1Siɠigi ɓegai ma ga lo ʋolu, gi kpogiti too da, gi siɠida makɛ nuiti ta guye loo nuiti ta Levi nuiti pilɛni ti-losuʋɛti ʋolu.
2Gè Zeluzalɛme ɠundiɠilai veeni kɛ̀ɛloin Ɠanani ya, ta Zeluzalɛme zalaʋusu ɠundiɠii Ɠanania, mazɔlɔɔ é ɠɛni ga lada nu, nii é ɠɛni luazu GALA ba, é leʋe nu mɔinmɔin ba.
3Gè ɠɛni ti ma: «Zeluzalɛme taa ziɠidaʋɛti daa ɠa ɗa lao nɔ ga folo liegi ɠa kpaana, kpɔkɔi ti laaɠulu, sɔɠɔgiti ti ʋilisu pɛ, siɠida makɛ nuiti ti ʋa zeɠe náti. Ɲiisui ɠa zeizu kpasu Zeluzalɛme nuiti saama, tanigaa ti ɗa adɛti makɛ ʋɛ ná ɠa ve ti ya, mɔtaiti ti ɛsɛ ge ɗa ná-pɛlɛ ɠobaʋɛ makɛ.»
4Zeluzalɛme laai zuwɔɔlɔʋɛ, é ɓaɠo, kɛlɛ nuɓusɛi la ɠɛni mɔinni su, pɛlɛi tanigaa ti la ɠɛni dɛ loni ʋolu.
5Nà-GALAGI puuni zìi ma ga gè nu wolaiti ta kundiɠiiti gaalɛ ba, ta nuɓusɛi mɔtai pɛ, gè ti ɠaalu. Gè sɛʋɛi ɠaani, nii nu mɔungi niiti ti ɠulani duɔlai zu, ti-laaseigiti sɛʋɛai su. Nii ɠa gè kaani sɛʋɛi naa zu:
6Zuda you zɛʋɛi ma nuiti tɔɠɔiti pɛtɛ, niiti Ɓaɓilɔne masagi Neɓukadenɛzaal liini ga tiye duɔlai zu, ta ti ɠaleni ma Zeluzalɛme ta Zuda yooi zu, ti zei ta-laaiti su ti ɠilagilagi pɛ.
7Nui niiti ka ti loni ti luɠɔ: Zoloɓaɓɛle, Zozuwe, Neɠemi, Azalia, Laamiya, Naɠamani, Maledosé, Ɓilisan, Misipelɛte, Ɓigivayi, Newume, Ɓaana.
8Paleyɔse mavofodaiti waafelegɔ ungila puulɔfela maazu felegɔ (2.172),
9Sefatia mavofodaiti unsaʋagɔ puulɔfela maazu felegɔ (372),
10Ala mavofodaiti undɔzita puulɔɔlu maazu felegɔ (652),
11Paɠate-Moaɓe mavofodaiti, Zozuwe ta Zoaɓe ta-ʋɛlɛyeɠei wu waafelegɔ undɔsaʋa puugɔ maazu lɔsaʋa (2.818),
12Elame mavofodaiti waagila unfele puulɔɔlu maazu naanigɔ (1.254),
13Zatu mavofodaiti undɔsaʋa puunaani maazu lɔɔlugɔ (845),
14Zakayi mavofodaiti undɔfela puulɔzita (760),
15Ɓinuwi mavofodaiti undɔzita puunaani maazu lɔsaʋa (648),
16Ɓeɓayi mavofodaiti undɔzita puufele maazu lɔsaʋa (628),
17Azagade mavofodaiti waafelegɔ unsaʋagɔ puufele maazu felegɔ (2.322),
18Adonikame mavofodaiti undɔzita puulɔzita maazu lɔfela (667),
19Ɓigivayi mavofodaiti waafelegɔ puulɔzita maazu lɔfela (2.067),
20Adin mavofodaiti undɔzita puulɔɔlu maazu lɔɔlugɔ (655),
21Atɛɛl mavofodaiti, Ezekiase ná-pɛlɛyeɠei wu puutaaʋuu maazu lɔsaʋa (98),
22Ɠasume mavofodaiti unsaʋagɔ puufele maazu lɔsaʋa (328),
23Ɓesayi mavofodaiti unsaʋagɔ puufele maazu naanigɔ (324),
24Alife mavofodaiti ungila puugɔ maazu felegɔ (112),
25Gaɓaɠɔn nuiti puutaaʋuugɔ maazu lɔɔlugɔ (95),
26Ɓɛteleyɛme ta Netofa nuiti ungila puulɔsaʋa maazu lɔsaʋa (188),
27Anatɔte nuiti ungila puufele maazu lɔsaʋa (128),
28Ɓɛte-Azamavɛte nuiti puunaani maazu felegɔ (42),
29Kiliyate-Yeyalime nuiti, ta Kefila nuiti, naa ʋɛɛ Ɓeyelɔte nuiti ba, undɔfela puunaani maazu saʋagɔ (743),
30Lama nuiti ta Geɓa nuiti undɔzita puufele maazu ɠila (621),
31Mikemase nuiti ungila puufele maazu felegɔ (122),
32Ɓetɛle nuiti ta Ayi nuiti ungila puufele maazu saʋagɔ (123),
33Neɓo taai zɔi ma nuiti puulɔɔlu maazu felegɔ (52),
34Elame zɔi mavofodaiti waagila unfele puulɔɔlu maazu naanigɔ (1.254),
35Ɠalime mavofodaiti unsaʋagɔ puufele (320),
36Zeliko nuiti unsaʋagɔ puunaani maazu lɔɔlugɔ (345),
37Lode, ta Ɠadide, naa ʋɛɛ Wono nuiti ba undɔfela puufele maazu ɠila (721),
38Senaa nuiti waasaʋagɔ untaaʋuugɔ puusaʋagɔ (3.930).
39Zalaɠa ɠula nuiti tetegi:
40Imɛɛl mavofodaiti waagila puulɔɔlu maazu felegɔ (1.052)
41Pasuul mavofodaiti waagila unfele puunaani maazu lɔfela (1.247)
42Ɠalime mavofodaiti waagila puugɔ maazu lɔfela (1.017).
43Levi nuiti tetegi zu:
44Guye loo nuiti:
45Siɠida makɛ nuiti:
46GALA sei ʋɛlɛi wu wotiɠɛ nuiti ti ɠɛni ga niiti ti-laaseigiti ti ʋaazu, ti-mavofodaiti:
47Kelɔse, Siya, Padɔn,
48Leɓana, Ɠagaɓa, Salemai,
49Ɠanan, Gidɛle, Gaɠaal,
50Leaya, Lesin, Nekoda,
51Gazame, Uza, Paseya,
52Ɓesayi, Meɠunime, Nefusesime,
53Ɓakeɓuke, Ɠakufa, Ɠaaleɠuul,
54Ɓasalite, Meyida, Ɠaalesa,
55Ɓaalekɔse, Sisela, Tama,
56Nesiya, Ɠatifa.
57Salomɔn ná-botiɠɛ nuiti ti-mavofodaiti ti ɠɛni ga niiti ti-laaseigiti ti ʋaazu, naati ti-mavofodaiti:
58Yaala, Daalakon, Gidɛle,
59Sefatia, Ɠatile, Pokɛlɛte-Ɠasebayime, Amon.
60GALA sei ʋɛlɛi wu wotiɠɛ nuiti, ta Salomɔn ná-botiɠɛ nuiti ti-mavofodaiti pɛ kpɔga ɠɛni ga nu unsaʋagɔ puutaaʋuu maazu felegɔ (392).
61Tanigaa ti zeɠeni taai niiti su ti ʋa: Tɛle-Mela, Tɛle-Yaalesa, Keluɓe-Adon, Imɛɛl, kɛlɛ ti la ɠɛni zooni ti ʋa ta-wolodaiti dɔlɔ ta ti-mɛmɛwolani nii é dɛɛzu ga ta ga Izilayɛle nu, ti laaseigiti kaa:
62Delaya, ta Toɓiya, ta Nekoda, ti-mavofodaiti undɔzita puunaanigɔ maazu felegɔ (642).
63Zalaɠa ɠula nuiti ɓalaa saama, tanigaa ti ɠɛni naama ɠɛʋelei zu, naati daaseigiti kaa:
64Sɛʋɛi nii ti-mɛmɛwolani daaseigi su, ti gaiziɛni, kɛlɛ ti la kaani. Naa maaʋele ma ti ti ʋɛtɛni ga ti la ɲadeni, ti la ɠɛni vaani bu, naati ti ʋa boti nɔpɛ kɛ zalaɠa ɠulazuʋɛ.
65Zou zɛʋɛ ɠundiɠii ɓɔɠɔgoi ti leveni ga ti mina daamianigi naa ta mi, niiti ti veai GALA bɛ, eyɛsu zalaɠa ɠula nui gila ge GALA gaazaɠa ta-vaa zu ga wuulimegi ta tumimegi.
66Bɛbɛi pɛ kpɔga ɠɛni ga nu waaʋuunaanigɔ maazu felegɔ unsaʋagɔ puulɔzita (42.360).
67Ta-wotiɠɛ nuiti, zinaa ta anzaa, ti ɠɛni ga nu waadɔfela unsaʋagɔ puusaʋa maazu lɔfela (7.337). Guye loo nuiti, zinaa ta anzaa, naati ti ɠɛ ga unfelegɔ puunaani maazu lɔɔlugɔ (245). Sooi ɠɛni ti ya ga undɔfela puusaʋagɔ maazu lɔzita (736), soovale fuului ɠɛ ti ya ga unfelegɔ puunaani maazu lɔɔlugɔ (245).
68Ɲɔmɛi ɠɛni ti ya ga unnaanigɔ puusaʋagɔ maazu lɔɔlugɔ (435), soovalegi ɠɛ ga waadɔzita undɔfela puufele (6.720).
69Pɛlɛyeɠe ɠundiɠii ma mɔinmɔin ge vebɛaniiti feeni GALA sei ʋɛlɛi ma woti vai zu. Kundiɠii ɓɔɠɔi ɠulani ga zanu kae waagila (1.000), ɲama vaza aniɲaka puulɔɔlugɔ (50), zalaɠa ɠula zeɠe undɔɔlugɔ puusaʋagɔ (530), é ti ve GALA sei ʋɛlɛi ma woti vai zu.
70Nii pɛlɛyeɠe ɠundiɠiiti ti feeni, naa liini ga zanu kae waaʋuufelegɔ (20.000), ta kilo waagila ungila (1.100) walii zu.
71Nii Izilayɛle nui zɔiti ti feeni, naa ɠɛ ga zanu kae waaʋuufelegɔ (20.000), ta kilo waagila (1.000) walii zu, naa ʋɛɛ zalaɠa ɠula zeɠe puulɔzita maazu lɔfela (67) ʋa.
72Zalaɠa ɠula nuiti, ta Levi nuiti, naa ʋɛɛ siɠida makɛ nuiti ta guye loo nuiti ba, ta nuɓusɛi zɔiti ʋelei GALA sei ʋɛlɛi wu wotiɠɛ nuiti ti la, ta Izilayɛle nuɓusɛiti pɛ, ɛsɛ ge zeini ná-taa zu.