1ⲁⲩⲱ ⲁⲩⲉⲓ ⲛϭⲓ ⲛⲣⲱⲙⲉ ⲛⲕⲁⲣⲓⲑⲓⲁⲣⲓⲙ ⲁⲩϥⲓ ⲛⲧⲕⲟⲓⲃⲱⲧⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ ⲁⲩϫⲓⲧⲥ ⲉϩⲟⲩⲛ ⲉⲡⲏⲓ ⲛⲁⲙⲓⲛⲁⲇⲁⲃ ⲡⲉⲧϩⲛⲡⲃⲟⲩⲛⲟⲥ ⲁⲩⲱ ⲉⲗⲉⲁⲍⲁⲣ ⲡⲉϥϣⲏⲣⲉ ⲁϥⲧⲃⲃⲟϥ ⲉⲧⲣⲉϥϩⲁⲣⲉϩ ⲉⲧⲕⲟⲓⲃⲱⲧⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ</ab>
2ⲁⲩⲱ ϫⲓⲛ ⲉⲡⲉϩⲟⲟⲩ ⲛⲧⲁⲧⲕⲟⲓⲃⲱⲧⲟⲥ ϣⲱⲡⲉ ϩⲛ ⲕⲁⲣⲓⲁⲑⲓⲁⲣⲓⲙ ⲛⲉϩⲟⲟⲩ ⲁⲩⲁϣⲁⲓ ⲁⲩⲣϫⲟⲩⲱⲧⲉ ⲛⲣⲟⲙⲡⲉ ⲁⲩⲱ ⲡⲏⲓ ⲧⲏⲣϥ ⲙⲡ ⲁⲩⲕⲧⲟⲟⲩ ⲁⲩⲟⲩⲁϩⲟⲩ ⲛⲥⲁ ⲡϫⲟⲉⲓⲥ</ab>
3ⲥⲁⲙⲟⲩⲏⲗ ⲇⲉ ⲡⲉϫⲁϥ ⲙⲡⲏⲓ ⲧⲏⲣϥ ⲙⲡ ϫⲉ ⲉϣⲱⲡⲉ ϩⲙ ⲡⲉⲧⲛ[ϩⲏⲧ ⲧⲏⲣϥ] ⲛⲧⲱⲧⲛ [ⲧⲉ]ⲧⲛⲛⲁⲕⲉⲧⲧⲏⲩⲧⲛ ⲉⲡϫⲟⲉⲓⲥ ϥⲓ ⲙⲙⲁⲩ ⲛⲛⲉⲧⲛⲛⲟⲩⲧⲉ ⲛϣⲙⲙⲟ ⲉⲃⲟⲗ ϩⲛ ⲧⲉⲧⲛⲙⲏⲧⲉ ⲙⲛ ⲛⲉⲕⲉⲙⲁ ⲛϣⲏⲛ ⲛⲧⲉⲧⲛⲥⲟⲩⲧⲛ ⲛⲉⲧⲛϩⲏⲧ ⲉϩⲟⲩⲛ ⲉⲡϫⲟⲉⲓⲥ ⲛⲧⲉⲧⲛⲣϩⲙϩⲁⲗ ⲛⲁϥ ⲟⲩⲁⲁⲃ ⲁⲩⲱ ϥⲛⲁⲛⲉϩⲙⲧⲏⲩⲧⲛ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ</ab>
4ⲁⲩⲱ ⲛⲉϣⲏⲣⲉ ⲙⲡ ⲁⲩϥⲓ ⲙⲙⲁⲩ ⲛⲛⲉⲃⲁϩⲁⲗⲓⲙ ⲙⲛ ⲛⲉⲕⲉⲙⲁ ⲛϣⲏⲛ ⲛⲧⲁⲥⲧⲁⲣⲱⲑ ⲁⲩⲣϩⲙϩⲁⲗ ⲙⲡϫⲟⲉⲓⲥ ⲙⲁⲩⲁⲁϥ</ab>
5ⲡⲉϫⲉⲥⲁⲙⲟⲩⲏⲗ ⲛⲁⲩ ϫⲉ ⲥⲱⲟⲩϩ ⲉϩⲟⲩⲛ ⲙⲡ ⲧⲏⲣϥ ⲉϩⲣⲁⲓ ⲉⲙⲁⲥⲥⲏⲫⲁⲧ ⲛⲧⲁϣⲗⲏⲗ ⲉϩⲣⲁⲓ ⲉⲡϫⲟⲉⲓⲥ ⲉϫⲱⲧⲛ</ab>
6ⲁⲩⲥⲱⲟⲩϩ ⲇⲉ ⲧⲏⲣⲟⲩ ⲉϩⲣⲁⲓ ⲉⲙⲁⲥⲏⲫⲁⲧ ⲁⲩⲙⲉϩⲙⲟⲟⲩ ⲁⲩⲡⲱϩⲧ ϩⲁⲑⲏ ⲙⲡϫⲟⲉⲓⲥ ⲉϫⲙ ⲡⲕⲁϩ ⲁⲩⲱ ⲁⲩⲛⲏⲥⲧⲉⲩⲉ ⲙⲡⲉϩⲟⲟⲩ ⲉⲧⲙⲙⲁⲩ ⲉⲩϫⲱ ⲙⲙⲟⲥ ϫⲉ ⲁⲛⲣⲛⲟⲃⲉ ⲙⲡⲙⲧⲟ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲥⲁⲙⲟⲩⲏⲗ ⲁϥϯϩⲁⲡ ⲉⲛⲉϣⲏⲣⲉ ⲙⲡ ϩⲙ ⲙⲁⲥⲏⲫⲁⲧ</ab>
7ⲛⲁⲗⲗⲟⲫⲩⲗⲟⲥ ⲇⲉ ⲁⲩⲥⲱⲧⲙ ϫⲉ ⲛⲉϣⲏⲣⲉ ⲧⲏⲣⲟⲩ ⲙⲡ ⲁⲩⲥⲱⲟⲩϩ ⲉⲙⲁⲥⲥⲏⲫⲁⲧ ⲁⲩⲉⲓ ⲉϩⲣⲁⲓ ⲛϭⲓ ⲛⲥⲁⲧⲣⲁⲡⲏⲥ ⲛⲛⲁⲗⲗⲟⲫⲩⲗⲟⲥ ⲉⲣⲱϥ ⲙⲡ ⲁⲩⲱ ⲛⲉϣⲏⲣⲉ ⲙⲡ ⲁⲩⲥⲱⲧⲙ ⲁⲩⲣϩⲟⲧⲉ ⲉⲙⲁⲧⲉ ϩⲓⲑⲏ ⲛⲛⲁⲗⲗⲟⲫⲩⲗⲟⲥ</ab>
8ⲡⲉϫⲉⲛⲉϣⲏⲣⲉ ⲙⲡ ⲉϩⲟⲩⲛ ϩⲛ ⲥⲁⲙⲟⲩⲏⲗ ϫⲉ ⲙⲡⲉⲣⲕⲁⲣⲱⲕ ⲉϫⲱⲛ ⲛⲅϭⲱ ⲛⲟⲩⲉϣ ⲛⲱϣ ⲉϩⲣⲁⲓ ⲉⲡϫⲟⲉⲓⲥ ⲡⲉⲕⲛⲟⲩⲧⲉ ⲛⲅⲛⲁϩⲙⲉⲛ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ</ab>
9ⲁⲩⲱ ⲥⲁⲙⲟⲩⲏⲗ ⲁϥϫⲓ ⲛⲟⲩϩⲓⲉⲓⲃ ⲉϥϩⲁⲡⲉϥⲉⲣⲱⲧⲉ ⲁϥⲧⲁⲗⲟϥ ⲉϩⲣⲁⲓ ⲛⲟⲩϭⲗⲓⲗ ⲙⲛ ⲡⲗⲁⲟⲥ ⲧⲏⲣϥ ⲙⲙⲁϩ ⲙⲡϫⲟⲉⲓⲥ ⲁⲩⲱ ⲥⲁⲙⲟⲩⲏⲗ ⲁϥⲱϣ ⲉϩⲣⲁⲓ ⲉⲡϫⲟⲉⲓⲥ ⲉϫⲙ ⲡ ⲁⲡϫⲟⲉⲓⲥ ⲥⲱⲧⲙ ⲉⲣⲟϥ</ab>
10ⲥⲁⲙⲟⲩⲏⲗ ⲇⲉ ⲛⲉϥⲧⲁⲗⲟ ⲉϩⲣⲁⲓ ⲙⲡⲉϥϭⲗⲓⲗ ⲛⲁⲗⲗⲟⲫⲩⲗⲟⲥ ϩⲱⲟⲩ ⲁⲩⲉⲓ ⲉϩⲣⲁⲓ ⲉⲣⲱϥ ⲙⲡ ⲉⲡⲟⲗⲩⲙⲉⲓ ⲛⲙⲙⲁⲩ ⲡϫⲟⲉⲓⲥ ⲇⲉ ⲁϥϯ ⲛⲟⲩϩⲣⲟⲩⲃⲁⲓ ⲙⲡⲉϩⲟⲟⲩ ⲉⲧⲙⲙⲁⲩ ϩⲛ ⲟⲩⲛⲟϭ ⲛϩⲣⲟⲟⲩ ⲉϫⲛ ⲛⲁⲗⲗⲟⲫⲩⲗⲟⲥ ⲁⲩⲱ ⲁⲩϣⲧⲟⲣⲧⲣ ⲁⲩϭⲱⲧⲡ ⲙⲡⲙⲧⲟ ⲉⲃⲟⲗ ⲙⲡ</ab>
11ⲛϣⲏⲣⲉ ⲇⲉ ⲙⲡ ⲁⲩⲉⲓ ⲉⲃⲟⲗ ϩⲙ ⲙⲁⲥⲥⲏⲫⲁⲧ ⲁⲩⲡⲱⲧ ⲛⲥⲁ ⲛⲁⲗⲗⲟⲫⲩⲗⲟⲥ ⲁⲩϩⲓⲟⲩⲉ ⲛⲥⲱⲟⲩ ϣⲁⲛⲧⲟⲩⲉⲓ ⲉϩⲣⲁⲓ ⲉⲃⲁⲓⲑⲭⲟⲣ</ab>
12ⲁⲩⲱ ⲥⲁⲙⲟⲩⲏⲗ ⲁϥϫⲓ ⲛⲟⲩⲱⲛⲉ ⲁϥⲧⲁϩⲟϥ ⲉⲣⲁⲧϥ ϩⲛ ⲧⲙⲏⲧⲉ ⲙⲙⲁⲥⲥⲏⲫⲁⲧ ⲁⲩⲱ ϩⲛ ⲧⲙⲏⲧⲉ ⲛⲧⲉⲧⲟⲩⲙⲟⲩⲧⲉ ⲉⲣⲟⲥ ϫⲉ ⲧⲡⲁⲗⲁⲓⲁ ⲁϥⲙⲟⲩⲧⲉ ⲉⲡⲉϥⲣⲁⲛ ϫⲉ ⲁⲃⲉⲛⲉⲍⲉⲣ ⲉⲧⲉⲡⲁⲓ ⲡⲉ ⲡⲱⲛⲉ ⲙⲡⲃⲟⲏⲑⲟⲥ ⲉϥϫⲱ ⲙⲙⲟⲥ ϫⲉ ϣⲁ ⲉϩⲣⲁⲓ ⲉⲡⲉⲓⲙⲁ ⲁⲡϫⲟⲉⲓⲥ ⲃⲟⲏⲑⲉⲓ ⲉⲣⲟⲛ</ab>
13ⲁⲩⲱ ⲡϫⲟⲉⲓⲥ ⲁϥⲑⲃⲃⲓⲟ ⲛⲛⲁⲗⲗⲟⲫⲩⲗⲟⲥ ⲙⲡⲟⲩⲱϩ ⲉⲧⲟⲟⲧⲟⲩ ⲉⲉⲓ ⲉϫⲛ ⲛⲉⲧⲟϣ ⲙⲡ ⲁⲩⲱ ⲧϭⲓϫ ⲙⲡϫⲟⲉⲓⲥ ⲁⲥϣⲱⲡⲉ ⲉϫⲛ ⲛⲁⲗⲗⲟⲫⲩⲗⲟⲥ ⲛⲛⲉϩⲟⲟⲩ ⲧⲏⲣⲟⲩ ⲛⲥⲁⲙⲟⲩⲏⲗ</ab>
14ⲁⲩⲱ ⲙⲡⲟⲗⲓⲥ ⲛⲧⲁⲛⲁⲗⲗⲟⲫⲩⲗⲟⲥ ϥⲓⲧⲟⲩ ⲛⲧⲟⲟⲧⲟⲩ ⲛⲛϣⲏⲣⲉ ⲙⲡ ϫⲓⲛ ⲁⲥⲕⲁⲗⲱⲛ ϣⲁ ⲉϩⲣⲁⲓ ⲉⲁⲍⲟⲃ ⲁⲩⲱ ⲡⲧⲟϣ ⲙⲡ ⲁⲩϥⲓⲧϥ ⲛⲧⲟⲟⲧⲟⲩ ⲛⲛⲁⲗⲗⲟⲫⲩⲗⲟⲥ ⲛⲉⲣⲉⲟⲩⲉⲓⲣⲏⲛⲏ ⲇⲉ ϣⲟⲟⲡ ϩⲛ ⲧⲙⲏⲧⲉ ⲛⲛϣⲏⲣⲉ ⲙⲡ ⲁⲩⲱ ϩⲛ ⲧⲙⲏⲧⲉ ⲙⲡⲁⲙⲟⲣⲣⲁⲓⲟⲥ</ab>
15ⲁⲩⲱ ⲥⲁⲙⲟⲩⲏⲗ ⲁϥϯϩⲁⲡ ⲉⲡ ⲛⲛⲉϩⲟⲟⲩ ⲧⲏⲣⲟⲩ ⲙⲡⲉϥⲱⲛϩ</ab>
16ⲁϥⲕⲱⲧⲉ ⲉⲃⲁⲓⲑⲏⲗ ⲙⲛ ⲅⲁⲗⲅⲁⲗⲁ ⲙⲛ ⲙⲁⲥⲥⲏⲫⲁⲧ ⲉϥϯϩⲁⲡ ⲉⲡ ϩⲛ ⲛⲙⲁ ⲧⲏⲣⲟⲩ ⲉⲧⲧⲃⲃⲏⲩ</ab>
17ⲡⲉϥⲙⲁ ⲛⲉⲥⲑⲁ ⲇⲉ ⲡⲉ ⲁⲣⲙⲁⲑⲁⲉⲓⲙ ⲉⲃⲟⲗ ϫⲉ ⲛⲉⲣⲉⲡⲉϥⲏⲓ ⲙⲙⲁⲩ ⲁⲩⲱ ⲛⲉϥϯϩⲁⲡ ⲉⲡ ϩⲙ ⲡⲙⲁ ⲉⲧⲙⲙⲁⲩ ⲁⲩⲱ ⲁϥⲕⲱⲧ ϩⲙ ⲡⲙⲁ ⲉⲧⲙⲙⲁⲩ ⲛⲟⲩⲑⲩⲥⲓⲁⲥⲧⲏⲣⲓⲟⲛ ⲙⲡϫⲟⲉⲓⲥ</ab>