1ⲁⲛⲟⲕ ⲡⲉ ⲡⲉϩⲣⲏⲣⲉ ⲛⲧⲥⲱϣⲉ ⲁⲩⲱ ⲡⲉⲕⲣⲓⲛⲟⲛ ⲛⲛⲉⲓⲁ</ab>
2ⲛⲑⲉ ⲙⲡⲉⲕⲣⲓⲛⲟⲛ ⲉϥϩⲛ ⲧⲙⲏⲧⲉ ⲛⲛϣⲟⲛⲧⲉ ⲧⲁⲓ ⲧⲉ ⲑⲉ ⲛⲧⲁϣⲃⲉⲉⲣⲉ ⲉⲥϩⲛ ⲧⲙⲏⲧⲉ ⲛⲛϣⲃⲉⲉⲣⲉ</ab>
3ⲛⲑⲉ ⲛⲟⲩϫⲙⲡⲉϩ ⲉϥϩⲛ ⲛϣⲉ ⲙⲡⲙⲁ ⲛϣⲏⲛ ⲧⲁⲓ ⲧⲉ ⲑⲉ ⲙⲡⲁⲥⲟⲛ ⲉϥϩⲛ ⲧⲙⲏⲧⲉ ⲛⲛϣⲏⲣⲉ ⲁⲓⲉⲡⲓⲑⲩⲙⲓ ⲉⲧⲉϥϩⲁⲓⲃⲉⲥ ⲁⲓϩⲙⲟⲟⲥ ϩⲁⲣⲁⲧⲥ ⲁⲩⲱ ⲡⲉϥⲕⲁⲣⲡⲟⲥ ϩⲟⲗϭ ϩⲛ ⲧⲁϣⲟⲩⲱⲃⲉ</ab>
4ϫⲓⲧ ⲉϩⲟⲩⲛ ⲉⲡⲏⲓ ⲙⲡⲏⲣⲡ ⲥⲙⲓⲛⲉ ⲛⲁⲓ ⲛⲟⲩⲁⲅⲁⲡⲏ</ab>
5ⲛⲧⲉⲧⲛⲧⲁϫⲣⲟⲓ ϩⲛ ϩⲉⲛⲥⲟϭⲛ ⲛⲧⲉⲧⲛⲕⲧⲟ ⲉⲣⲟⲓ ⲛϩⲉⲛϫⲙⲡⲉϩ ϫⲉ ⲁⲧⲉϥⲁⲅⲁⲡⲏ ϫⲓ ⲙⲙⲟⲓ</ab>
6ⲧⲉϥϭⲓϫ ⲛϩⲃⲟⲩⲣ ϩⲁ ⲧⲁⲁⲡⲉ ⲁⲩⲱ ⲧⲉϥⲟⲩⲛⲁⲙ ⲛⲁϩⲱⲗϭ ⲉⲣⲟⲓ</ab>
7ⲁⲓⲧⲁⲣⲕⲉⲧⲏⲩⲧⲛ ⲛϣⲉⲉⲣⲉ ⲛⲑⲓⲉⲣⲟⲩⲥⲁⲗⲏⲙ ϩⲛ ⲛϭⲟⲙ ⲁⲩⲱ ϩⲛ ⲛⲛⲟⲙⲧⲉ ⲛⲧⲥⲱϣⲉ ⲉⲧⲣⲉⲧⲛⲛⲉϩⲥⲉ ⲛⲧⲁⲁⲅⲁⲡⲏ ⲁⲩⲱ ⲛⲧⲉⲧⲛⲧⲟⲩⲛⲟⲥⲥ ϣⲁⲛⲧⲥⲣϩⲛⲁⲥ</ab>
8ⲡⲉϩⲣⲟⲟⲩ ⲙⲡⲁⲥⲟⲛ ⲁϥⲓ ⲉⲣⲟⲓ ⲉⲓⲥ ϩⲏⲏⲧⲉ ⲛⲧⲟϥ ⲁϥⲉⲓ ⲉϥⲡⲏⲧ ϩⲓϫⲛ ⲛⲧⲟⲩⲉⲓⲏ ⲁⲩⲱ ⲉϥϫⲓϥⲟϭⲥ ϩⲓϫⲛ ⲛⲃⲟⲩⲛⲟⲥ</ab>
9ⲉⲣⲉⲡⲁⲥⲟⲛ ⲧⲛⲧⲱⲛ ⲉⲩϭⲁϩⲥⲉ ⲁⲩⲱ ⲉⲩⲙⲁⲥ ⲛⲛⲉⲓⲟⲩⲗ ϩⲓϫⲛ ⲛⲧⲟⲟⲩ ⲛⲃⲁⲓⲑⲏⲗ ⲉⲓⲥ ϩⲏⲏⲧⲉ ⲛⲧⲟϥ ϥϭⲱϣⲧ ϩⲓ ⲡⲁϩⲟⲩ ⲛⲧⲛϫⲟ ϥϭⲱϣⲧ ⲉⲃⲟⲗ ϩⲛ ⲛϣⲟⲩϣⲧ</ab>
10ⲁⲩⲱ ⲡⲁⲥⲟⲛ ⲁϥϣⲁϫⲉ ⲛⲙⲙⲁⲓ ⲉⲃⲟⲗ ϩⲛ ⲛⲉⲥⲛⲏⲩ ⲉϥϫⲱ ⲙⲙⲟⲥ ϫⲉ ⲧⲱⲟⲩⲛ ⲁⲙⲏ ⲧⲁϣⲃⲉⲉⲣⲉ ⲧⲁϭⲣⲟⲟⲙⲡⲉ ⲉⲧⲛⲉⲥⲱⲥ</ab>
11ϫⲉ ⲉⲓⲥ ⲧⲉⲡⲣⲱ ⲁⲥⲟⲩⲉⲓⲛⲉ ⲡϩⲟⲩⲙⲡⲉ ⲁϥⲙⲟⲟϣⲉ ⲁϥⲃⲱⲕ ⲉⲡⲉϥⲙⲁ</ab>
12ⲛϯⲟⲩⲱ ⲁⲩⲟⲩⲱⲛϩ ⲉⲃⲟⲗ ϩⲓϫⲙ ⲡⲕⲁϩ ⲡⲟⲩⲟⲉⲓϣ ⲙⲡϫⲱⲗϩ ⲁϥⲉⲓ ⲡⲉϩⲣⲟⲟⲩ ⲙⲡⲉϭⲣⲙⲡϣⲁⲛ ⲁⲩⲥⲱⲧⲙ ⲉⲣⲟϥ ϩⲙ ⲡⲉⲛⲕⲁϩ</ab>
13ⲧⲃⲱ ⲛⲕⲛⲧⲉ ⲁⲥⲧⲁⲩⲟ ⲉⲃⲟⲗ ⲛⲛⲉⲥⲃⲉⲉϣ ⲛⲃⲱ ⲛⲉⲗⲟⲟⲗⲉ ⲁⲩⲛⲉϫⲕⲟⲩⲡⲣ ⲁⲩϯ ⲙⲡⲉⲩⲥⲧⲟⲓ ⲧⲱⲟⲩⲛⲉ ⲁⲙⲏ ⲧⲉⲧϩⲓⲧⲟⲩⲱⲓ</ab>
14ⲧⲁϭⲣⲟⲟⲙⲡⲉ ⲉⲧⲛⲁⲛⲟⲩⲥ ⲛⲧⲉⲉⲓ ⲛⲧⲟ ⲧⲁϭⲣⲟⲟⲙⲡⲉ ϩⲙ ⲡⲟⲩⲱϣ ⲛⲧⲉⲧⲡⲉⲧⲣⲁ ϩⲓⲧⲟⲩⲱϥ ⲙⲡⲥⲟⲃⲧ ⲉⲧϩⲓⲃⲟⲗ ⲛⲧⲉⲧⲥⲁⲃⲟⲓ ⲉⲡⲟⲩϩⲟ ⲁⲩⲱ ⲛⲧⲉⲧⲣⲁⲥⲱⲧⲙ ⲉⲡⲟⲩϩⲣⲟⲟⲩ ϫⲉ ⲡⲟⲩϩⲣⲟⲟⲩ ⲟⲩϩⲣⲟⲟⲩ ⲡⲉ ⲉϥⲛⲟⲧⲙ ⲁⲩⲱ ⲡⲟⲩϩⲟ ⲛⲉⲥⲱϥ ⲛⲁⲓ</ab>
15ϭⲱⲡⲉ ⲛⲁⲛ ⲛϩⲉⲛⲃⲁϣⲟⲣ ϩⲉⲛⲃⲁϣⲟⲣ ⲕⲟⲩⲓ ⲉⲩⲧⲁⲕⲟ ⲙⲙⲁ ⲛⲉⲗⲟⲟⲗⲉ ⲁⲩⲱ ⲛⲉⲛⲃⲱ ⲛⲉⲗⲟⲟⲗⲉ ⲉⲩⲛⲉϫⲕⲟⲩⲡⲣ</ab>
16ⲡⲁⲥⲟⲛ ⲉϥϣⲟⲟⲡ ⲛⲁⲓ ⲁⲩⲱ ⲁⲛⲟⲕ ϩⲱ ⲉⲓϣⲟⲟⲡ ⲛⲁϥ</ab>
17ⲡⲉⲧⲙⲟⲟⲛⲉ ϩⲛ ⲛⲉⲕⲣⲓⲛⲟⲛ ϣⲁⲛⲧⲉⲡⲉϩⲟⲟⲩ ϫⲱⲕ ⲁⲩⲱ ⲛⲧⲉⲛϩⲁⲓⲃⲉⲥ ⲕⲙⲧⲟⲩ ⲕⲟⲧⲕ ⲛⲧⲟⲕ ⲡⲁⲥⲟⲛ ⲛⲅⲧⲛⲧⲱⲛⲕ ⲉⲩϭϩⲟⲥ ⲏ ⲉⲩⲙⲁⲥ ⲛⲉⲓⲟⲩⲗ ϩⲓϫⲛ ⲛⲧⲟⲩⲉⲓⲏ ⲛⲉⲓⲁ</ab>