1Siɛgi zu Ɛsedalase laaʋɛa ɠɛni de zooi ma, é ɗa wɔlɔ, GALA sei ʋɛlɛi laaʋɛ, é ɗa niima ƓALA falii ta tosɔgai nii ɠɛ, Izilayɛle nuɓusɛi ma mɔinmɔin ge ɠaalɛɛni ba koba, zunuiti ta anzanuiti ta doungoiti, ti ɗa wɔlɔ ga gola.
2Naazu Yeɠiyɛle ná-doun zunui Sekania, é ga Elame mavofodai ta, naa ɠɛni Ɛsedalase ma: «Gi ɠɛa ga wooʋalada nuiti gá-ƓALAGI ʋɛ, ga gi lii vai gi wɛɛn anzanuiti fulu zii ɠiligiti saama, niiti ti zooi nii zu. Kɛlɛ kito ko ɠa dɛ Izilayɛle ʋɛ niima vai zu.
3Ade minazeɠe niina ada-ƓALAGI ʋɛ ga ada wɛɛn anzanui niiti kpɛɛ ta ti-lointi, eɠɛʋelei màliɠii Ɛsedalase ná-tɛnɛgi la, ta niiti kpein ti ada-ƓALAGI ná-deveiti sosu. Ade ná-tɔgiti so kpaan.
4Wuzeɠe, tɔɔzei ɗa ɠa ɗa niima vai ɠaaɠula ba. Kɛlɛ gá yɛsu è ʋa, zɛbɛzeɠe, è kɛ!»
5Ɛsedalase wuzeɠeni, é kpɛɛlagi la zalaɠa ɠula nuiti ta-ɠundiɠiiti bu, ta Levi geleiti, ta Izilayɛle nuiti pɛ, ga ti ɠona ga ta naa ɠɛ, nii ti bogai. Ti pɛ ti ɠonani.
6Naa ʋoluma Ɛsedalase zeɠeni GALA sei ʋɛlɛi ma ɠoizuʋɛ, é li Eliasiɓe ná-doun zunui Yoɠanan laazuʋɛ, é ɲi ná, kɛlɛ é ɠɛlɛni daamianigi pɛ ba ta kpɔle aniiti pɛ, mazɔlɔɔ é ɠɛni wɔlɔzu Izilayɛle luɔ wɔlɔmaiti ta-ɠoto wolaiti faa zu.
7Ti sɛʋɛi leʋeni názu Zuda yooi zu ná pɛ ta Zeluzalɛme, ga niiti kpein ti ɠɛa duɔlai zu, ti ɠalegai ma, ti ɠaalɛ ba Zeluzalɛme.
8Kundiɠiiti ta totuɠɔiti ti deveni ga zɔi nɔpɛ é la ʋaani folo saʋagɔ laawu, kɔligiti ta ve Ɠɔoɠɔ GALAGI ʋɛ, tɔ ɓɔɠɔi ɠa ɠula naati saama, ti ɠulaai duɔlai zu.
9Zuda ta Ɓɛnzamɛn zunuiti kpein ti ɠaalɛɛni ba Zeluzalɛme folo saʋagɔ laawu. Naa ɠɛɛni alugi laaʋuusiɛi ma volo ʋuufelegɔi (20) ma. Nuɓusɛiti pɛ ti ɠɛni zeini GALA sei ʋɛlɛi ma ɠoizuʋɛ, ti ɗa ɓali, tɔɔzei naama vai ʋa ti ɠɛni su, ta tonai é ɠɛni ʋuuzu ga sabalagi.
10Zalaɠa ɠula nui Ɛsedalase wuzeɠeni, é ɠɛ ti ma: «Wooʋaladai ɠa wo kɛai ga wo wɛɛn anzanuiti fulu vai, wo ta ɓɔga Izilayɛle nuɓusɛiti ta-ɠoto ɠasɔi ʋa.
11À laa zɔ ga niina Ɠɔoɠɔ GALAGI ʋɛ, wo-ɠɛɛni ta-ƓALAGI, wo ziima vai ɠɛ, à bali ma wa zooi nii zu nuɓusɛiti, ta wɛɛn anzanuiti.»
12Nuɓusɛiti pɛ ti gooɠaaʋoteni ga woo wola, ti ɠɛ ma: «Gi-yee ɠa bu! Gá naa ɠɛ, nii è bogai!
13Kɛlɛ nuɓusɛi mɔinʋɛ, tonai ɠaa é ʋuuzu, nu la zooga yɛsu eteaʋɛ, niima vai mu ge la vɔlɔ ga folo ɠila ɓaa folo felegɔ vaa nɔ, mazɔlɔɔ gi ma mɔinmɔin, gi tɔ koloɠologi ɠɛɛʋɛ niima vai zu.
14Gá pɔ ga gá-ɠundiɠiiti ti yɛ nuɓusɛi yeema, zɔiti kpein ti wɛɛn anzanuiti fuluai, naati ti ɗa ʋa ti ʋɔ ta ta-laa ɠundiɠiiti, naa ʋɛɛ tukpɔɠaaleʋe nuiti ba, kui naa ma, nii togai ti ʋɛ, ga niima vai ɠaaɠulazu ba ga pagɔ eyɛsu gá-ƓALAGI ná-ziiɠaawana wolai zeɠe gi maala.»
15Azayɛle ná-doun zunui Zonatan, ta Tikava ná-doun zunui Yaziya, naa ʋɛɛ Mesulame ʋa ta Levi nui Saɓetayi, naati gila kpe nɔ ɠa ti ɠɛlɛni naa ma levei ʋa.
16Izilayɛle nuiti niiti ti ɠulani duɔlai zu, naati pɛ ti vaani bu. Zalaɠa ɠula nui Ɛsedalase yiimazeɠeni pɛlɛyeɠe ɠundiɠiiti pɛlɛyeɠeiti kpein saama, é yeeloni ti ɠilagilagi kpein ba. Ti ta-zei lɔɔzeini alugi ʋuusiɛi ma volo mɔungi ma nii a kɛ ti niima vai wuuʋɛtɛ.
17Alu mɔungi ma volo mɔungi, ti ɓeni ga zunuiti kpein ta-vaiti gaaɠula ba, niiti ti wɛɛn anzanuiti fuluni.
18Zalaɠa ɠula nuiti ti-mavofodaiti saama, tanigaa ti wɛɛn anzanuiti fuluni, naama nuiti daaseigiti ka ga nii:
19Ti minazeɠeni, ti ɠona ga ta ti-anzaiti kpɛɛzu, naa ʋolu ti baala sinɛ ɠilagila kula ga faazuɓɛtɛ zalaɠai ta-ɠotoi ma zuvaayɛ fai zu.
20Niiti ti ɠɛni Imɛɛl mavofodaiti saama, ti ɠɛni ga:
21Niiti ti ɠɛni Ɠalime mavofodaiti saama, ti ɠɛni ga:
22Niiti ti ɠɛni Pasuul mavofodaiti saama, ti ɠɛni ga:
23Niiti ti ɠɛni Levi nuiti saama, ti ɠɛni ga:
24Nii é ɠɛni gɛingɛin gani nuiti saama, naa ɠɛni ga:
25Niiti ti ɠɛni Izilayɛle nui mɔtaiti saama, ti ɠɛni ga:
26Elame mavofodai zu geleiti ti ɠɛni ga:
27Zatu mavofodai zu geleiti ti ɠɛni ga:
28Ɓeɓayi mavofodai zu geleiti ti ɠɛni ga:
29Ɓani mavofodai zu geleiti ti ɠɛni ga:
30Paɠate-Moaɓe mavofodai zu geleiti ti ɠɛni ga:
31Ɠalime mavofodai zu geleiti ti ɠɛni ga:
32Ɓɛnzamɛn, Maluke ta Semalia.
33Ɠasume mavofodai zu geleiti ti ɠɛni ga:
34Ɓani mavofodai zu geleiti ti ɠɛni ga:
35Ɓenaya, Ɓedia, Keluɠu,
36Vania, Melemɔte, Eliasiɓe,
37Matania, Matenayi, Yaasayi,
38Ɓani, Ɓinuwi, Simeyi,
39Selemiya, Natan, Adaya,
40Makenadebayi, Sasayi, Salayi,
41Azalɛle, Selemiya, Semalia,
42Salume, Amalia ta Zozɛfe.
43Neɓo mavofodai zu geleiti ti ɠɛni ga:
44Zunui niiti pɛ ti wɛɛn anzanuiti fuluni, ma mɔinmɔingaa ti doun zɔlɔɔ ti ʋa.