1Ɠɔoɠɔ GALAGI ɓɔɛni pɔ̀, é ɠɛ mà:
2«Ɗa ʋe, zunui, GALA gooi wo, è ɠɛ ma:
3Mazɔlɔɔ foloi maa ɠa na ɓuɠa,
4Kɔɔi ɠa ɓɔi Ezipete yooi zu,
5Etiyopi, ta Pute, ta Lude, naa ʋɛɛ nuɓusɛ zupui naati pɛ ba, Liɓi ɓalaa,
6Ɠɔoɠɔ GALAGI wooi ɠaa:
7Ezipete ɠa ɠɛ ga teʋebai zu, é leʋe teʋebai zu yooiti pɛ ba,
8Ta suɠwɛɛ naazu ga nà ɠa gè ga Ɠɔoɠɔ GALAGI,
9Naama voloi, keelaiti nà ti leʋe, ta li ɓatoi zu,
10Maliɠii Ɠɔoɠɔ GALAGI wooi ɠaa:
11Tɔ-o, ná-nuɓusɛiti-yo,
12Nà ziɛ wolai Nile ma ɓekegiti fɔ su,
13Maliɠii Ɠɔoɠɔ GALAGI wooi ɠaa:
14Nà Ezipete yooi ɠoloɠolo lɛkpɛmaʋɛ nu yeezazu ʋelei,
15Nà yiiɠula Sin laalɔɠɔma, Ezipete ná-poluzeigi,
16Nà abui lo Ezipete yooi ʋa,
17Won nu niinɛiti ta Pi-Bezɛte geleiti
18Foloi la toa Taapanɛse,
19Nà Ezipete lukpɔɠaaleʋezu.
20Kona puugɔ maazu ɠilasiɛi (11) ma alu mɔungi ma volo lɔfelasiɛi ma, Maliɠii Ɠɔoɠɔ GALAGI ɓɔɛni pɔ̀, é ɠɛ mà:
21«Ɗa ʋe, zunui, gè Ezipete masagi Falaɠɔn yeei ɠaleni, gaa la ɠilini é ʋa ʋalo, é la laani kpazavɛlɛa zu, nii a kɛ é zɛbɛ zɔlɔɔ, é zoo é boɠa zɔkpɔi ʋili.
22Maliɠii Ɠɔoɠɔ GALAGI wooi ɠaa: ‹Nà wuzeɠezu Ezipete masagi Falaɠɔn laalɔɠɔma. Nà zee felegɔiti galeɠalezu, é la nɔ ga zɔi galeai, kɛlɛ ma ʋagɔi ɓalaa, gè ná-boɠa zɔkpɔi ɠula zea, é loo.
23Naazu nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu.
24Nà ta ɓɔ Ɓaɓilɔne masagi ná-zobogi ʋa, nà, nà ɓɔɠɔi nà-boɠa zɔkpɔi la zea. Falaɠɔn nii gè zeei zuɠaleɠalezu, toɠa yɛ ɓalasu zili nui ya, eyɛsu é za.
25Ungo, nà zobogi ve Ɓaɓilɔne masagi ya, kɛlɛ Falaɠɔn yeei zu ɠa ɓɔlɔ. Ta suɠwɛɛ naazu ga nà ɠa gè ga Ɠɔoɠɔ GALAGI, siɛgi zu gè nà-boɠa zɔkpɔi laazu la Ɓaɓilɔne masagi ya, é ɗa pili Ezipete yooi laalɔɠɔma.
26Nà Ezipete nuiti faza zii ɠiligiti saama, nà ti zuvaza zou mɔinmɔin kiligaa zu. Ta suɠwɛɛ naazu ga nà ɠa gè ga Ɠɔoɠɔ GALAGI.› »