1ϩⲙ ⲡⲉϩⲟⲟⲩ ⲉⲧⲙⲙⲁⲩ ⲥⲉⲛⲁϫⲱ ⲙⲡⲉⲓϫⲱ ⲉϫⲙ ⲡⲕⲁϩ ⲛϯⲇⲟⲩⲙⲁⲓⲁ ⲉⲩϫⲱ ⲙⲙⲟⲥ ϫⲉ ⲉⲓⲥ ⲧⲡⲟⲗⲓⲥ ⲉⲧϫⲟⲥⲉ ⲙⲛ ⲡⲉⲧⲛⲟⲩϫⲁⲓ ϥⲛⲁⲕⲱ ⲛⲟⲩⲥⲟⲃⲧ ⲙⲛ ⲡⲉⲧⲕⲧⲏⲩ ⲉⲡⲥⲟⲃⲧ</ab>
2ⲁⲟⲩⲱⲛ ⲛⲙⲡⲩⲗⲏ ⲙⲁⲣⲉⲡⲗⲁⲟⲥ ⲃⲱⲕ ⲉϩⲟⲩⲛ ⲉⲧϩⲁⲣⲉϩ ⲉⲧⲇⲓⲕⲁⲓⲟⲥⲩⲛⲏ ⲁⲩⲱ ⲉⲧϩⲁⲣⲉϩ ⲉⲧⲙⲉ</ab>
3ⲉⲧϭⲟⲗϫ ϩⲛ ⲧⲙⲉ ⲁⲩⲱ ⲉⲧϩⲁⲣⲉϩ ⲉϯⲣⲏⲛⲏ</ab>
4ϫⲉ ⲁⲩϩⲉⲗⲡⲓⲍⲉ ⲉⲣⲟⲕ ⲡϫⲟⲉⲓⲥ ϣⲁ ⲉⲛⲉϩ ⲡⲛⲟⲩⲧⲉ ⲡⲛⲟϭ ϣⲁ ⲉⲛⲉϩ</ab>
5ⲁⲕⲉⲓⲛⲉ ⲉⲡⲉⲥⲏⲧ ⲛⲛⲉⲧⲟⲩⲏϩ ϩⲛ ⲛⲉϫⲟⲥⲉ ⲁⲕⲑⲃⲃⲓⲟⲟⲩ ⲕⲛⲁⲧⲁⲩⲟ ⲉⲡⲉⲥⲏⲧ ⲛⲙⲡⲟⲗⲓⲥ ⲉⲧϫⲟⲥⲉ ⲁⲩⲱ ⲕⲛⲁⲛⲧⲟⲩ ⲉⲡⲉⲥⲏⲧ ϣⲁ ⲡⲕⲁϩ</ab>
6ⲁⲩⲱ ⲛⲟⲩⲉⲣⲏⲧⲉ ⲛⲛⲣⲙⲣⲁϣ ⲛⲁϩⲟⲙⲟⲩ ⲙⲛ ⲛⲁⲛⲉⲧⲑⲃⲃⲓⲏⲩ</ab>
7ⲧⲉϩⲓⲏ ⲛⲛⲣⲙⲛⲛⲟⲩⲧⲉ ⲁⲥϣⲱⲡⲉ ⲥⲉⲥⲟⲩⲧⲱⲛ ⲁⲩⲱ ⲉⲥⲥⲃⲧⲱⲧ ⲛϭⲓ ⲧⲉϩⲓⲏ ⲛⲛⲣⲙⲛⲛⲟⲩⲧⲉ</ab>
8ⲧⲉϩⲓⲏ ⲅⲁⲣ ⲙⲡϫⲟⲉⲓⲥ ⲡⲉ ⲡϩⲁⲡ ⲁⲛϩⲉⲗⲓⲍⲉ ⲉⲡⲉϥⲣⲁⲛ ⲁⲩⲱ ⲉⲡⲣⲡⲙⲉⲉⲩⲉ</ab>
9ⲉⲧⲉⲣⲉⲧⲛⲯⲩⲭⲏ ⲟⲩⲁϣϥ ⲡⲁⲡⲛⲉⲩⲙⲁ ⲛⲁϣⲟⲣⲡϥ ϫⲓⲛ ⲧⲉⲩϣⲏ ϥⲛⲁϣⲟⲣⲡϥ ⲉⲣⲟⲕ ⲡⲛⲟⲩⲧⲉ ϫⲉ ϩⲉⲛⲟⲩⲟⲉⲓⲛ ⲛⲉ ⲛⲉⲕⲡⲣⲟⲥⲧⲁⲅⲙⲁ ϩⲓϫⲙ ⲡⲕⲁϩ</ab>
10ⲁⲡⲁⲥⲉⲃⲏⲥ ⲅⲁⲣ ⲱϫⲛ ⲙⲛⲟⲩⲟⲛ ⲛⲓⲙ ⲉⲧⲛϥϫⲓⲥⲃⲱ ⲁⲛ ⲉⲣⲧⲇⲓⲕⲁⲓⲟⲥⲩⲛⲏ ϩⲓϫⲙ ⲡⲕⲁϩ ⲉⲣⲧⲙⲉ ⲙⲁⲣⲟⲩϥⲓ ⲙⲡⲁⲥⲉⲃⲏⲥ ϫⲉ ⲛⲛⲉϥⲛⲁⲩ ⲉⲡⲉⲟⲟⲩ ⲙⲡⲛⲟⲩⲧⲉ</ab>
11ⲡϫⲟⲉⲓⲥ ⲡⲛⲟⲩⲧⲉ ⲡⲉⲕϭⲃⲟⲓ ϫⲟⲥⲉ ⲁⲩⲱ ⲛⲉⲩⲥⲟⲟⲩⲛ ⲁⲛ ⲡⲉ ⲉⲁⲩⲉⲓⲙⲉ ⲇⲉ ⲥⲉⲛⲁϫⲓϣⲓⲡⲉ ⲟⲩⲛⲟⲩⲕⲱϩ ⲛⲁⲧⲁϩⲉⲡⲗⲁⲟⲥ ⲛⲁⲧⲥⲃⲱ ⲧⲉⲛⲟⲩ ⲡⲕⲱϩⲧ ⲛⲁⲟⲩⲱⲙ ⲛⲛϫⲁϫⲉ</ab>
12ⲡϫⲟⲉⲓⲥ ⲡⲛⲟⲩⲧⲉ ⲙⲁ ⲛⲁⲛ ⲛⲟⲩⲉⲓⲣⲏⲛⲏ ⲁⲕⲧⲟⲟⲃⲟⲩ ⲛⲁⲛ ⲕⲁⲧⲁ ⲛⲉⲛϩⲃⲏⲩⲉ</ab>
13ⲡϫⲟⲉⲓⲥ ⲡⲉⲛⲛⲟⲩⲧⲉ ⲕⲁⲁⲛ ⲛⲁⲕ ⲛⲧⲛⲥⲟⲟⲩⲛ ⲁⲛ ⲛⲕⲉⲟⲩⲁ ⲛⲃⲗⲗⲁⲕ ⲧⲛⲧⲁⲩⲟ ⲙⲡⲉⲕⲣⲁⲛ</ab>
14ⲛⲉⲧⲙⲟⲟⲩⲧ ⲇⲉ ⲛⲛⲉⲩⲛⲁⲩ ⲉⲡⲱⲛϩ ⲁⲩⲱ ⲛⲛⲉⲛⲥⲁⲉⲓⲛ ⲧⲱⲟⲩⲛ ⲉⲧⲃⲉ ⲡⲁⲓ ⲁⲕⲉⲓⲛⲉ ⲉϫⲱⲟⲩ ⲁⲩⲱ ⲁⲕⲧⲁⲕⲟⲟⲩ ⲁⲩⲱ ⲁⲕϥⲓϩⲟⲟⲩⲧ ⲛⲓⲙ ⲛⲧⲁⲩ</ab>
15ⲟⲩⲱϩ ⲉⲣⲟⲟⲩ ⲛϩⲉⲛⲡⲉⲑⲟⲟⲩ ⲡϫⲟⲉⲓⲥ ⲟⲩⲉϩⲡⲉⲑⲟⲟⲩ ⲉⲛⲉⲧⲧⲁⲓⲏⲩ ⲧⲏⲣⲟⲩ ⲙⲡⲕⲁϩ</ab>
16ⲡϫⲟⲉⲓⲥ ⲁⲓⲣⲡⲉⲕⲙⲉⲉⲩⲉ ϩⲛ ⲧⲉⲑⲗⲓⲯⲓⲥ ⲁⲧⲉⲕⲥⲃⲱ ϣⲱⲡⲉ ⲛⲁⲓ ⲛⲟⲩⲕⲟⲩⲓ ⲛⲑⲗⲓⲯⲓⲥ</ab>
17ⲁⲩⲱ ⲛⲑⲉ ⲛⲧⲉⲧϯⲛⲁⲁⲕⲉ ⲉⲧϩⲏⲛ ⲉϩⲟⲩⲛ ⲉⲙⲓⲥⲉ ⲉⲁⲥϫⲓϣⲕⲁⲕ ⲉⲃⲟⲗ ⲉϫⲛ ⲧⲉⲥⲛⲁⲁⲕⲉ ⲧⲁⲓ ⲧⲉ ⲑⲉ ⲛⲧⲁⲛϣⲱⲡⲉ ⲙⲡⲉⲕⲙⲉⲣⲓⲧ ⲉⲧⲃⲉ ⲧⲉⲕϩⲟⲧⲉ ⲡϫⲟⲉⲓⲥ</ab>
18ⲁⲛⲱⲱ ⲁⲛϯⲛⲁⲁⲕⲉ ⲁⲛⲙⲓⲥⲉ ⲁⲕⲉⲓⲣⲉ ⲛⲟⲩⲡⲛⲉⲩⲙⲁ ⲛⲟⲩϫⲁⲓ ⲉϩⲣⲁⲓ ⲉϫⲙ ⲡⲕⲁϩ ⲁⲗⲗⲁ ⲛⲉⲧⲟⲩⲏϩ ϩⲓϫⲙ ⲡⲕⲁϩ ⲛⲁϩⲉ</ab>
19ⲛⲉⲧⲙⲟⲟⲩⲧ ⲛⲁⲧⲱⲟⲩⲛ ⲙⲛ ⲛⲉⲧϩⲛ ⲛⲙϩⲁⲁⲩ ⲁⲩⲱ ⲛⲉⲧϩⲙ ⲡⲕⲁϩ ⲛⲁⲉⲩⲫⲣⲁⲛⲉ ⲟⲩⲧⲁⲗϭⲟ ⲅⲁⲣ ⲛⲁⲩ ⲧⲉ ϯⲱⲧⲉ ⲧⲏ ⲉⲃⲟⲗ ϩⲓⲧⲟⲟⲧⲕ ⲡⲕⲁϩ ⲇⲉ ⲛⲛⲁⲥⲉⲃⲏⲥ ⲛⲁϩⲉ</ab>
20ⲙⲟⲟϣⲉ ⲡⲁⲗⲁⲟⲥ ⲛⲅⲃⲱⲕ ⲉϩⲟⲩⲛ ⲉⲛⲉⲕⲧⲁⲙⲓⲟⲛ ⲛⲅϣⲧⲁⲙ ⲙⲡⲉⲕⲣⲟ ϩⲟⲡⲕ ⲛⲟⲩⲕⲟⲩⲓ ϩⲟⲥⲟⲛ ϩⲟⲥⲟⲛ ϣⲁⲛⲧⲉⲧⲟⲣⲅⲏ ⲙⲡϫⲟⲉⲓⲥ ⲥⲓⲛⲉ</ab>
21ⲉⲓⲥ ⲡϫⲟⲉⲓⲥ ⲅⲁⲣ ⲛⲁ ⲛⲧⲉϥⲟⲣⲅⲏ ⲉⲃⲟⲗ ϩⲙ ⲡⲉⲧⲟⲩⲁⲁⲃ ⲉϫⲛ ⲛⲉⲧⲟⲩⲏϩ ϩⲓϫⲙ ⲡⲕⲁϩ ⲁⲩⲱ ⲡⲕⲁϩ ⲛⲁϭⲱⲗⲡ ⲉⲃⲟⲗ ⲙⲡⲉϥⲥⲛⲟϥ ⲁⲩⲱ ⲛϥⲛⲁϩⲱⲃⲥ ⲁⲛ ⲛⲛⲉⲧϩⲟⲧⲃ</ab>