1Faiti gi ti wosu, nii ɠa é ga ma ɓii golai: Zalaɠa ɠula ɠundiɠi wolai ɠa ade yeema, toɠa zeini geeɠɔlɔgi zu, GALA Maayikiai ná-kpɔkpɔgi yeezazuʋɛ.
2Toɠa zalaɠa ɠula ɠundiɠi wola wotii ɠɛɛzu seizu ɲadegai, seɠe ʋɛlɛ ɲadega ɠitei wu, nii Maliɠii togai, nu laade é ʋa naa ɠɛ.
3Zalaɠa ɠula ɠundiɠi wolaiti pɛ sei ungi ɠa ga, ti ɗa vebɛaniiti teʋe GALA pɔ ta ti ɗa zalaɠaiti kula. Fizɔgɛ ada-zalaɠa ɠula ɠundiɠi wolai ɓalaagi ma ga ani ɠɛ zea, a teʋe.
4Ni é ɠɛni eteai zu, é la ɓena ɠɛ ga zalaɠa ɠula nu, tɔɔzei zalaɠa ɠula nuiti ta miná niina, niiti ti vebɛaniiti kulazu ga zalaɠai, eɠɛʋelei tɔgi bogai la.
5Naati ta botii ɠɛɛzu, é nɔ ga geeɠɔlɔgi zu aniiti baaɠulabai, ta ti-maaniinigi. Zekana Moize tɛnɛ gooi zɔlɔɔni da, siɛgi zu é ɠɛni seɠe ʋɛlɛ ɲadegai losu da. GALA ge ɠɛni ma: «Dama, è kɛ ga naama ɠazaʋigi nɔ, nii é lɛɛni ga ɗe gizei ma.»8:5 Ɛgz 25:40.
6Kɛlɛ niizu, Yesu ná-botii wɔɔlɔʋɛ tɔnɔi ʋa gola, mazɔlɔɔ toɠa ga zɔɠɔzuɓɛtɛ nui minazeɠe niinɛi ná-faa zu nii fizɔgai gola, nii kpɛtɛai ga minazeɠegiti ti vizɔgai.
7Ni peelalazu la ɠɛni minazeɠe mɔungi ʋa, nu ɓɛdɛ la ɓena ɠɛ felesiɛ ʋa.
8Tama zeli ɠa GALA ge ɠɛni tosu ná-nuɓusɛiti ma, siɛgi zu é ɠɛni ti ma la:
9‹É la ɠɛa eɠɛ minazeɠegi gè kɛɛni ti-mɛmɛwolani bɛ,
10Maliɠii wooi ɠaa:
11Nu nɔpɛ kpɛdɛ la mɔ ɠɛa ba ga é seiɲɔɠɔ ɠala,
12Mazɔlɔɔ nà ta-lelebotala vaiti suvaayɛ,
13GALA ga ɠɛna minazeɠe niinɛi ma vaa woga, é ma mɔungi ɠɛa ga ma wɔlɔma. Tama zɔi kɛai ga ma wɔlɔmai, é wɔlɔzaɠaga, toɠa na ʋa ɲɛɛlɛzu.