1Zalaɠa ɠula nuiti ta Levi nui niiti ti ɠulani duɔlai zu, ti ʋa ʋɔɔma ta Seyalitiyɛle ná-doun zunui Zoloɓaɓɛle, é ʋɛɛ Zozuwe ʋa, ti-laaseigiti kaa: Selaya, Zelemi, Ɛsedalase,
2Amalia, Maluke, Ɠatuse,
3Sekania, Lewume, Melemɔte,
4Ido, Ginetoyi, Aɓiya,
5Miyamine, Maadiya, Ɓiliga,
6Semaya, Yoyaliɓe, Yedaya,
7Salu, Amɔke, Yilikiya, Yedaya. Naati ka ti ɠɛni ga zalaɠa ɠula nuiti ta ti-ɠɛɛlointi ta-ɠundiɠiiti, Zozuwe ná-siɛgi zu.
8Levi nuiti kaa: Zozuwe, Ɓinuwi, Kadimiyɛle, Seleɓia, Zuda, ta Matania. Matania ta kɛɛɠɛlointi ka ti maamusɛ wuyeiti daaɠulazu.
9Ti-ɠɛɛlointi Ɓakeɓukia ta Uni ti ɠɛni loni ti ɠakala, ti ɠaaʋotegai ɓɔɠɔ ma ta naati botii ɠɛɛ vai zu.
10Zozuwe Yoyakime zɔlɔɔni, Yoyakime Eliasiɓe zɔlɔɔ, Eliasiɓe Yoyada zɔlɔɔ,
11Yoyada Zonatan zɔlɔɔ, Zonatan Yadua zɔlɔɔ.
12Yoyakime ná-siɛgi zu, niima nuiti ka ti ɠɛni ga zalaɠa ɠula nuiti ta-ʋɛlɛyeɠe ɠundiɠiiti:
13Mesulame ɠa é ɠɛni Ɛsedalase ná-pɛlɛyeɠei unda,
14Zonatan ɠa é ɠɛni Meluki ná-pɛlɛyeɠei unda,
15Adana ɠa é ɠɛni Ɠalime ná-pɛlɛyeɠei unda,
16Zakali ɠa é ɠɛni Ido ná-pɛlɛyeɠei unda,
17Zikili ɠa é ɠɛni Aɓiya ná-pɛlɛyeɠei unda,
18Samua ɠa é ɠɛni Ɓiliga ná-pɛlɛyeɠei unda,
19Matenayi ɠa é ɠɛni Yoyaliɓe ná-pɛlɛyeɠei unda,
20Kalayi ɠa é ɠɛni Salayi ná-pɛlɛyeɠei unda,
21Ɠasaɓiya ɠa é ɠɛni Yilikiya ná-pɛlɛyeɠei unda,
22Siɛgi zu Eliasiɓe ta Yoyada, naa ʋɛɛ Yoɠanan ta Yadua ti ɠɛni la ga zalaɠa ɠula ɠundiɠi wolaiti, ti Levi nuiti daaseigiti sɛʋɛni, niiti ti ɠɛni ga pɛlɛyeɠe ɠundiɠiiti. Ʋele nɔ ɠana ti kɛɛni la ga zalaɠa ɠula nuiti, eyɛsu Pɛɛlese masagi Daliyuse ná-siɛgi.
23Levi ʋɛlɛyeɠe ɠundiɠiiti daaseigiti ɠɛni sɛʋɛi naa zu, nii faa ɓiigiti ti su, kɛlɛ naa ɠɛɛni nɔ eyɛsu é zeeli Eliasiɓe ná-dounloin Yoɠanan ná-siɛgi ma.
24Levi ɠundiɠii niiti: Ɠasaɓiya, Seleɓia, ta Kadimiyɛle ná-doun zunui Zozuwe ta ti-ɠɛɛlointi, ti ɠɛni losu ɠakala, ti ɠaaʋotegai ɓɔɠɔ ma ta naati, ti ɗa GALA maamusɛ wuyeiti ta dɛbi wuyeiti too ta-ziɛgi a la zeelina botiɠɛ vai zu. Ʋele ɠana ti ɠɛni kɛɛzu la, é zoloo devei naa ma, nii GALA ná-nui Davide feeni ti ya.
25Matania, Ɓakeɓukia, Aɓediyase, Mesulame, Talamɔn, ta Akuɓe ti ɠɛni ga siɠida makɛ nuiti, ti ɗa wɛlɛ sɔɔla makɛsuʋɛti ma ti GALA sei ʋɛlɛi laaʋɛti.
26Ti ɠɛni ta wotii ɠɛɛzu Zozuwe ná-doun zunui Yoyakime ná-siɛgi zu, Yosadake ná-dounloin, ta zou zɛʋɛ ɠundiɠii Neɠemi, ta zalaɠa ɠula nui é ga sɛʋɛ ɠɛ nui Ɛsedalase ta-ziɛgi zu.
27Zeluzalɛme ziɠigi laalaosuʋɛ, gi Levi nuiti kpein tolini, ti zeɠe ta-laazuʋɛti, ti ʋa, gi fɛtii ɠula ga koozunɛɛi, siɠigi vee vai zu GALA bɛ, ga GALA maamusɛ wuyeiti ti ɗa loo, kɔtɛgi, papai, ta kɔnigiti ti ɗa ɠɛin bu.
28Guye loo nuiti ti ɠaalɛɛni ba, ti zeɠe Zeluzalɛme maaɠoolii zu laaiti, ta Netofa maaɠoolii zu:
29ta Ɓɛte-Gilegale, é ʋɛɛ Geɓa yooi ɲɛgɛlɛin ba, ta Azamavɛte, mazɔlɔɔ guye loo nuiti ti taaiti toni Zeluzalɛme maaɠoolii zu.
30Zalaɠa ɠula nuiti ta Levi nuiti ti ɓɔɠɔ ɲadeni, ti nuɓusɛiti ɲade, naa ʋɛɛ taa ziɠidaʋɛti ta siɠigi ʋa.
31Gè Zuda ɠundiɠiiti tɛɛni siɠigi ɠa. Gè guye loo nuiti gaaɠwɛɛni su ga felegɔ. Ma mɔungiti ti ɗa ziɛ siɠigi ɠa nu yeezazu ʋelei Kpoɠa Siɠidaʋɛ.
32Nui niiti ka ti ɠɛni ziɛzu guye loo nuiti poluʋɛ: Wosaya, ta Zuda ɠundiɠiiti gilazuʋɛ,
33Azalia, Ɛsedalase, Mesulame,
34Zuda, Ɓɛnzamɛn, Semaya, Zelemi.
35Naa ʋoluma zalaɠa ɠula nui niiti ti ɠɛni puʋugi vɛɛzu: Zakali, Azafe mavofodai, nii mɛmɛwolani ti ɠɛni ga Zakuul, Misé, Matania, Semaya, ta Zonatan,
36ta bɔɔlai niiti: Semaya, Azalɛle, Milalayi, Gilalayi, Maayi, Netaneyɛle, Zuda, ta Ɠanani. Ti gɛingɛin ganigiti seɠeni, niiti GALA ná-nui Davide ti ɓɛtɛni. Sɛʋɛ ɠɛ nui Ɛsedalase ɠa é ɠɛni ti untuɠɔ.
37Ti zeeliai ma Ziɛun Siɠidaʋɛ, ti lɛɛni Davide ná-taai zu ga nu lɛɛzuʋɛti pɔ pelei, ti yɛ siɠigi ɠa, ti Davide ná-pɛlɛi maazuɓudɛ, ti zeeli Ziɛ Ziɠidaʋɛ, folo ɠulazu ʋelei.
38Guye loo nui zɔiti ti liini ga nu ɠɔʋɛzu ʋelei. Gè ʋilɛni ti ʋolu siɠigi ɠa, gá bɛbɛi mɔtaiti. Gi leʋeni Abu Ziɠi Gaaɠoozagi ɠobaʋɛ, ta Siɠigi Ɠaawɔɔlɔzu ʋelei.
39Gi liini, gi leʋe Efelayime Siɠidaʋɛ maazu, ta Siɠida Wɔlɔmai, naa ʋɛɛ Kale Ziɠidaʋɛ ʋa, ta Ɠananeyɛle Ná-Siɠi Koozagi, é ʋɛɛ Mea Ná-Siɠi Koozagi ʋa, gi leʋe Baala Siɠidaʋɛ, gi zeeli Kaso Ziɠidaʋɛ.
40Guye loo nu ɓulu seizu felegɔiti ti loni GALA sei ʋɛlɛi ma ɠoizuʋɛ, gá ɓalaa gá kundiɠiiti niiti ti ɠɛni pòlu,
41ta zalaɠa ɠula nui niiti ti ɗa puʋugi vɛ: Eliakime, Maaseya, Miniyamin, Misé, Eliyɔyenayi, Zakali, Ɠanania,
42naa ʋoluma Maaseya, Semaya, Eleazaal, Uzi, Yoɠanan, Malikiya, Elame, ta Ezɛɛl. Yizalayia ɠa é ɠɛni losu guye loo nuiti tuɠɔ, ti ɗa guyeiti too.
43Naama voloi nuiti ti zalaɠa mɔinmɔin kulani, ti ɗa ɠoozunɛ ga gola, mazɔlɔɔ GALA ge ná-nuɓusɛiti koozunɛɛni ga gola, anzanuiti ta doungoiti ti ɗa ɠoozunɛɛ ɓalaa. Nu ɠɛni yɛsu ɠoozama poun, è ɗa koozunɛ wooi mɛni Zeluzalɛme, ti ná maaɓudɛ.
44Naama ziɛgi zu, zeelobai woni ga zunui tanigaa, ga ti ɗa wɛlɛ pɛlɛiti ma, vɛti vebɛaniiti ta puusiɛiti ti ɠɛni makɛsu ná. Naama nuiti nɔ ɠa ti ɠɛni liizu kpalagiti su taa ɠobaʋɛti, ti zooi ʋaalɔnɔ mɔungiti seɠe, nii tɔgi bogai ga é ɠɛ ga zalaɠa ɠula nuiti ta Levi nuiti kɔnɔgi, ti ʋa ga tiye. Mazɔlɔɔ Zuda nuɓusɛiti kpein ti ɠoozunɛɛni zalaɠa ɠula nuiti ta Levi nuiti ta-woti ʋelei ma,
45ti ɠɛni ta-ƓALAGI ná-botii kpein kɛɛzu, ta nuɓusɛiti ta-ɲade fai ma zii pɛ. Guye loo nuiti ta siɠida makɛ nuiti ɓalaa ti ɠɛni ziɛzu ga devei naa nɔ, nii Davide ta ná-doun zunui Salomɔn ti feeni.
46Mazɔlɔɔ kaite, Davide ta Azafe ta-ziɛgi zu, guye loo ɠundiɠiiti ti ɠɛni GALA dɛbi wuyeiti ta maamusɛ wuyeiti daaɠulazu.
47Zoloɓaɓɛle ta Neɠemi ta-ziɛgi zu, Izilayɛle nuiti kpein ti ɠɛni ʋaazu ga guye loo nuiti ta siɠida makɛ nuiti kɔnɔgi folo-o-folo. Ti ɠɛni ʋaazu ɓalaa ga vebɛani ɲadegaiti, nii é ɠɛni ga Levi nuiti tɔnɔi, Levi nuiti ɓalaa ti ɠɛni naa veezu Aalɔn mavofodaiti zea, nii é ga tɔnɔi vebɛani ɲadegai naati su.