1ⲡϫⲟⲉⲓⲥ ⲡⲛⲟⲩⲧⲉ ϯⲛⲁϯⲉⲟⲟⲩ ⲛⲁⲕ ⲁⲩⲱ ϯⲛⲁⲥⲙⲟⲩ ⲉⲡⲉⲕⲣⲁⲛ ϫⲉ ⲁⲕⲉⲓⲣⲉ ⲛϩⲉⲛϣⲡⲏⲣⲉ ⲟⲩϣⲟϫⲛⲉ ⲛⲁⲣⲭⲁⲓⲟⲛ ⲁⲩⲱ ⲙⲙⲉ ⲉϥⲉϣⲱⲡⲉ ⲙⲡϫⲟⲉⲓⲥ</ab>
2ϫⲉ ⲁⲕⲕⲱ ⲛϩⲉⲛⲡⲟⲗⲓⲥ ⲉⲩⲕⲁϩ ϩⲉⲛⲡⲟⲗⲓⲥ ⲉⲩϫⲟⲥⲉ ⲉⲧⲣⲉⲛⲉⲩⲥⲛⲧⲉ ϩⲉ ⲛⲛⲉⲩⲕⲉⲧ ⲙⲡⲟⲗⲓⲥ ⲛⲛⲁⲥⲉⲃⲏⲥ ϣⲁ ⲉⲛⲉϩ</ab>
3ⲉⲧⲃⲉ ⲡⲁⲓ ⲡⲗⲁⲟⲥ ⲛϩⲏⲕⲉ ⲛⲁⲥⲙⲟⲩ ⲉⲣⲟⲕ ⲁⲩⲱ ⲙⲡⲟⲗⲓⲥ ⲛⲛⲣⲱⲙⲉ ⲉⲧϫⲏⲩ ⲛϭⲟⲛⲥ ⲛⲁⲥⲙⲟⲩ ⲉⲣⲟⲕ</ab>
4ⲁⲕϣⲱⲡⲉ ⲅⲁⲣ ⲛⲃⲟⲏⲑⲟⲥ ⲙⲡⲟⲗⲓⲥ ⲛⲓⲙ ⲉⲑⲃⲃⲓⲏⲩ ⲁⲩⲱ ⲛϩⲁⲓⲃⲉⲥ ⲛⲛⲉⲧⲙⲟⲕϩ ⲛϩⲏⲧ ⲉⲧⲃⲉ ⲡⲉϭⲣⲱϩ ⲕⲛⲁⲛⲁϩⲙⲟⲩ ⲉϩⲉⲛⲣⲱⲙⲉ ⲙⲡⲟⲛⲏⲣⲟⲥ ⲑⲁⲓⲃⲉⲥ ⲛⲛⲉⲧⲟⲃⲉ ⲁⲩⲱ ⲡⲉⲡⲛⲉⲩⲙⲁ ⲛⲛⲣⲱⲙⲉ ⲉⲧϫⲏⲩ ⲛϭⲟⲛⲥ ⲛⲁⲥⲙⲟⲩ ⲉⲣⲟⲕ</ab>
5ⲛⲑⲉ ⲛⲛⲣⲱⲙⲉ ⲉⲧⲟ ⲛϩⲏⲧ ϣⲏⲙ ⲉⲧⲟⲃⲉ ϩⲛ ⲥⲓⲱⲛ ⲉⲧⲃⲉ ⲛⲣⲱⲙⲉ ⲙⲡⲟⲛⲏⲣⲟⲥ ⲙⲛ ⲛⲁⲥⲉⲃⲏⲥ ⲛⲧⲁⲕⲧⲁⲁⲛ ⲉⲧⲟⲟⲧⲟⲩ</ab>
6ⲁⲩⲱ ⲡϫⲟⲉⲓⲥ ⲡⲛⲟⲩⲧⲉ ⲥⲁⲃⲁⲱⲑ ⲛⲁⲉⲓⲣⲉ ⲛⲛϩⲉⲑⲛⲟⲥ ⲧⲏⲣⲟⲩ ⲥⲉⲛⲁⲥⲱ ⲛⲟⲩⲟⲩⲛⲟϥ ϩⲓϫⲙ ⲡⲉⲓⲧⲟⲟⲩ ⲥⲉⲛⲁⲥⲱ ⲛⲟⲩⲏⲣⲡ</ab>
7ⲛⲥⲉⲧⲁϩⲥⲟⲩ ⲛⲟⲩⲥⲟϭⲛ ϩⲓϫⲙ ⲡⲉⲓⲧⲟⲟⲩ ⲧⲁⲁⲩ ⲛⲛϩⲉⲑⲛⲟⲥ ⲧⲏⲣⲟⲩ ϩⲛ ⲟⲩϯ ⲡⲉⲓϣⲟϫⲛⲉ ⲅⲁⲣ ⲛⲏⲩ ⲉϫⲛ ⲛⲛϩⲉⲑⲛⲟⲥ ⲧⲏⲣⲟⲩ</ab>
8ⲁⲡⲙⲟⲩ ⲱⲙⲕ ⲉⲁϥϭⲙϭⲟⲙ ⲁⲩⲱ ⲟⲛ ⲁⲡⲛⲟⲩⲧⲉ ϥⲓⲣⲙⲉⲓⲏ ⲛⲓⲙ ⲉⲃⲟⲗ ϩⲓ ϩⲟ ⲛⲓⲙ ⲁⲡⲛⲟⲩⲧⲉ ϥⲓ ⲙⲡⲛⲟϭⲛⲉϭ ⲙⲡⲁⲗⲁⲟⲥ ϩⲓϫⲙ ⲡⲕⲁϩ ⲧⲏⲣϥ ⲧⲧⲁⲡⲣⲟ ⲅⲁⲣ ⲙⲡϫⲟⲉⲓⲥ ⲧⲉⲛⲧⲁⲥϫⲉⲛⲁⲓ</ab>
9ⲁⲩⲱ ⲥⲉⲛⲁϫⲟⲟⲥ ϩⲙ ⲡⲉϩⲟⲟⲩ ⲉⲧⲙⲙⲁⲩ ϫⲉ ⲉⲓⲥ ⲡϫⲟⲉⲓⲥ ⲡⲉⲛⲛⲟⲩⲧⲉ ⲡⲉⲛⲧⲁⲛϩⲉⲗⲡⲓⲍⲉ ⲉⲣⲟϥ ⲁⲩⲱ ⲁⲛⲧⲉⲗⲏⲗ ⲁⲩⲱ ⲧⲛⲛⲁⲟⲩⲛⲟϥ ⲉϫⲙ ⲡⲉϥⲟⲩϫⲁⲓ</ab>
10ⲡⲛⲟⲩⲧⲉ ⲛⲁϯ ⲛⲟⲩⲙⲧⲟⲛ ϩⲓϫⲙ ⲡⲉⲓⲧⲟⲟⲩ ⲁⲩⲱ ⲥⲉⲛⲁϩⲱⲙ ⲛⲧⲙⲱⲁⲃⲓⲧⲏⲥ ⲛⲑⲉ ⲛϣⲁⲩϩⲱⲙ ⲛⲟⲩϫⲛⲟⲟⲩ ϩⲛ ϩⲉⲛⲁϭⲟⲗⲧⲉ</ab>
11ⲁⲩⲱ ϥⲛⲁⲕⲁⲧⲟⲟⲧϥ ⲉⲃⲟⲗ ⲛⲑⲉ ϩⲱⲱϥ ⲛⲧⲁϥⲑⲃⲃⲓⲟ ⲉⲧⲁⲕⲟ ⲁⲩⲱ ϥⲛⲁⲑⲃⲃⲓⲟ ⲙⲡⲉϥⲥⲱϣ ⲡⲉⲛⲧⲁϥϩⲓⲧⲟⲟⲧϥ ⲉⲣⲟϥ</ab>
12ⲁⲩⲱ ϥⲛⲁⲑⲃⲃⲓⲟ ⲙⲡϫⲓⲥⲉ ⲙⲡⲙⲁ ⲛⲡⲱⲧ ⲛⲧⲉϥϫⲟ ⲁⲩⲱ ⲥⲉⲛⲏⲩ ⲉⲡⲉⲥⲏⲧ ϣⲁ ⲡⲕⲁϩ</ab>