1Naa ʋoluma, gè geezuɠeelai taɠili kaani, é yei, é zeɠe geezuʋɛ. Zobo golai ɠɛni zea, é ɗa volo, ná-foloi eteai pɛ suɠalani.
2É kpeei looni, é wooɠula la, é ɠɛ ma:
3Mazɔlɔɔ é ná-koloɠolo ziiɠula dɔɔi loni ziiti pɛ da, ti ɓɔɔle la.
4Gè woo taɠili mɛnini, é zeɠe geeɠɔlɔgi zu, é ɗa ɠɛ ma:
5Mazɔlɔɔ ná-kotoiti ti ɠaaɓɔga ba, eyɛsu é zeeli geeɠɔlɔgi ma,
6À sala, eɠɛʋelei é ɠɛni salai wosu da.
7Ʋelei é ɓɔɠɔ wɔɔlɔni la,
8Naa maaʋele ma, ná-nimiza vaiti ta zei ma ʋɔɔma folo ɠila daawu,
9Etea masagiti, niiti ti ɓɔɠɔ lɔɔni ná-koloɠologi zu ta tiye, ta ná-ɓɔɠɔyiimaɠɛɛi, ta wɔlɔ, ti ɗa ɓɔɠɔ maawɔin ná-faa zu, siɛgi zu ti taa wolai ɠala luului ɠaazu la.
10Ta lo ɠoozama, kpɔlɔi é zeizu ma, naa ma luai maaʋele ma, ti ɗa ɠɛ ma:
11Etea yaaɠoiti ta wɔlɔ ɓalaa, ti ɗa ɓɔɠɔ maawɔin ná-faa zu, tɔɔzei nu nɔpɛ ge la mɔ ta-zɔɔlaiti ta ɠeyazu,
12ta-yaaɠo zɔɔlaiti ti ga zanugi, walii, ta kɔtu zɔngɔ ɓaagiti, naa ʋɛɛ kɔtu zɔngɔ ɓaagi ʋa é ga pɛɛlegi, ta geze ʋagɔ zeɠei, ta ma ɓɔigi, ta ma ɓɔi sɔsɔgi, naa ʋɛɛ soa zeɠei ʋa, ta gulɔ maku nɛɛnɛ guluiti ma zii pɛ, ta anii ma zii pɛ kpɛtɛai ga see ɲiigai, anii kpein kpɛtɛai ga gului nii pagai gola, naa ʋɛɛ kɔlu ɓɔigiti ba, ta kɔluiti, ta kɔtui daa ga maaleɓelegi,
13kanɛlegiti ɓalaa, ta tufa maku nɛɛnɛgiti, naa ʋɛɛ gulɔ maku nɛɛnɛgiti ba, naa ʋolu miilegiti, ta ansansegiti, ta dɔɔi, naa ʋɛɛ gulɔi ʋa, ta ɓulu vukɔ ʋagɔi, ta moloi, nikɛiti ta baalagiti, naa ʋɛɛ sooiti ba, wotoloiti, ta duɔiti, naa ʋɛɛ kɔɔ luɔiti ba.
14Yaaɠoi niiti ti ɗa ɠɛ taa wolai naa ma:
15Yaaɠoiti ti ta-ɓɛtɛi zɔlɔɔgai yaaɠolai zu ti ɠɛni kɛɛzu taa wolai naa zu, ta lo ɠoozama, kpɔlɔi é zeizu ma, naa ma luai maaʋele ma, ti ɗa wɔlɔ, ti ɗa ɓɔɠɔ maawɔin,
16ti ɗa ɠɛ ma:
17Yeeɠɛɠala ɠila kpe nɔ laawu, naama naavoloiti pɛ ti ɠoloɠologa!»
18ti ɗa kpeei loo, ti ɠɛai ma gala luului ɠaazu, ti ɗa ɠɛ ma: «Taa wolai ɓɛgele ɠa kulaai ga taa wolai nii?»
19Ti ɠɛni fufiligi ʋuuzu tɔungiti ma, ti ɗa wɔlɔ, ti ɠɛni gaalɛi zu, ti ɠɛni kpeei loozu, ti ɗa ɠɛ ma:
20Geeɠɔlɔgi, ɠoozunɛ too vai zu bu!
21Názu ɠa geezuɠeelai sɛbɛi wɔɔlɔai gola, naa kɔtui zeɠeni la buiɗai ga molo ziɠa ɠɔtu wolai ɠɛʋele, é pili ya kpoloɗɛi wu, é ɠɛ ma:
22Eyɛsu pɛ nu la mɔ kɔni goomɛniga taai tɛi su,
23Lanbo zeze la mɔ voloa ná pɛ.
24GALA goo wo nuiti, ta GALA ná-nuiti,