1ⲉⲓϩⲓϫⲛ ⲡⲁⲙⲁ ⲛⲛⲕⲟⲧⲕ ⲛⲧⲉⲩϣⲏ ⲁⲓϣⲓⲛⲉ ⲛⲥⲁ ⲡⲉⲛⲧⲁⲧⲁⲯⲩⲭⲏ ⲙⲉⲣⲓⲧϥ ⲁⲓϣⲓⲛⲉ ⲛⲥⲱϥ ⲙⲡⲓϩⲉ ⲉⲣⲟϥ ⲁⲓⲙⲟⲩⲧⲉ ⲉⲣⲟϥ ⲁⲩⲱ ⲙⲡⲉϥⲥⲱⲧⲙ ⲉⲣⲟⲓ</ab>
2ϯⲛⲁⲧⲱⲟⲩⲛ ϭⲉ ⲧⲁⲕⲱⲧⲉ ϩⲛ ⲧⲡⲟⲗⲓⲥ ϩⲛ ⲛⲁⲅⲟⲣⲁ ⲁⲩⲱ ϩⲛ ⲛⲉⲡⲗⲁⲧⲓⲁ ⲧⲁⲕⲱⲧⲉ ⲛⲥⲁ ⲡⲉⲛⲧⲁⲧⲁⲯⲩⲭⲏ ⲙⲉⲣⲓⲧϥ ⲁⲓⲕⲱⲧⲉ ϭⲉ ⲛⲥⲱϥ ⲁⲩⲱ ⲙⲡⲓϩⲉ ⲉⲣⲟϥ</ab>
3ⲁⲩϩⲉ ⲉⲣⲟⲓ ⲛϭⲓ ⲛⲉⲧⲣⲟⲉⲓⲥ ⲛⲉⲧϯⲟⲩⲟⲓ ϩⲛ ⲧⲡⲟⲗⲓⲥ ⲁⲓϫⲛⲟⲩⲟⲩ ϫⲉ ⲙⲏ ⲁⲧⲉⲧⲛⲛⲁⲩ ⲉⲡⲉⲛⲧⲁⲧⲁⲯⲩⲭⲏ ⲙⲉⲣⲓⲧϥ</ab>
4ⲛⲧⲉⲣⲓⲥⲁⲁⲧⲟⲩ ϭⲉ ⲛⲟⲩⲕⲟⲩⲓ ⲁⲓⲣⲡⲉⲩⲃⲟⲗ ⲁⲓϩⲉ ⲉⲡⲉⲛⲧⲁⲧⲁⲯⲩⲭⲏ ⲙⲉⲣⲓⲧϥ ⲁⲓⲁⲙⲁϩⲧⲉ ⲙⲙⲟϥ ⲙⲡⲓⲕⲁⲁϥ ⲉⲃⲟⲗ ϣⲁⲛⲧⲁⲛⲧϥ ⲉϩⲟⲩⲛ ⲉⲡⲏⲓ ⲛⲧⲁⲙⲁⲁⲩ ⲁⲩⲱ ⲉϩⲟⲩⲛ ⲉⲡⲧⲁⲙⲓⲟⲛ ⲛⲧⲉⲛⲧⲁⲥⲱ ⲙⲙⲟⲓ</ab>
5ⲁⲓⲧⲁⲣⲕⲉⲧⲏⲩⲧⲛ ⲛϣⲉⲉⲣⲉ ⲛⲑⲓⲉⲣⲟⲩⲥⲁⲗⲏⲙ ϩⲛ ⲛϭⲟⲙ ⲁⲩⲱ ϩⲛ ⲛⲛⲟⲙⲧⲉ ⲛⲧⲥⲱϣⲉ ⲉⲧⲣⲉⲧⲛⲛⲉϩⲥⲉ ⲛⲧⲁⲅⲁⲡⲏ ⲁⲩⲱ ⲛⲧⲉⲧⲛⲧⲟⲩⲛⲟⲥⲥ ϣⲁⲛⲧⲥⲣϩⲛⲁⲥ</ab>
6ⲛⲓⲙ ⲧⲉ ⲧⲁⲓ ⲉⲧⲛⲏⲩ ⲉϩⲣⲁⲓ ϩⲙ ⲡϫⲁⲓⲉ ⲉⲃⲟⲗ ϩⲛ ⲧⲙⲏⲧⲉ ⲛⲁ (lac) ⲱ ⲙⲛ ⲙⲏⲁ (lac) ⲉⲣⲉⲧⲟⲟⲧ (lac) ⲓⲧ ⲉⲡⲉⲥⲡⲁ (lac) ⲉⲧⲛⲧϩⲉ ⲛⲟⲩϣⲁⲩ ⲛϣⲟⲩϩⲏⲛⲉ ⲉⲁⲩⲧⲁⲗⲟϥ ⲉϩⲣⲁⲓ ⲉϥϯⲕⲁⲡⲛⲟⲥ ⲛⲥⲧⲟⲓ ⲉⲃⲟⲗ ϩⲛ ⲟⲩϣⲁⲗ ⲙⲛ ⲟⲩⲗⲓⲃⲁⲛⲟⲥ ⲉⲃⲟⲗ ϩⲛ ⲛϩⲏⲛⲉ ⲧⲏⲣⲟⲩ ⲙⲡⲣⲉϥⲡⲉⲥⲥⲟϭⲛ</ab>
7ⲉⲓⲥ ϩⲏⲏⲧⲉ ⲉⲓⲥ ⲡⲉϭⲗⲟϭ ⲛⲥⲟⲗⲟⲙⲱⲛ ⲉⲣⲉⲥⲉ ⲛⲇⲩⲛⲁⲧⲟⲥ ⲕⲱⲧⲉ ⲉⲣⲟϥ ⲉⲃⲟⲗ ϩⲛ ⲛⲇⲩⲛⲁⲧⲟⲥ ⲙⲡⲓⲥⲣⲁⲏⲗ</ab>
8ⲉⲣⲉⲛⲉⲩⲥⲏϥⲉ ⲧⲏⲣⲟⲩ ⲛⲧⲟⲟⲧⲟⲩ ⲉⲩⲧⲥⲁⲃⲏⲩ ⲉⲡⲡⲟⲗⲉⲙⲟⲥ ⲡⲣⲱⲙⲉ ⲉⲣⲉⲧⲉϥⲥⲏϥⲉ ϩⲓϫⲙ ⲡⲉϥⲙⲏⲣⲟⲥ ⲉⲧⲃⲉ ⲧϩⲟⲧⲉ ⲉⲧϣⲱⲡⲉ ⲛⲧⲉⲩϣⲏ</ab>
9ⲁⲡⲣⲣⲟ ⲥⲟⲗⲟⲙⲱⲛ ⲧⲁⲙⲓⲟ ⲛⲁϥ ⲛⲟⲩⲙⲁ ⲛϩⲙⲟⲟⲥ ⲉⲃⲟⲗ ϩⲛ ⲛϣⲉ ⲙⲡⲗⲓⲃⲁⲛⲟⲥ</ab>
10ⲛⲉϥⲥⲧⲩⲗⲗⲟⲥ ⲁϥⲧⲁⲙⲓⲟⲟⲩ ⲛϩⲁⲧ ⲁⲩⲱ ⲡⲉϥⲁⲛⲁⲅⲗⲓⲧⲟⲛ ⲟⲩⲛⲟⲩⲃ ⲡⲉ ⲛⲉϥⲧⲱⲣⲧⲣ ϩⲉⲛϫⲏϭⲉ ⲛⲉ ⲡⲉϥϩⲟⲩⲛ ⲉϥⲧⲟϭⲥ ⲛⲛⲱⲛⲉ ⲟⲩⲁⲅⲁⲡⲏ ⲛⲧⲉⲛϣⲉⲉⲣⲉ ⲛⲑⲓⲉⲣⲟⲩⲥⲁⲗⲏⲙ</ab>
11ⲁⲙⲏⲉⲓⲧⲛ ⲉⲃⲟⲗ ⲛϣⲉⲉⲣⲉ ⲛⲥⲓⲱⲛ ⲛⲧⲉⲧⲛⲛⲁⲩ ⲉⲡⲣⲣⲟ ⲥⲟⲗⲟⲙⲱⲛ ϩⲙ ⲡⲉⲕⲗⲟⲙ ⲛⲧⲁⲧⲉϥⲙⲁⲁⲩ ⲥⲧⲉⲫⲁⲛⲟⲩ ⲙⲙⲟϥ ⲛϩⲏⲧϥ ϩⲙ ⲡⲉϩⲟⲟⲩ ⲛⲧⲉϥϣⲉⲗⲉⲉⲧ ⲁⲩⲱ ϩⲙ ⲡⲉϩⲟⲟⲩ ⲙⲡⲟⲩⲛⲟϥ ⲙⲡⲉϥϩⲏⲧ</ab>