1Masagiti pɛtɛ, niiti Izilayɛle nuiti ti vɔnini ti ma, Zuludɛn folo ɠulazu ʋelei, ti zei ta-yooiti su, é zo ziɛ wolai Aalanɔn ma, eyɛsu é zeeli Ɠɛɛlɛmɔn gizei ma, folo ɠulazu ʋelei, Zuludɛn ma ʋɛtu nɛmɛi zu.
2Ma mɔungi ɠɛni ga Siɠon, Amool nuiti ta-masagi, nii é ɠɛni zeini Ɠɛsɛɓon, ná-masadai zoni Alowɛɛl ma, nii é ziɛ wolai Aalanɔn ma ʋɛtugi laaʋɛ, é zeeli Galaade yooi ɠilazuʋɛ, eyɛsu ziɛ wolai Yaɓɔke ʋɔ bɛ, nii é ɠɛni ga Amɔn nuiti ta-ɠwɛpelemaʋɛ.
3Zuludɛn ma ʋɛtu nɛmɛi ɠɛni zea, folo ɠulazu ʋelei, ta ziɛ wolai Zenezalɛte, lɛkpɛmaʋɛ nu ɠɔʋɛzuʋɛ, é zei Kpoloɗɛ Wanai ʋa, Ɓɛte-Yesimɔte ɠobaʋɛ, ta lɛkpɛmaʋɛ nu yeezazuʋɛ, zooi nii é Pizega ɠizei ɠɔɠɔaʋɛ.
4Ɓasan nuiti ta-masagi Wɔge, nii é ɠɛni ga Lefa mavofodai ma ɠaaɓelagi ta, é ɠɛni masadai ɠɛɛzu Asatalɔte ta Edeleyi unda.
5É ɠɛni masadai ɠɛɛzu Ɠɛɛlɛmɔn gizei ta Saleka ta Ɓasan yooi pɛ unda, eyɛsu é zei Gesuul nuiti ta Maakate nuiti ta-ɠwɛpelemaʋɛ ʋa, ta Galaade ɠilazuʋɛ unda, eyɛsu é zei Ɠɛsɛɓon masagi Siɠon ná-kwɛpelemaʋɛ ʋa.
6Ɠɔoɠɔ GALAGI ná-botiɠɛ nui Moize ta Izilayɛle nuiti ti vɔnini naama masa felegɔiti ma. Moize ta-yooi veeni ga tɔnɔ Luɓɛn ná-bolodai ya, ta Gade ná-bolodai, ta Manasé ná-bolodai ɠilazuʋɛ.
7Masagiti pɛtɛ, niiti Zozuwe ta Izilayɛle nuiti ti vɔnini ti ma Zuludɛn folo liizu ʋelei, é zo Ɓaale-Gade, Liɓan ʋɛtugi zu, é zeeli Ɠalake gizei ma, nii buzeɠeai Seyiil ʋele. Zozuwe ti veeni Izilayɛle wolodaiti zea ga tɔnɔ, é gaaɠwɛ ti ʋa.
8Naama yooiti ti ɠɛni gize yooi, ta ziɛlaʋɛ ma nɛmɛi, ta Zuludɛn ma ʋɛtu nɛmɛi, ta gize wolaiti ma, ta teʋebai zu, ta lɛkpɛmaʋɛ nu yeezazuʋɛ yooi zu. Zooi naati ti ɠɛni ga Ɠɛte nuiti ta-yooiti, ta Amool nuiti, naa ʋɛɛ Kanaan nuiti ta Felɛze nuiti ba, ta Ɠeve nuiti, ta Yeɓuse nuiti.
9Masagiti ti pilɛ sɔlɔɔni ti ma, ti ɠɛni ga niiti: Zeliko masagi, Ayi masagi Ɓetɛle ɠobaʋɛ,
10Zeluzalɛme masagi, Eɓelɔn masagi,
11Yaalemute masagi, Lakise masagi,
12Egelon masagi, Gezɛɛl masagi,
13Deɓiil masagi, Geedɛɛl masagi,
14Ɠɔɔlema masagi, Alade masagi,
15Liɓina masagi, Adulame masagi,
16Makeda masagi, Ɓetɛle masagi,
17Tapua masagi, Ɠefɛɛl masagi,
18Afɛke masagi, Lasalon masagi,
19Madon masagi, Ɠasɔɔl masagi,
20Similon-Melon masagi, Akasafe masagi,
21Taanake masagi, Megido masagi,
22Kedɛse masagi, Yokeneyame masagi é ɠɛni Kaalamɛle,
23Dɔɔl masagi é ɠɛni Dɔɔl yooi zu, Gɔyime masagi é ɠɛni Gilegale ɠobaʋɛ,
24Tiilesa masagi. Masagiti tiegɔi ɠɛni ga nu ʋuusaʋagɔ maazu ɠila (31).