1ϩⲉⲛⲃⲟⲧⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲛⲉ ϩⲉⲛϣⲓ ⲛⲕⲣⲟϥ ⲡϣⲓ ⲇⲉ ⲙⲙⲉ ⲥⲟⲧⲡ ⲛⲁϥ</ab>
2ⲡⲙⲁ ⲉⲧⲉⲣⲉⲡⲥⲱϣ ⲛⲁⲃⲱⲕ ⲉϩⲟⲩⲛ ⲉⲣⲟϥ ⲉⲣⲉⲡⲕⲉⲥⲱϣϥ ⲙⲙⲁⲩ ⲧⲧⲁⲡⲣⲟ ⲇⲉ ⲛⲛⲉⲧⲑⲃⲃⲓⲏⲩ ⲛⲁⲙⲉⲗⲉⲧⲁ ⲛⲧⲥⲟⲫⲓⲁ</ab>
3ⲧⲙⲛⲧⲃⲁⲗϩⲏⲧ ⲇⲉ ⲛⲛⲉⲧⲥⲟⲩⲧⲱⲛ ⲛⲁϫⲓⲙⲟⲉⲓⲧ ϩⲏⲧⲟⲩ ⲉⲣϣⲁⲛⲡⲇⲓⲕⲁⲓⲟⲥ ⲙⲟⲩ ϣⲁⲩⲣϩⲧⲏⲩ ⲛⲥⲱϥ ϣⲁⲩⲉⲓⲁⲧⲟⲟⲧⲟⲩ ⲇⲉ ⲛⲥⲁⲡⲧⲁⲕⲟ ⲙⲡⲁⲥⲉⲃⲏⲥ ⲁⲩⲱ ϣⲁⲩⲣⲁϣⲉ ⲙⲙⲟϥ</ab>
4ⲙⲛⲭⲣⲏⲙⲁ ⲛⲁϯϩⲏⲩ ⲙⲡⲉϩⲟⲟⲩ ⲛⲧⲟⲣⲅⲏ ϣⲁⲣⲉⲧⲇⲓⲕⲁⲓⲟⲥⲩⲛⲏ ⲇⲉ ⲧⲟⲩϫⲟ ⲉⲃⲟⲗ ϩⲙⲡⲙⲟⲩ</ab>
5ⲧⲇⲓⲕⲁⲓⲟⲥⲩⲛⲏ ⲙⲡⲉⲧⲟⲩⲁⲁⲃ ⲛⲁⲥⲟⲟⲩⲧⲛ ⲛⲛⲉϥϩⲓⲟⲟⲩⲉ ⲡⲣⲉϥϫⲓⲛϭⲟⲛⲥ ⲇⲉ ⲛⲁϩⲉ ⲉϩⲣⲁⲓ ⲉⲩⲙⲛⲧϣⲁϥⲧⲉ</ab>
6ⲧⲇⲓⲕⲁⲓⲟⲥⲩⲛⲏ ⲛⲛⲣⲱⲙⲉ ⲉⲧⲥⲟⲩⲧⲱⲛ ⲛⲁⲧⲟⲩϫⲟⲟⲩ ⲉⲣⲉⲙⲡⲁⲣⲁⲛⲟⲙⲟⲥ ⲇⲉ ⲛⲁⲧⲁⲕⲟ ϩⲛⲧⲉⲩⲙⲛⲧϣⲁϥⲧⲉ</ab>
7ⲉⲣϣⲁⲛⲟⲩⲣⲱⲙⲉ ⲉⲛⲁⲛⲟⲩϥ ⲙⲟⲩ ⲙⲉⲣⲉⲧⲉϥϩⲉⲗⲡⲓⲥ ⲧⲁⲕⲟ ⲡϣⲟⲩϣⲟⲩ ⲛⲛⲁⲥⲉⲃⲏⲥ ⲛⲁⲧⲁⲕⲟ</ab>
8ⲡⲇⲓⲕⲁⲓⲟⲥ ϣⲁϥⲉⲓ ⲉⲃⲟⲗ ϩⲁϩⲉⲛϣⲛⲏⲩ ⲥⲉⲛⲁϯ ⲇⲉ ⲙⲡⲣⲉϥⲣⲛⲟⲃⲉ ⲉⲡⲉϥⲙⲁ</ab>
9ⲟⲩⲛⲟⲩϭⲟⲣϭⲥ ⲛⲛⲣⲙⲛϯⲙⲉ ϩⲛⲧⲧⲁⲡⲣⲟ ⲛⲙⲡⲁⲣⲁⲛⲟⲙⲟⲥ ⲧⲁⲓⲥⲑⲏⲥⲓⲥ ⲇⲉ ⲛⲛⲇⲓⲕⲁⲓⲟⲥ ⲥⲟⲩⲧⲱⲛ</ab>
10ϣⲁⲣⲉⲙⲡⲟⲗⲓⲥ ⲇⲉ ϫⲓⲥⲉ ϩⲛⲛⲉⲥⲙⲟⲩ ⲛⲛⲇⲓⲕⲁⲓⲟⲥ</ab>
11ϣⲁⲩϣⲣϣⲱⲣⲟⲩ ⲇⲉ ϩⲛⲧⲧⲁⲡⲣⲟ ⲛⲛⲁⲥⲉⲃⲏⲥ</ab>
12ϣⲁⲣⲉⲡⲁⲑⲏⲧ ⲕⲙϣⲛⲉϥⲣⲙⲛϯⲙⲉ ϣⲁⲣⲉⲟⲩⲣⲱⲙⲉ ⲇⲉ ⲛⲥⲁⲃⲉ ⲕⲁⲣⲱϥ</ab>
13ϣⲁⲣⲉⲟⲩⲣⲱⲙⲉ ⲛⲗⲁⲥ ⲥⲛⲁⲩ ϭⲗⲡϩⲉⲛϣⲟϫⲛⲉ ⲉⲃⲟⲗ ϩⲛⲟⲩⲥⲟⲟⲩϩⲥ ϣⲁⲣⲉⲡⲡⲓⲥⲧⲟⲥ ⲇⲉ ⲑϩⲙⲡⲉϥϣⲁϫⲉ ϩⲱⲡ ⲛϩⲉⲛϩⲃⲏⲩⲉ</ab>
14ϣⲁⲣⲉⲛⲉⲧⲉⲙⲛⲧⲟⲩⲡⲣϩⲙⲙⲉ ⲥⲣⲟϥⲣⲉϥ ⲛⲑⲉ ⲛϩⲉⲛϭⲱⲃⲉ ⲉⲣⲉⲡⲟⲩϫⲁⲓ ⲇⲉ ϩⲛⲟⲩⲛⲟϭ ⲛϣⲟϫⲛⲉ</ab>
15ϣⲁⲣⲉⲡⲡⲟⲛⲏⲣⲟⲥ ⲙⲉⲉⲩⲉ ⲉⲛⲉⲡⲉⲑⲟⲟⲩ ⲉϥϣⲁⲛⲧⲱϩ ⲙⲛⲡⲇⲓⲕⲁⲓⲟⲥ ϥⲙⲟⲥϩⲧⲉ ⲇⲉ ⲛⲛⲉϩⲃⲏⲩⲉ ⲙⲡⲱⲣϫ</ab>
16ϣⲁⲣⲉⲟⲩⲥϩⲓⲙⲉ ⲉⲩⲑⲛⲧⲥϩⲙⲟⲧ ⲧⲟⲩⲛⲉⲥⲟⲩⲉⲟⲟⲩ ⲙⲡⲉⲥϩⲁⲓ ⲟⲩⲑⲣⲟⲛⲟⲥ ⲇⲉ ⲛⲥⲱϣ ⲡⲉ ⲟⲩⲥϩⲓⲙⲉ ⲉⲥⲙⲟⲥⲧⲉ ⲛϩⲉⲛⲙⲛⲧⲙⲉ ⲛⲣⲉϥϫⲛⲁⲁⲩ ⲛⲁⲣϭⲣⲱϩ ⲛⲧⲙⲛⲧⲣⲙⲙⲁⲟ ⲛϫⲱⲱⲣⲉ ⲇⲉ ⲛⲁⲧⲁϫⲣⲟ ϩⲛⲧⲙⲛⲧⲣⲙⲙⲁⲟ</ab>
17ⲉⲣⲉⲟⲩⲣⲱⲙⲉ ⲛⲛⲁⲏⲧ ⲣⲁⲅⲁⲑⲟⲛ ⲛⲧⲉϥⲯⲩⲭⲏ ⲡⲁⲧⲛⲁ ⲇⲉ ⲛⲁⲧⲁⲕⲟ ⲙⲡⲉϥⲥⲱⲙⲁ ϣⲁⲣⲉⲡⲁⲥⲉⲃⲏⲥ ⲣϩⲉⲛϩⲃⲏⲩⲉ ⲛϫⲓⲛϭⲟⲛⲥ</ab>
18ⲉⲣⲉⲡⲉⲧϫⲟ ⲇⲉ ⲛⲧⲇⲓⲕⲁⲓⲟⲥⲩⲛⲏ ⲣϩⲱⲃ ⲉⲧⲡⲓⲥⲧⲓⲥ ⲟⲩⲃⲉⲕⲉ ⲙⲙⲉ ⲡⲉ ⲡⲉⲥⲡⲉⲣⲙⲁ ⲛⲛⲇⲓⲕⲁⲓⲟⲥ</ab>
19ⲉⲩϫⲡⲟ ⲛⲟⲩϣⲏⲣⲉ ⲛⲇⲓⲕⲁⲓⲟⲥ ⲉⲡⲱⲛϩ ⲡⲇⲓⲱⲅⲙⲟⲥ ⲇⲉ ⲙⲡⲁⲥⲉⲃⲏⲥ ⲡⲉ ⲡⲙⲟⲩ</ab>
20ϩⲉⲛⲁⲕⲁⲑⲁⲣⲧⲟⲥ ⲛⲛⲁϩⲣⲙⲡⲛⲟⲩⲧⲉ ⲛⲉ ⲛⲛⲁϣⲑⲏⲧ ⲟⲩⲃⲟⲧⲉ ⲙⲡϫⲟⲉⲓⲥ ⲡⲉ ⲡⲉⲧϭⲟⲟⲙⲉ ϩⲓⲧⲉϥϩⲓⲏ ⲥⲉϣⲏⲡ ⲇⲉ ⲛⲁϩⲣⲁϥ ⲛϭⲓⲟⲩⲟⲛ ⲛⲓⲙ ⲉⲧⲟⲩⲁⲁⲃ ϩⲛⲧⲉⲩϩⲓⲏ ⲡⲉϥⲟⲩⲱϣ ⲅⲁⲣ ⲡⲉ ⲟⲩⲟⲛ ⲛⲓⲙ ⲉϯⲧⲟⲩⲁⲁⲃ ϩⲛⲧⲉⲩϩⲓⲏ</ab>
21ⲡⲉⲧⲛⲁϣⲡⲧⲟⲟⲧϥ ⲛⲟⲩⲁ ϩⲛⲟⲩϫⲓⲛϭⲟⲛⲥ ⲛϥⲛⲁϣⲱⲡⲉ ⲁⲛ ⲉϥⲟⲩⲁⲁⲃ ⲉϩⲓⲥⲉ</ab> ⲡⲉⲧϫⲡⲟ ⲇⲉ ϩⲛⲟⲩⲇⲓⲕⲁⲓⲟⲥⲩⲛⲏ ϥⲛⲁϫⲓ ⲛⲟⲩⲃⲉⲕⲉ ⲛⲧⲡⲓⲥⲧⲓⲥ</ab>
22ⲛⲑⲉ ⲛⲟⲩϭⲁϫⲉ ⲉϥϩⲛϣⲁⲛⲧⲥ ⲛⲟⲩⲉϣⲱ ⲧⲁⲓ ⲧⲉ ⲑⲉ ⲙⲡⲥⲁ ⲛⲟⲩⲥϩⲓⲙⲉ ⲉⲥⲃⲟⲟⲛⲉ</ab>
23ⲛⲁⲛⲟⲩⲡⲟⲩⲱϣ ⲧⲏⲣϥ ⲛⲛⲇⲓⲕⲁⲓⲟⲥ ⲑⲉⲗⲡⲓⲥ ⲇⲉ ⲛⲛⲁⲥⲉⲃⲏⲥ ⲛⲁⲧⲁⲕⲟ</ab>
24ⲟⲩⲛⲡⲉⲧϫⲟ ⲛⲛⲟⲩϥ ⲙⲙⲓⲛ ⲙⲙⲟϥ ⲉⲩⲣϩⲟⲩⲟ ⲛⲁϥ ⲟⲩⲛⲛⲉⲧⲥⲟⲩⲱϩ ϩⲱⲟⲩ ⲉϩⲟⲩⲛ ⲁⲩⲱ ⲉⲩϣⲁⲁⲧ</ab>
25ⲯⲩⲭⲏ ⲛⲓⲙ ⲉⲧⲟⲩⲥⲙⲟⲩ ⲉⲣⲟⲥ ⲣⲟⲟⲩⲧ ⲛⲁⲛⲟⲩⲟⲩⲣⲱⲙⲉ ⲇⲉ ⲁⲛ ⲛⲣⲉϥϭⲱⲛⲧ</ab>
26ⲡⲉⲧⲉⲧⲡⲥⲟⲩⲟ ⲉϩⲟⲩⲛ ϣⲁⲣⲉⲡⲙⲏⲏϣⲉ ⲥϩⲟⲩⲱⲣϥ ⲡⲉⲥⲙⲟⲩ ⲇⲉ ⲛⲏⲟⲩ ⲉϫⲛⲧⲁⲡⲉ ⲙⲡⲉⲧϯ</ab>
27ⲡⲉⲧⲙⲉⲉⲩⲉ ⲉϩⲉⲛⲡⲉⲧⲛⲁⲛⲟⲩ ⲉϥϣⲓⲛⲉ ⲛⲥⲁϩⲉⲛⲭⲁⲣⲓⲥ ⲉⲛⲁⲛⲟⲩⲟⲩ ⲙⲡⲉⲑⲟⲟⲩ ⲇⲉ ⲛⲁⲧⲁϩⲉⲛⲉⲧϣⲓⲛⲉ ⲛⲥⲱⲟⲩ</ab>
28ⲡⲉⲧⲕⲱ ⲛϩⲧⲏϥ ⲉⲩⲙⲛⲧⲣⲙⲙⲁⲟ ϥⲛⲁϩⲉ ⲡⲉⲧⲛⲁ ⲇⲉ ⲛⲛϩⲏⲕⲉ ⲥⲉⲛⲁⲙⲁⲕⲁⲣⲓⲍⲉ ⲙⲙⲟϥ ⲡⲉⲧⲕⲱⲧ ⲙⲡⲉϥⲏⲓ ϩⲛⲟⲩϫⲓⲛϭⲟⲛⲥ ⲉϥⲛⲁⲕⲁϩⲛⲙⲕⲁϩ ⲛⲅϩⲏⲧ ⲛⲛⲉϥϣⲏⲣⲉ</ab>
29ⲡⲉⲧⲉⲛϥϣⲉⲉⲓ ⲇⲉ ⲁⲛ ⲙⲛⲡⲉϥⲏⲓ ⲛⲁⲕⲗⲏⲣⲟⲛⲟⲙⲓ ⲛϩⲉⲛⲧⲏⲩ ⲡⲁⲑⲏⲧ ⲛⲁⲣϩⲙϩⲁⲗ ⲙⲡⲥⲁⲃⲉ</ab>
30ⲟⲩⲛⲟⲩϣⲏⲛ ⲛⲱⲛϩ ⲉⲃⲟⲗ ϩⲙⲡⲕⲁⲣⲡⲟⲥ ⲛⲧⲇⲓⲕⲁⲓⲟⲥⲩⲛⲏ ⲥⲉⲛⲁⲙⲟⲟⲩⲧ ⲇⲉ ⲛⲛⲉⲯⲩⲭⲏ ⲛⲙⲡⲁⲣⲁⲛⲟⲙⲟⲥ ϩⲛⲟⲩⲙⲛⲧϣⲁⲣⲁϩⲉ</ab>
31ⲉϣϫⲉ ⲙⲟⲅⲓⲥ ⲉⲣⲉⲡⲇⲓⲕⲁⲓⲟⲥ ⲛⲁⲟⲩϫⲁⲓ ⲉⲓⲉ ⲡⲣⲉϥⲣⲛⲟⲃⲉ ⲙⲛⲡⲁⲥⲉⲃⲏⲥ ⲛⲁⲟⲩⲱⲛϩ ⲉⲃⲟⲗ ⲧⲱⲛ</ab>