1Ɠɔoɠɔ GALAGI wooi ɠaa mà: «Li, è geze zaamaɠiligi ɠeya ɓɔɠɔ ʋɛ, è gili zaama, kɛlɛ ɓɔɠɔ zo, è mina gba.»
2Gè saamaɠiligi ɠeyani, eɠɛʋelei Ɠɔoɠɔ GALAGI boni la, gè gili zaama.
3Naa ʋolu Ɠɔoɠɔ GALAGI ɓɔɛni pɔ̀ ná zeizu velesiɛi, é ɠɛ mà:
4«Saamaɠiligi tɛi seɠe, è li ziɛ wolai Efelate ʋɔ bɛ, è dɔɔɠu miná kɔtu yeɠei taɠila su.»
5Gè liini, gè dɔɔɠu ziɛ wolai Efelate ɠobaʋɛ, eɠɛʋelei Ɠɔoɠɔ GALAGI ma levei veeni la zèa.
6Gola zuɠoozaai ma, Ɠɔoɠɔ GALAGI ɠɛni mà: «Wuzeɠe, è li ziɛ wolai Efelate ʋɔ bɛ, saamaɠiligi zeɠe ná, nii gè devei veeni è ya, ga è dɔɔɠu ná.»
7Gè liini ziɛ wolai Efelate ʋɔ bɛ, gè ná zuveelɛ, gè saamaɠiligi zeɠe ʋɛ gè dɔɔɠuni ná. Kɛlɛ é ɠoloɠoloni niina, tosu la mɔ ɠɛni ba.
8Ɠɔoɠɔ GALAGI ɓɔɛni pɔ̀, é ɠɛ mà:
9«Ɠɔoɠɔ GALAGI wooi ɠaa: Zekana gè Zuda nuiti ta-wasogi ɠoloɠolosu da, ta Zeluzalɛme ná-waso golai.
10Nuɓusɛi ɲɔu ɠa ga niiti, ti ɠɛlɛzu ga ti mina woilo gòoi ma, ti vɔɔnɛai ta-vaaɠaaɠalalai zu, ti ɠiliai gala kiligiti ba, ti ɗa ti lɛbi, ti ɗa nɔkɔ ti wu. Ta ɠɛɛzu ga saamaɠiligi nii ɠɛʋele, nii é la mɔ ʋani, tosu la ba.
11Tama, eɠɛʋelei nu a ɗa saamaɠiligi ɠili la zaamaʋɛ, ʋele ɠana gè Izilayɛle ʋɛlɛyeɠeiti kpein gilini la, ta Zuda ʋɛlɛyeɠei pɛ,» Ɠɔoɠɔ GALAGI wooi ɠana, «gè tɔ̀ɠɔ ʋagɔi ʋɛɛ ti ʋa, ti ɠɛ ga nà-nuɓusɛiti, nà-lɛbiyai ma ungi, ta nà-kɔbu ansa ʋagɔi. Kɛlɛ ti la woiloni.»
12«Li, è ɠɛ ti ma: ‹Ɠɔoɠɔ GALAGI, Izilayɛle ná-GALAGI wooi ɠaa: Pɔlɔ liɠii ɓɛtɛʋɛ ga dɔɔi ɗa zei su.› Ta è wooɠaaʋotena ga: ‹Naa ɠaaɠalagɛ, gi suɠwɛɛ ga pagɔ,›
13naazu ɗa ɠɛɛzu ti ma: ‹Ɠɔoɠɔ GALAGI wooi ɠaa: Wɛlɛ, nà dɔɔi losu niima yooi zu nuɓusɛiti kpein da, é ti zo, ta masagiti pɛ ti zeini Davide ná-masa kpɔkpɔgi ɠa, naa ʋɛɛ zalaɠa ɠula nuiti ta GALA goo wo nuiti ba, ta nuiti kpein ti zeini Zeluzalɛme taazuʋɛ.
14Nà ti pɛ doɠaloɠa ɓɔɠɔ ʋa, ɠɛɛɠɛi ta doun zunuiti pɛ,› » Ɠɔoɠɔ GALAGI wooi ɠana. « ‹Gè la ɓudɛa nu nɔpɛ maazu, maawɔinɠaa la pele leʋega tùɠɔ, gè ʋa ɓe ti undaaʋilisu.› »
15À woilo, wo ɠida bu!
16À unfemai ve Ɠɔoɠɔ GALAGI ʋɛ, wa-ƓALAGI,
17Ni wo la ɠɛ woiloni,
18Ɠɛ masagi ma ta masa mama wolai:
19Daaɠuluga taa wolaiti tuɠɔ ti lɛkpɛma ʋelei nu yeezazuʋɛ yooi zu,
20Ɠaazu wuzeɠe, è wɛlɛ è zili nuiti ba ti ʋaazu,
21Leeni ɠa ɗa bo naazu,
22Naazu ɗa ɠɛ ɓɔɠɔ ɠaazaɠasu, è ɗa ɠɛ ma:
23Etiyopi nui ɠa zoo nɛi é kɔlɔgi ma zii valibo ɓaa?
24«Nà ɓalaagi, Ɠɔoɠɔ GALAGI, nà wo vazasu fiilɛi zu,
25Zeluzalɛme, wɛlɛ è unma ɠasɔi ɠana,
26Nà ɓalaa nà ɗa-zeɠei ɠulazu è ma,
27Gè è ɓala gooiti mɛni,