1ⲁⲥϣⲱⲡⲉ ⲇⲉ ⲛⲧⲉⲣⲉⲥⲁⲙⲟⲩⲏⲗ ⲣϩⲗⲗⲟ ⲁϥⲕⲁⲑⲓⲥⲧⲁ ⲛⲛⲉϥϣⲏⲣⲉ ⲛⲇⲓⲕⲁⲥⲧⲏⲥ ⲉϫⲙ ⲡ</ab>
2ⲁⲩⲱ ⲛⲁⲓ ⲛⲉ ⲛⲣⲁⲛ ⲛⲛⲉϥϣⲏⲣⲉ ⲡϣⲣⲡⲙⲓⲥⲉ ⲡⲉ ⲓⲱⲏⲗ ⲁⲩⲱ ⲡⲙⲉϩⲥⲛⲁⲩ ⲡⲉ ⲁⲃⲓⲁ ⲉⲩⲟ ⲛⲣⲉϥϯϩⲁⲡ ϩⲛ ⲃⲏⲣⲥⲁⲃⲉⲉ</ab>
3ⲛⲉϥϣⲏⲣⲉ ⲇⲉ ⲙⲡⲟⲩⲙⲟⲟϣⲉ ⲕⲁⲧⲁ ⲧⲉϥⲟⲑⲉ ⲁⲗⲗⲁ ⲁⲩⲣⲟⲕⲧⲟⲩ ⲉⲃⲟⲗ ϩⲛ ⲧⲙⲉ ⲁⲩⲱ ⲛⲉⲩϫⲓⲇⲱⲣⲟⲛ ⲉⲙⲉⲩⲥⲟⲟⲩⲧⲛ ⲉⲃⲟⲗ ⲙⲡϩⲁⲡ</ab>
4ⲁⲩⲱ ⲛϣⲏⲣⲉ ⲙⲡ ⲁⲩⲥⲱⲟⲩϩ ⲉϩⲟⲩⲛ ⲉⲛⲉⲩⲉⲣⲏⲩ ⲁⲩⲉⲓ ⲉϩⲣⲁⲓ ⲉⲁⲣⲙⲁⲑⲁⲉⲓⲙ ⲉⲣⲁⲧϥ ⲛⲥⲁⲙⲟⲩⲏⲗ</ab>
5ⲡⲉϫⲁⲩ ⲛⲁϥ ϫⲉ ⲉⲓⲥ ϩⲏⲏⲧⲉ ⲛⲧⲟⲕ ⲁⲕⲣϩⲗⲗⲟ ⲛⲉⲕϣⲏⲣⲉ ⲇⲉ ⲙⲡⲟⲩⲙⲟⲟϣⲉ ⲕⲁⲧⲁ ⲧⲉⲕⲟⲑⲉ ⲧⲉⲛⲟⲩ ϭⲉ ⲧⲱⲟⲩⲛ ⲛⲅⲕⲁⲑⲓⲥⲧⲁ ⲉϫⲱⲛ ⲛⲟⲩⲣⲣⲟ ⲉⲧⲣⲉϥϯϩⲁⲡ ⲉⲣⲟⲛ ⲛⲑⲉ ⲛⲛⲉⲕⲉϩⲉⲑⲛⲟⲥ</ab>
6ⲁⲩⲱ ⲡϣⲁϫⲉ ⲁϥϣⲱⲡⲉ ⲙⲡⲟⲛⲏⲣⲟⲛ ⲛⲁϩⲣⲉⲛ ⲥⲁⲙⲟⲩⲏⲗ ⲛⲧⲉⲣⲟⲩϫⲟⲟⲥ ϫⲉ ⲙⲁ ⲛⲁⲛ ⲛⲟⲩⲣⲣⲟ ⲉⲃⲟⲗ ϩⲓϫⲱⲛ ⲉⲧⲣⲉϥϯϩⲁⲡ ⲉⲣⲟⲛ ⲁⲩⲱ ⲥⲁⲙⲟⲩⲏⲗ ⲁϥϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ</ab>
7ⲡⲉϫⲉⲡϫⲟⲉⲓⲥ ⲇⲉ ⲛⲥⲁⲙⲟⲩⲏⲗ ϫⲉ ⲥⲱⲧⲙ ⲛⲥⲁ ⲡⲉϩⲣⲟⲟⲩ ⲙⲡⲗⲁⲟⲥ ⲕⲁⲧⲁ ⲑⲉ ⲉⲧⲟⲩϣⲁϫⲉ ⲛⲙⲙⲁⲕ ϫⲉ ⲛⲧⲟⲕ ⲁⲛ ⲡⲉ ⲛⲧⲁⲕⲥⲟϣϥⲕ ⲉⲧⲉⲙⲣⲣⲣⲟ ⲉϫⲱⲟⲩ</ab>
8ⲕⲁⲧⲁ ϩⲱⲃ ⲛⲓⲙ ⲛⲧⲁⲩⲁⲁⲩ ⲛⲁⲓ ⲛϫⲓⲛ ⲉⲡⲉϩⲟⲟⲩ ⲛⲧⲁⲓⲉⲛⲧⲟⲩ ⲉⲃⲟⲗ ϩⲙ ⲡⲕⲁϩ ⲛⲕⲏⲙⲉ ϣⲁ ⲉϩⲣⲁⲓ ⲉⲡⲟⲟⲩ ⲛϩⲟⲟⲩ ⲁⲩⲱ ⲁⲩⲕⲁⲁⲧ ⲛⲥⲱⲟⲩ ⲁⲩⲣϩⲙϩⲁⲗ ⲛϩⲉⲛⲕⲉⲛⲟⲩⲧⲉ ⲧⲁⲓ ⲧⲉ ⲑⲉ ⲉⲧⲟⲩⲉⲓⲣⲉ ⲙⲙⲟⲥ ⲛⲁⲕ ϩⲱⲱⲕ</ab>
9ⲧⲉⲛⲟⲩ ϭⲉ ⲥⲱⲧⲙ ⲛⲥⲁ ⲡⲉⲩϩⲣⲟⲟⲩ ϩⲛ ⲟⲩⲙⲛⲧⲙⲛⲧⲣⲉ ⲇⲉ ⲁⲣⲓⲙⲛⲧⲣⲉ ⲛⲁⲩ ⲁⲩⲱ ⲛⲅⲧⲁⲩⲟ ⲉⲣⲟⲟⲩ ⲙⲡⲇⲓⲕⲁⲓⲱⲙⲁ ⲙⲡⲣⲣⲟ ⲡⲁⲓ ⲉⲧⲛⲁⲣⲣⲣⲟ ⲉϩⲣⲁⲓ ⲉϫⲱⲟⲩ</ab>
10ⲁⲩⲱ ⲥⲁⲙⲟⲩⲏⲗ ⲁϥⲧⲁⲩⲟ ⲙⲡϣⲁϫⲉ ⲧⲏⲣϥ ⲙⲡϫⲟⲉⲓⲥ ⲉⲡⲗⲁⲟⲥ ⲛⲉⲧⲁⲓⲧⲉⲓ ⲛⲧⲟⲟⲧϥ ⲛⲟⲩⲣⲣⲣⲟ ⲉϩⲣⲁⲓ ⲉϫⲱⲟⲩ</ab>
11ⲉϥϫⲱ ⲙⲙⲟⲥ ϫⲉ ⲡⲁⲓ ⲡⲉ ⲡⲇⲓⲕⲁⲓⲱⲙⲁ ⲙⲡⲣⲣⲟ ⲡⲁⲓ ⲉⲧⲛⲁⲣⲣⲣⲟ ⲉϫⲛⲧⲏⲩⲧⲛ ⲛⲉⲧⲛϣⲏⲣⲉ ϥⲛⲁϥⲓⲧⲟⲩ ⲛⲧⲉⲧⲏⲩⲧⲛ ⲛϥⲕⲁⲁⲩ ϩⲁⲣⲁⲧⲟⲩ ⲛⲛⲉϥϩⲁⲣⲙⲁ ⲙⲛ ⲛⲉϥϩⲓⲡⲡⲉⲩⲥ ⲁⲩⲱ ⲉⲩⲡⲏⲧ ϩⲓⲑⲏ ⲛⲛⲉϥϩⲁⲣⲙⲁ</ab>
12ⲉⲧⲣⲉϥϩⲟⲕⲟⲩ ⲟⲛ ⲛϥⲁⲁⲩ ⲛⲁϥ ⲛⲭⲓⲗⲓⲁⲣⲭⲟⲥ ϩⲓ ϩⲏⲕⲁⲧⲟⲛⲧⲁⲣⲭⲟⲥ ⲁⲩⲱ ⲉⲧⲣⲉⲩⲱϩⲥ ⲙⲡⲉϥⲱϩⲥ ⲁⲩⲱ ⲉⲧⲣⲉⲩϫⲱⲱⲗⲉ ⲙⲡⲉϥϫⲱⲱⲗⲉ ⲁⲩⲱ ⲉⲧⲣⲉⲩⲙⲟⲩⲛⲅ ⲛⲛⲉϥⲥⲟⲧⲃⲉϥ ⲙⲙⲓϣⲉ ⲁⲩⲱ ⲛⲥⲟⲧⲃⲉϥ ⲛⲛⲉϥϩⲁⲣⲙⲁ</ab>
13ⲁⲩⲱ ⲛⲉⲧⲛⲕⲉϣⲉⲉⲣⲉ ϥⲛⲁϫⲓⲧⲟⲩ ⲉⲧⲣⲉⲩⲡⲉⲥⲧⲥⲟϭⲉⲛ ⲁⲩⲱ ⲉⲧⲣⲉⲩⲥⲁϩⲧⲉ ⲁⲩⲱ ⲉⲧⲣⲉⲩⲧⲱϭ</ab>
14ⲛⲉⲧⲛⲕⲉⲓⲱϩⲉ ⲉⲧϫⲏⲩ ⲁⲩⲱ ⲛⲉⲧⲉⲙⲙⲁ ⲛⲉⲗⲟⲟⲗⲉ ⲙⲛ ⲛⲉⲧⲛϣⲛⲏ ⲛϫⲟⲉⲓⲧ ⲉⲧⲛⲁⲛⲟⲩⲟⲩ ϥⲛⲁϫⲓⲧⲟⲩ ⲛϥⲧⲁⲁⲩ ⲛⲛⲉϥϩⲙϩⲁⲗ</ab>
15ⲁⲩⲱ ⲡⲉⲧⲛϭⲣⲟϭ ⲙⲛ ⲛⲉⲧⲉⲙⲙⲁ ⲛⲉⲗⲟⲟⲗⲉ ϥⲛⲁϫⲓⲣⲉⲙⲏⲧ ⲙⲙⲟⲟⲩ ⲛϥⲧⲁⲁⲩ ⲛⲛⲉϥϩⲙϩⲁⲗ ⲙⲛ ⲛⲉϥⲥⲓⲟⲩⲣ</ab>
16ⲁⲩⲱ ⲛⲉⲧⲛϩⲙϩⲁⲗ ⲛϩⲟⲟⲩⲧ ⲙⲛ ⲛⲉⲧⲛϩⲙϩⲁⲗ ⲛⲥϩⲓⲙⲉ ⲁⲩⲱ ⲛⲉⲧⲛⲁϩⲟⲟⲩ ⲉⲧⲛⲁⲛⲟⲩⲟⲩ ⲙⲛ ⲛⲉⲧⲉⲛⲉⲥⲟⲟⲩ ϥⲛⲁϫⲓⲧⲟⲩ ⲛϥϫⲓⲣⲉⲙⲏⲧ ⲙⲙⲟⲟⲩ ⲉⲛⲉϥϩⲃⲏⲩⲉ</ab>
17ⲁⲩⲱ ⲛⲉⲧⲛⲟϩⲉ ⲛⲉⲥⲟⲟⲩ ϥⲛⲁϫⲓⲣⲉⲙⲏⲧ ⲙⲙⲟⲟⲩ ⲛⲧⲱⲧⲛ ϩⲱⲧⲧⲏⲩⲧⲛ ⲧⲉⲧⲛⲛⲁϣⲱⲡⲉ ⲛⲁϥ ⲛϩⲙϩⲁⲗ</ab>
18ⲁⲩⲱ ⲛⲧⲉⲧⲛⲱϣ ⲉⲃⲟⲗ ⲙⲡⲉϩⲟⲟⲩ ⲉⲧⲙⲙⲁⲩ ϩⲓⲑⲏ ⲙⲡⲉⲧⲛⲣⲣⲟ ⲡⲁⲓ ⲛⲧⲁⲧⲉⲧⲛⲥⲟⲧⲡϥ ⲛⲏⲧⲛ ⲛⲧⲉⲧⲙⲡϫⲟⲉⲓⲥ ⲥⲱⲧⲙ ⲉⲣⲱⲧⲛ ⲙⲡⲉϩⲟⲟⲩ ⲉⲧⲙⲙⲁⲩ ϫⲉ ⲛⲧⲱⲧⲛ ⲁⲧⲉⲧⲛⲥⲱⲧⲡ ⲛⲏⲧⲛ ⲛⲟⲩⲣⲣⲟ</ab>
19ⲁⲩⲱ ⲙⲡⲉⲡⲗⲁⲟⲥ ⲣϩⲛⲁϥ ⲉⲥⲱⲧⲙ ⲛⲥⲁ ⲥⲁⲙⲟⲩⲏⲗ ⲡⲉϫⲁⲩ ⲛⲁϥ ϫⲉ ⲛⲧⲉⲛⲛⲁϭⲱ ⲁⲛ ϩⲓⲛⲁⲓ ⲁⲗⲗⲁ ⲟⲩⲛⲟⲩⲣⲣⲟ ⲛⲁϫⲡⲉϣⲱⲡⲉ ϩⲓϫⲱⲛ</ab>
20ⲛⲧⲉⲛⲣⲑⲉ ϩⲱⲱⲛ ⲛⲛⲉⲕⲉϩⲉⲑⲛⲟⲥ ⲧⲏⲣⲟⲩ ⲛⲧⲉⲡⲉⲛⲣⲣⲟ ϯϩⲁⲡ ⲉⲣⲟⲛ ⲁⲩⲱ ⲛϥⲙⲟⲟϣⲉ ϩⲓϩⲏ ⲙⲙⲟⲛ ⲛϥⲙⲓϣⲉ ⲙⲛ ⲡⲡⲟⲗⲉⲙⲟⲥ ⲉⲧⲛⲁⲧⲱⲟⲩⲛ ⲉϫⲱⲛ</ab>
21ⲁⲩⲱ ⲥⲁⲙⲟⲩⲏⲗ ⲁϥⲥⲱⲧⲙ ⲉⲛⲉϣⲁϫⲉ ⲧⲏⲣⲟⲩ ⲙⲡⲗⲁⲟⲥ ⲁϥⲧⲁⲩⲟⲟⲩ ⲉⲛⲉⲙⲁⲁϫⲉ ⲙⲡϫⲟⲉⲓⲥ</ab>
22ⲡⲉϫⲉⲡϫⲟⲉⲓⲥ ⲛⲥⲁⲙⲟⲩⲏⲗ ϫⲉ ⲥⲱⲧⲙ ⲛⲥⲁ ⲡⲉⲩϩⲣⲟⲟⲩ ⲛⲅⲧⲱϩⲥ ⲛⲟⲩⲣⲣⲟ ⲉϫⲱⲟⲩ ⲁⲩⲱ ⲥⲁⲙⲟⲩⲏⲗ ⲡⲉϫⲁϥ ⲛⲛⲣⲱⲙⲉ ⲧⲏⲣⲟⲩ ⲙⲡ ϫⲉ ⲙⲁⲣⲉⲡⲟⲩⲁ ⲡⲟⲩⲁ ⲙⲙⲱⲧⲛ ⲃⲱⲕ ⲉϩⲣⲁⲓ ⲉⲧⲉϥⲡⲟⲗⲓⲥ</ab>