1ⲙⲟⲩⲧⲉ ⲛⲅⲛⲁⲩ ϫⲉ ⲟⲩⲛ ⲡⲉⲧⲛⲁⲥⲱⲧⲙ ⲉⲣⲟⲕ ⲏ ϫⲉ ⲛⲅⲛⲁⲛⲁⲩ ⲉⲗⲁⲁⲩ ⲛⲁⲅⲅⲉⲗⲟⲥ ⲉϥⲟⲩⲁⲁⲃ</ab>
2ⲕⲁⲓ ⲅⲁⲣ ϣⲁⲣⲉ ⲧⲟⲣⲅⲏ ⲧⲁⲕⲉ ⲡⲁⲑⲏⲧ ϣⲁⲣⲉ ⲡⲕⲱϩ ⲇⲉ ⲙⲉⲩⲧ ⲡⲉⲧⲥⲟⲣⲙ</ab>
3ⲁⲛⲟⲕ ⲇⲉ ⲁⲓⲛⲁⲩ ⲉⲛⲁⲑⲏⲧ ⲉⲩⲛⲉϫ ⲛⲟⲩⲛⲉ ⲉⲃⲟⲗ ⲁⲗⲗⲁ ⲛⲧⲉⲩⲛⲟⲩ ⲁⲩⲱϫⲛ ϩⲙ ⲡⲉⲩⲙⲁ</ab>
4ⲉⲣⲉ ⲛⲉⲩϣⲏⲣⲉ ⲟⲩⲉ ⲙⲡⲟⲩϫⲁⲓ ⲉⲩϩⲓⲟⲩⲉ ⲇⲉ ⲉⲣⲟⲟⲩ ϩⲓⲧⲛ ⲛⲣⲟ ⲛⲛⲉⲧⲃⲃⲓⲏⲩ ⲉⲣⲟⲟⲩ ⲁⲩⲱ ⲛϥⲧⲙϣⲱⲡⲉ ⲛϭⲓ ⲡⲉⲧⲛⲟⲩϩⲙ ⲙⲟⲟⲩ</ab>
5ⲛⲉⲛⲧⲁ ⲛⲁⲓ ⲅⲁⲣ ⲥⲟⲟⲩϩⲟⲩ ⲉϩⲟⲩⲛ ⲛⲇⲓⲕⲁⲓⲟⲥ ⲛⲉⲧⲛⲁⲟⲩⲟⲙⲟⲩ ⲛⲧⲟⲟⲩ ⲇⲉ ⲛⲛⲉⲩⲟⲩ ϫⲁⲓ ⲉⲡⲉⲑⲟⲟⲩ ⲉⲣⲉ ⲧⲉⲩϭⲟⲙ ⲱϫⲛ</ab>
6ⲙⲉⲣⲉ ϩⲓⲥⲉ ⲅⲁⲣ ⲉⲓ ⲉⲃⲟⲗϩⲙ ⲡⲕⲁϩ ⲟⲩⲇⲉ ⲙⲉⲣⲉ ⲙⲟⲕϩⲥ ϯⲟⲩⲱ ϩⲓ ⲧⲟⲟⲩ</ab>
7ⲁⲗⲗⲁ ⲉⲩϫⲡⲟ ⲙⲡⲣⲱⲙⲉ ⲉⲡϩⲓⲥⲉ ⲉⲣⲉ ⲙⲙⲁⲥ ⲇⲉ ⲛⲛⲟⲩⲣⲉ ϩⲏⲗ ϩⲛ ⲛⲉⲧϫⲟⲥⲉ.</ab>
8ⲙⲙⲟⲛ ⲇⲉ ⲁⲛⲟⲕ ϩⲱ ϯⲛⲁⲥⲉⲡⲥ ⲡϫⲟⲉⲓⲥ ϯⲛⲁⲱϣ ⲇⲉ ⲉϩⲣⲁⲓ ⲉⲡϫⲟⲉⲓⲥ ⲡⲉⲧϩⲓϫⲛ ⲟⲩⲟⲛ ⲛⲓⲙ</ab>
9ⲡⲉⲛⲧⲁϥⲧⲁⲙⲓⲉ ⲛⲉⲓⲛⲟϭ ⲙⲛ ⲛⲉⲓⲁⲧⲁⲣⲏϫⲛⲟⲩ ⲛⲉⲧⲧⲁⲉⲓⲏⲩ ⲁⲩⲱ ⲛⲉⲓϣⲡⲏⲣⲉ ⲉⲧⲉ ⲙⲛⲧⲟⲩ ⲏⲡⲉ.</ab>
10ⲡⲉⲧϯ ⲙⲡϩⲟⲟⲩ ⲉϫⲙ ⲡⲕⲁϩ ⲡⲉⲧⲧⲛⲛⲟⲟⲩ ⲛⲟⲩⲙⲟⲟⲩ ϩⲁ ⲧⲡⲉ.</ab>
11ⲡⲉⲧϫⲓⲥⲉ ⲛⲛⲉⲑⲃⲃⲓⲏⲩ ⲡⲉⲧⲧⲟⲩⲛⲟⲩⲥ ⲛⲛⲉⲧⲧⲁⲕⲟ</ab>
12ⲡⲉⲧϣⲓⲃⲉ ⲙⲡϣⲟϫⲛⲉ ⲛⲛⲣⲙⲛϩⲏⲧ ⲁⲩⲱ ⲛⲛⲉ ⲛⲉⲩϭⲓϫ ⲣ ⲗⲁⲁⲩ ⲙⲙⲉ.</ab>
13ⲡⲉⲧⲧⲁϩⲟ ⲛⲛⲉⲓⲥⲟⲫⲟⲥ ϩⲛ ⲛⲉⲩⲙⲛⲧⲥⲁⲃⲉ ⲁϥⲡⲱϣⲥ ⲇⲉ ⲙⲡϣⲟϫⲛⲉ ⲛⲛⲉⲓⲥⲁⲛⲕⲟⲧⲥ</ab>
14ⲡⲕⲁⲕⲉ ⲛⲁⲧⲟⲙⲛⲧ ⲉⲣⲟⲟⲩ ⲙⲡⲉϩⲟⲟⲩ ⲥⲉⲛⲁϭⲟⲙϭⲙ ⲇⲉ ⲙⲡⲛⲁⲩ ⲙⲙⲉⲉⲣⲉ ⲛⲑⲉ ⲛⲧⲉⲩϣⲏ</ab>
15ⲉⲩⲉⲧⲁⲕⲟ ⲇⲉ ϩⲛ ⲟⲩⲡⲟⲗⲩⲙⲟⲥ ⲉⲣⲉ ⲟⲩϭⲱⲃ ⲇⲉ ⲣⲃⲟⲗ ⲉⲧϭⲓϫ ⲙⲡϫⲱⲱⲣⲉ ⲉⲣⲟϥ.</ab>
16ⲉⲣⲉ ⲟⲩϩⲉⲗⲡⲓⲥ ⲇⲉ ϣⲱⲡⲉ ⲙⲡⲁⲧϭⲟⲙ ⲉⲣⲉ ⲧⲧⲁⲡⲣⲟ ⲇⲉ ⲙⲡⲣⲉϥϫⲓⲛϭⲟⲛⲥ ⲧⲱⲙ</ab>
17ⲛⲁⲓⲁⲧϥ ⲇⲉ ⲙⲡⲣⲱⲙⲉ ⲛⲧⲁ ⲡϫⲟⲉⲓⲥ ϫⲡⲓⲟϥ ⲙⲡⲣⲕⲱ ⲇⲉ ⲛⲥⲱⲕ ⲛⲧⲉⲥⲃⲱ ⲙⲡⲡⲁⲛⲧⲱⲕⲣⲁⲧⲱⲣ</ab>
18ⲛⲧⲟϥ ⲅⲁⲣ ⲡⲉ ϣⲁϥⲙⲟⲕϩⲟⲩ ⲁⲩⲱ ⲛϥⲧⲁϩⲟⲟⲩ ⲉⲣⲁⲧⲟⲩ ⲉⲡⲉⲩⲙⲁ ⲁⲩⲱ ϣⲁϥϣⲁⲁⲣ ⲛⲧⲉ ⲧⲉϥϭⲓϫ ⲟⲛ ⲧⲁⲗϭⲟ</ab>
19ϥⲛⲁⲧⲟⲩϫⲟⲕ ⲛⲥⲟⲟⲩ ⲛⲥⲟⲡ ϩⲛ ⲛⲉⲕⲁⲛⲁⲅⲅⲏ ⲁⲩⲱ ⲛⲛⲉ ⲡⲉⲑⲟⲟⲩ ϫⲱϩ ⲉⲣⲟⲕ ϩⲙ ⲡⲙⲉϩⲥⲁϣϥ</ab>
20ϥⲛⲁⲛⲁϩⲙⲉⲕ ⲉⲡⲙⲟⲩ ϩⲙ ⲡϩⲉⲃⲱⲱⲛ ϥⲛⲁⲧⲟⲩϫⲟⲕ ⲇⲉ ϩⲛ ⲟⲩⲡⲟⲗⲩⲙⲟⲥ ⲉⲧⲟⲟⲧϥ ⲙⲡⲡⲉⲛⲓⲡⲉ</ab>
21ϥⲛⲁϩⲟⲡⲕ ⲉⲩⲟⲩⲱϣⲥ ⲛⲗⲁⲥ ⲁⲩⲱ ⲛⲛⲉⲕⲣϩⲟⲧⲉ ϩⲏⲧⲟⲩ ⲛϩⲉⲛⲡⲉⲑⲟⲟⲩ ⲉⲩⲛⲏⲩ</ab>
22ⲕⲛⲁⲥⲱⲃⲉ ⲛⲥⲁ ⲛⲣⲉϥϫⲓⲛϭⲟⲛⲥ ⲙⲛ ⲛⲁⲛⲟⲙⲟⲥ ⲛⲛⲉⲕⲣϩⲟⲧⲉ ϩⲏⲧⲟⲩ ⲛⲛⲉⲑⲩⲣⲓⲟⲛ ⲛⲁⲕⲣⲓⲟⲛ</ab>
23ⲛⲉⲑⲩⲣⲓⲟⲛ ⲅⲁⲣ ⲛⲁⲅⲣⲓⲟⲛ ⲛⲁⲥⲱⲧⲙ ⲛⲁⲕ</ab>
24ⲉⲓⲧⲁ ⲕⲛⲁⲉⲓⲙⲉ ϫⲉ ⲡⲉⲕⲏⲓ ⲛⲁⲥⲱⲧⲙ ⲛⲁⲕ ⲁⲩⲱ ⲛⲛⲉ ⲡⲙⲁⲛϣⲱⲡⲉ ⲛⲧⲉⲕⲥⲕⲩⲛⲏ ⲣⲛⲟⲃⲉ</ab>
25ⲕⲛⲁⲉⲓⲙⲉ ⲇⲉ ϫⲉ ⲛⲁϣⲉ ⲡⲉⲕⲥⲡⲉⲣⲙⲁ ⲁⲩⲱ ⲛⲉⲕϣⲏⲣⲉ ⲛⲁϣⲱⲡⲉ ⲛⲑⲉ ⲛⲛⲣⲱⲧ ⲧⲏⲣⲟⲩ ⲛⲧⲥⲱϣⲉ</ab>
26ⲕⲛⲏⲩ ⲇⲉ ⲉⲡⲧⲁⲫⲟⲥ ⲛⲑⲉ ⲛⲟⲩⲥⲟⲩⲟ ϩⲙ ⲡⲉϥⲇⲉ ⲉⲁⲩⲟϩⲥϥ ϩⲙ ⲡⲉϥⲟⲩⲟⲉⲓϣ ⲏ ⲛⲑⲉ ⲛⲟⲩϫⲁⲧⲙⲉ ⲛϫⲛⲟⲟⲩ ⲉⲁⲩϫⲓⲧⲥ ⲉϩⲟⲩⲛ ⲛⲧⲉⲥⲟⲩⲛⲟⲩ.</ab>
27ⲉⲓⲥϩⲏⲏⲧⲉ ⲁⲛϩⲉⲧϩⲧ ⲛⲁⲓ ⲛϯϩⲉ ⲁⲩⲱ ⲛⲁⲓ ⲛⲉⲛⲧⲁⲛⲥⲟⲧⲙⲟⲩ.</ab>