1Naama volo ná, ziɛungi laa ɠa lao Davide ná-pɛlɛyeɠei ʋɛ ta Zeluzalɛme nuiti bɛ, é ta-ɠotoiti ta ta-ɠɔzɔba vaiti gba.
2«Naama volo ná, nà kɔɔɠɔ ganigiti folo zooi ʋa, nu nɔpɛ ge la mɔ ti-laasei boga. Nà ma ɠala goo wo nuiti ɓalaa kula zooi ʋa, ta kɔzɔba ɠisiɛiti pɛ,» Ɠɔoɠɔ GALAGI, Fai-Pɛ-Maliɠii wooi ɠana.
3«Naazu, zɔi nɔpɛ é ɠɛɛzu GALA goo wosu, sɔlɔɔ kɛɛɠɛi, ta sɔlɔɔ deei ta ɠɛ ma: ‹È la mɔ yɛga vulua mazɔlɔɔ zɛɛ ɠala gooi ɠa è bosu Ɠɔoɠɔ GALAGI lɔɠɔi zu.› Sɔlɔɔ nuiti ɓɔɠɔgo ɠa naazu ti bɔɔzu, siɛgi zu é ɠɛɛzu GALA gooi wosu da.
4Naama volo ná, ma ɠala goo wo nuiti ti pɛ ti laa ɠa ve ga unfegi, siɛgi zu ti gala gooi wosu da, ti sɔlɔɔsu ta-ɠulakɛlɛmaiti su. Ti la mɔ kɛa pɛ, ti ʋa sua leɠa zeɠe wolai ta loo ɠɔba, ti ʋa ɗa nuiti yaava.
5Ti ɠilagilagi a ɗa ɠɛ ma: ‹Gè la ga GALA goo wo nu, nà ga tii ɠɛɛ nu nɔ, tii ɠɛ yooiti ta zèa kaite mà nu niinɛ ziɛ su.›
6Ni ta gaazaɠana, ti ɠɛ ma: ‹È palai niiti sɔlɔɔgɛ ɠale, ti è-ɠɔlɔgi ma?› Toɠa ti wooɠaaʋote, é ɠɛ ma: ‹Gè ti zɔlɔɔgɛ nɛ̀ɛɲɔɠɔiti ta-ʋɛlɛi wu.› »
7«Boɠa zɔkpɔi wuzeɠe nà-baala makɛ nui laalɔɠɔma,
8Zooi zu nuɓusɛiti gaa ɠa ɠwɛsu saʋa,
9«Nà seizu ɠilagi naa lɔ abui zu,