃⲉ ⲡϩⲏⲧ ⲇⲉ ⲙⲡⲁⲧϩⲏⲧ ⲛⲁⲧⲱⲙⲛⲧ ⲉϩⲉⲛⲥⲁϩⲟⲩ</ab>
24ⲧϭⲓϫ ⲛⲛⲥⲱⲧⲡ ⲛⲁⲁⲙⲁϩⲧⲉ ⲛⲟⲩⲧⲁϫⲣⲟ ⲛⲉⲕⲣⲟϥ ⲇⲉ ⲛⲁϣⲱⲡⲉ ϩⲛⲟⲩϣⲱⲗ ⲡϩⲏⲧ ⲙⲡⲁⲑⲏⲧ ⲛⲁⲧⲱⲙⲛⲧ ⲉϩⲉⲛⲡⲉⲑⲟⲟⲩ</ab>
25ϣⲁⲣⲉⲟⲩϣⲁϫⲉ ⲛϩⲟⲧⲉ ϣⲧⲣⲧⲣⲡϩⲏⲧ ⲙⲡⲣⲱⲙⲉ ϣⲁⲣⲉⲟⲩⲟⲩⲱ ⲇⲉ ⲉⲛⲁⲛⲟⲩϥ ⲉⲩⲫⲣⲁⲛⲉ ⲙⲙⲟϥ</ab>
26ϣⲁⲣⲉⲟⲩⲇⲓⲕⲁⲓⲟⲥ ⲟⲩⲟⲛϩϥ ⲉⲃⲟⲗ ⲙⲡⲉϥϣⲃⲏⲣ ϩⲉⲛⲙⲛⲧϩⲁⲕ ⲇⲉ ⲛⲉ ⲛϣⲟϫⲛⲉ ⲛⲛⲣⲙⲛⲛⲟⲩⲧⲉ ⲧⲉϩⲓⲏ ⲇⲉ ⲛⲛⲁⲥⲉⲃⲏⲥ ⲛⲁⲥⲟⲣⲙⲟⲩ</ab>
27ⲡⲉⲕⲣⲟϥ ⲛⲁⲁⲙⲁϩⲧⲉ ⲁⲛ ⲛⲟⲩϭⲟⲣϭⲥ ⲟⲩⲙⲛⲧⲣⲙⲙⲁⲟ ⲇⲉ ⲉⲥⲧⲁⲓⲏⲩ ⲡⲉ ⲟⲩⲣⲱⲙⲉ ⲉϥⲟⲩⲁⲁⲃ</ab>
28ⲉⲣⲉⲡⲱⲛϩ ϩⲓⲛⲉϩⲓⲟⲟⲩⲉ ⲛⲧⲇⲓⲕⲁⲓⲟⲥⲩⲛⲏ ⲉⲣⲉⲛⲉϩⲓⲟⲟⲩⲉ ⲇⲉ ⲛⲣⲉϥⲙⲉⲉⲩⲉ ⲉⲡⲡⲉⲑⲟⲟⲩ ϣⲟⲟⲡ ⲉⲡⲙⲟⲩ</ab>
29<gap reason=""/>
30<gap reason=""/>
31<gap reason=""/>