1ⲁϥⲟⲩⲱϣⲃ ⲇⲉ ⲛϭⲓ ⲉⲗⲓⲫⲁⲥ ⲡⲉⲑⲁⲓⲙⲁⲛⲓⲧⲏⲥ ⲡⲉϫⲁϥ</ab>
2ϫⲉ ⲙⲉ ⲁⲩϣⲁϫⲉ ⲛⲙⲙⲁⲕ ⲛϩⲁϩ ⲛⲥⲟⲡ ϩⲛ ⲟⲩϩⲓⲥⲉ ⲛⲓⲙ ⲇⲉ ⲡⲉⲧⲛⲁϣϥⲉⲓ ϩⲁ ⲧϭⲟⲙ ⲛⲛⲉⲕϣⲁϫⲉ</ab>
3ⲉϣϫⲉ ⲛⲧⲟⲕ ⲅⲁⲣ ⲁⲕϯⲥⲃⲱ ⲛⲟⲩⲙⲏⲏϣⲉ ⲁⲩⲱ ⲁⲕⲥⲉⲡⲥ ⲛϭⲓϫ ⲛⲛϭⲱⲃ</ab>
4ⲁⲕⲧⲟⲩⲛⲉⲥ ⲛⲉⲧϣⲱⲛⲉ ϩⲛ ⲛⲉⲕϣⲁϫⲉ ⲁⲕϯⲧⲱⲕ ⲛⲙⲡⲁⲧ ⲛⲛϭⲱⲃ</ab>
5ⲧⲉⲛⲟⲩ ⲇⲉ ⲁ ⲡϩⲓⲥⲉ ⲉⲓ ⲉϩⲣⲁⲓ ⲉϫⲱⲕ ⲁϥϫⲱϩ ⲉⲣⲟⲕ ⲛⲧⲟⲕ ⲇⲉ ⲁⲕϣⲧⲟⲣⲧⲣ</ab>
6ⲉⲓⲉ ⲉⲣⲉ ⲧⲉⲕϩⲟⲧⲉ ϣⲟⲟⲡ ⲁⲛ ϩⲛ ⲟⲩⲙⲛⲧⲁⲑⲏⲧ ⲁⲩⲱ ⲧⲉⲕϩⲉⲗⲡⲓⲥ ⲙⲛ ⲧⲕⲁⲕⲓⲁ ⲛⲧⲉⲕϩⲓⲏ.</ab>
7ⲁⲣⲓⲡⲙⲉⲉⲩⲉ ϫⲉ ⲛⲓⲙ ⲡⲉⲛⲧⲁϥϩⲉ ⲉⲃⲟⲗ ⲉϥⲟⲩⲁⲁⲃ ⲏ ⲛⲓⲙ ⲛⲣⲙⲙⲙⲉ ⲡⲉⲛⲧⲁϥⲡⲱⲣⲕ ⲁϥⲧⲁⲕⲟ</ab>
8ⲕⲁⲧⲁ ⲑⲉ ⲛⲧⲁⲓⲛⲁⲩ ⲉⲛⲉⲧⲥⲕⲁⲓ ⲛⲛⲉⲧⲉⲙⲉϣϣⲉ ⲛⲉⲧϫⲟ ⲇⲉ ⲙⲙⲟⲟⲩ ⲉⲩⲛⲁⲱϩⲥ ⲛⲁⲩ ⲛϩⲉⲛϩⲓⲥⲉ</ab>
9ⲥⲉⲛⲁϩⲉ ⲇⲉ ⲉⲃⲟⲗϩⲓⲧⲙ ⲡⲉⲡⲣⲟⲥⲗⲁⲅⲙⲁ ⲙⲡϫⲟⲉⲓⲥ ⲁⲩⲱ ⲥⲉⲛⲁⲧⲁⲕⲟ ϩⲓⲧⲙ ⲡⲉ ⲛⲧⲟⲣⲅⲏ</ab>
10ⲧϭⲟⲙ ⲛⲟⲩⲙⲟⲩⲓ ⲧⲉⲥⲙⲏ ⲇⲉ ⲛⲟⲩⲗⲁⲃⲁⲓ ⲡϣⲟⲩϣⲟⲩ ⲇⲉ ⲛⲛⲉⲇⲣⲁⲕⲱⲛ ⲁϥⲱϣⲙ</ab>
11ⲁ ⲡⲙⲩⲣⲙⲏⲕⲟⲗⲏⲱⲛ ⲧⲁⲕⲟ ϫⲉ ⲙⲛⲧⲉϥ ϩⲣⲏ ⲙⲙⲁⲩ ⲁ ⲙⲙⲁⲥ ⲇⲉ ⲙⲙⲟⲩⲉⲓ ⲱϫⲛ ⲛⲛⲉⲩⲉⲣⲏⲩ</ab>
12ⲉⲛⲉ ⲛⲧⲁ ϣⲁϫⲉ ⲇⲉ ⲙⲙⲉ ϣⲱⲡⲉ ϩⲛ ⲛⲉⲕϣⲁϫⲉ ⲛⲉ ⲙⲛⲗⲁⲁⲩ ⲛⲛⲉⲓⲡⲉⲑⲟⲟⲩ ⲛⲁⲧⲱⲙⲛⲧ ⲉⲣⲟⲕ ⲙⲏ ⲡⲁ ⲙⲁⲁϫⲉ ⲛⲁⲥⲱⲧⲙ ⲁⲛ ⲉϩⲉⲛϣⲡⲏⲣⲉ ⲉⲃⲟⲗϩⲓⲧⲟⲟⲧϥ</ab>
13ⲉⲟⲩϩⲟⲧⲉ ⲙⲛ ⲟⲩϩⲣⲟⲟⲩ ⲛϭⲱⲣϩ ⲉⲣⲉ ⲑⲟⲧⲉ ϩⲏⲩ ⲉϫⲛ ⲛⲣⲱⲙⲉ</ab>
14ⲁⲩⲛⲉϩϣⲗϥ ⲇⲉ ⲧⲱⲙⲛⲧ ⲉⲣⲟⲓ ⲙⲛ ⲟⲩⲥⲧⲱⲧ ⲁⲩⲱ ⲁϥⲛⲟⲉⲓⲛ ⲛⲛⲁⲕⲉⲉⲥ ⲉⲙⲁⲧⲉ.</ab>
15ⲁⲩ ⲉⲓ ⲁϩⲣⲁⲓ ϩⲓ ⲡⲁϩⲟ ⲁ ⲛⲁⲃⲱ ⲇⲉ ⲛⲉϩϣⲗϥ ⲙⲛ ⲛⲁⲥⲁⲣⲝ.</ab>
16ⲁⲓⲧⲱⲟⲩⲛ ⲙⲡⲉⲓⲛⲁⲩ ⲁⲓϭⲱϣⲧ ⲙⲡⲉⲓϭⲛ ⲥⲙⲟⲧ ⲙⲡⲁⲙⲧⲟ ⲉⲃⲟⲗ ⲁⲗⲗⲁ ⲛⲉⲩⲟ ⲉⲓⲁⲁⲧⲉ ⲁⲩⲱ ⲛⲉⲩⲥⲱⲧⲙ ⲉⲟⲩⲥⲙⲏ</ab>
17ⲉϣⲁⲣⲉ ⲟⲩ ⲅⲁⲣ ϣⲱⲡⲉ ⲙⲏ ⲟⲩ ⲛⲣⲱⲙⲉ ⲛⲁⲧⲃⲃⲟ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲏ ⲡⲣⲱⲙⲉ ⲛⲁϣⲱⲡⲉ ⲛⲁⲧⲛⲟⲃⲉ ϩⲛ ⲛⲉϥϩⲃⲏⲩⲉ</ab>
18ⲉϣϫⲉ ⲙⲉϥⲧⲁⲛϩⲟⲩⲧϥ ⲣⲱ ⲙⲛ ⲛⲉϥϩⲙϩⲁⲗ ⲁϥⲙⲉⲉⲩⲉ ⲇⲉ ⲉⲩϭⲱⲱⲙⲉ ⲉⲛⲉϥⲁⲅⲅⲉⲗⲟⲥ</ab>
19ⲉⲓⲉ ⲛⲉⲧⲟⲩⲏϩ ⲣⲱ ϩⲛ ⲛⲉⲓⲏⲓ ⲛⲟⲙⲉ ⲉⲁⲛ ϩⲉⲛ ⲉⲃⲟⲗ ϩⲱⲱⲛ ϩⲙ ⲡⲉⲓⲟⲙⲉ ⲛⲟⲩⲱⲧ ⲁⲩⲥⲙⲟⲧ ⲇⲉ ⲛϫⲟⲟⲗⲉⲥ ⲧⲁⲕⲟⲟⲩ</ab>
20ⲁⲩⲱ ⲛⲥⲉϣⲟⲟⲡ ⲁⲛ ϫⲓⲛ ϩⲧⲟⲟⲩⲉ ϣⲁ ⲣⲟⲩϩⲉ ⲁⲩⲧⲁⲕⲟ ⲇⲉ ϫⲉ ⲙⲛ ϣϭⲟⲙ ⲙⲙⲟⲟⲩ ⲉⲃⲟⲏⲑⲉⲓ ⲉⲣⲟⲟⲩ</ab>
21ⲁⲩⲛⲓⲃⲉ ⲅⲁⲣ ⲉⲣⲟⲟⲩ ⲁⲩⲱ ⲁⲩϣⲟⲟⲩⲉ ⲁⲩⲧⲁⲕⲟ ⲇⲉ ϫⲉ ⲙⲛⲧⲁⲩ ⲧⲥⲟⲫⲓⲁ</ab>