1Izilayɛle ná-doun zunuiti ti ɠɛni ga: Luɓɛn, Simiyɔn, Levi, Zuda, Isakaal, Zaɓulɔn,
2Dan, Zozɛfe, Ɓɛnzamɛn, Nɛfɛtali, Gade, ta Asɛɛl.
3Doun zunu saʋagɔ ɠa Zuda sɔlɔɔni, anzai ʋa Kanaan nui, Suwa ná-doun anzanui, naama lointi daaseigiti kaa: Ɛɛl, Wonan, Sela. Zuda ná-doun zunu mɔungi Ɛɛl zɔgi ɲɔi Ɠɔoɠɔ GALAGI ɠaazu, tama é paa.
4Zuda ná-doun anzai Tamaal, doun zunua zɔlɔɔni Zuda ɓɔɠɔi ʋɛ, naati daaseigiti kaa: Pelɛze ta Zela. Naati pɛ ta ɓɔna su, zunu loun lɔɔlugɔ ɠa Zuda sɔlɔɔni.
5Pelɛze ná-doun zunuiti ti ɠɛni ga: Ɠɛsɛlon ta Ɠamule.
6Zela doun zunu lɔɔlugɔ zɔlɔɔni: Zimili, Etan, Ɠeman, Kalakɔle ta Dala.
7Kaalemi ná-doun zunui ɠɛni ga: Akaal. Tɔ ɠa é ɠɛni ga nimizai ma ungi Izilayɛle ʋɛ, siɛgi zu é kɔɔzogani ta makɛni la ɓɔɠɔ ʋɛ, nii makɛga ɠɛni de Ɠɔoɠɔ GALAGI nɔ ʋɛ.
8Etan ná-doun zunui ɠɛni ga: Azalia.
9Ɠɛsɛlon ná-doun zunuiti ti ɠɛni ga: Yelameyɛle, Lame ta Keluɓayi.
10Lame Aminadaɓe zɔlɔɔni, Aminadaɓe Naason zɔlɔɔ, nii é ɠɛni ga Zuda ʋɛlɛyeɠei ma lotuɠɔi,
11Naason Salema zɔlɔɔ, Salema Ɓoaze zɔlɔɔ,
12Ɓoaze Woɓɛde zɔlɔɔ, Woɓɛde Izayi zɔlɔɔ.
13Izayi ná-doun zunu mɔungi laaseigi ɠɛni ga Eliyaɓe, felesiɛi ɠɛ ga Aɓinadaɓe, saʋasiɛi ɠɛ ga Simeya,
14naanisiɛi ɠɛ ga Netaneyɛle, dɔɔlusiɛi ɠɛ ga Ladayi,
15dɔzitasiɛi ɠɛ ga Wosɛme, naati pɛ poluma dɔfelasiɛi ɠa é ɠɛni ga Davide.
16Ti-ʋaazeelaiti ti ɠɛni ga: Seluya ta Aɓigayile. Doun zunu saʋagɔ ɠa Seluya sɔlɔɔni: Aɓisayi, Zoaɓe ta Azayɛle.
17Aɓigayile zunu loun ɠila sɔlɔɔni Yetɛɛl ʋɛ, Isemayɛle nui, ná-doun zunui naa laasei ge ɠɛni ga Amasa.
18Zunu loun saʋagɔ ɠa Ɠɛsɛlon ná-doun zunui Kalɛɓe sɔlɔɔni anzai Azuɓa ʋa, ta Yeliyɔte, naati ti laaseigiti ti ɠɛni ga: Yesɛɛl, Soɓaɓe ta Aaladon.
19Azuɓa zaani, Kalɛɓe zɛba é Efalate zeɠe ga anza, naa doun zunu ɠila sɔlɔɔ bɛ, daaseigi ga Ɠuul.
20Ɠuul Uli zɔlɔɔni, Uli Ɓɛsaleyɛle zɔlɔɔ.
21Naa ʋoluma, Ɠɛsɛlon kona ʋuulɔzitai (60) zɔlɔɔgai ma, é ʋilɛni Galaade kɛɛɠɛ Makiil ná-doun anzanui ʋolu, é fulu ga anza. Naa doun zɔlɔɔ bɛ daaseigi ga Seguɓe.
22Seguɓe ná-doun zunui ɠɛni ga Yayiil, nii é taa wola ʋuufelegɔ maazu saʋagɔ (23) ɠɛni zea Galaade yooi zu.
23Kɛlɛ Gesuul masagiti ta Alame geleiti ti Yayiil ná-taaiti kulani mavofodaiti zea, naa ʋɛɛ Kenate taa wolai ʋa, ta taa wolai niiti pɛ ti ɠɛni koba, ti pɛ kpɔga ɗa ɠɛ ga taa wola ʋuulɔzita (60). Niiti pɛ ti ɠɛni zeini taai naati su, ti ɠɛni ga Makiil mavofodaiti, nii é ɠɛni ga Galaade kɛɛɠɛ.
24Ɠɛsɛlon zaai ma, nii anzai ɠɛni ga Aɓiya, Kalɛɓe ʋilɛni Efelata ʋolu, naa doun zunu zɔlɔɔ bɛ nii daaseigi ɠɛni ga Asuul, nii é Tekoa laaɠulani.
25Ɠɛsɛlon ná-doun zunu mɔungi Yelameyɛle ná-doun zunuiti ti ɠɛni ga: Lame, ma mɔungi ɠana, naa ʋoluma Ɓuna, Wolɛn, Wosɛme ta Ayiya.
26Yelameyɛle anza ɠili sɔlɔɔni, daaseigi ɠɛni ga Atala, naa doun zunu zɔlɔɔ bɛ, nii daaseigi ɠɛni ga Woname.
27Yelameyɛle ná-doun zunu mɔungi Lame ná-doun zunuiti ti ɠɛni ga: Maase, Yamin ta Ekɛɛl.
28Woname ná-doun zunuiti ti ɠɛni ga: Samayi ta Yada. Samayi ná-doun zunuiti ti ɠɛni ga: Nadaɓe ta Aɓisuul.
29Aɓisuul anzai laaseigi ɠɛni ga Aɓiyayile, naa doun zunu felegɔ zɔlɔɔni bɛ: Aaɓan ta Molide.
30Nadaɓe ná-doun zunuiti ti ɠɛni ga: Selɛde ta Apayime. Selɛde zaani, é la doun zɔlɔɔni.
31Apayime ná-doun zunui ɠɛni ga Yiseyi, Yiseyi Sesan zɔlɔɔ, Sesan Aalayi zɔlɔɔ.
32Samayi kɛɛɠɛloin Yada ná-doun zunuiti ti ɠɛni ga: Yetɛɛl ta Zonatan. Yetɛɛl zaani, é la doun zɔlɔɔni.
33Zonatan ná-doun zunuiti ti ɠɛni ga: Pelɛte ta Zaza. Yelameyɛle mavofodaiti kana.
34Sesan la ɠɛni zunu loun zɔlɔɔni, anzanu lointi nɔ ɠa ti ɠɛni zea. Ezipete nu ɠɛni zea ga duɔi, daaseigi ga Yalaɠa.
35É ná-doun anzanui gila feeni naa ya ga anza. Naa doun zunu zɔlɔɔni, é daasei pɛɛ ga Atayi.
36Atayi Natan zɔlɔɔni, Natan Zaɓade zɔlɔɔ,
37Zaɓade Efelale zɔlɔɔ, Efelale Woɓɛde zɔlɔɔ,
38Woɓɛde Zewu zɔlɔɔ, Zewu Azalia zɔlɔɔ,
39Azalia Ɠelɛse zɔlɔɔ, Ɠelɛse Elasa zɔlɔɔ,
40Elasa Sisimayi zɔlɔɔ, Sisimayi Salume zɔlɔɔ,
41Salume Yekamia zɔlɔɔ, Yekamia Elisama zɔlɔɔ.
42Yelameyɛle kɛɛɠɛloin Kalɛɓe nɔnɔ ma lointi ti ɠɛni ga niiti: Ná-doun zunu mɔungi ɠɛni ga Mesa nii é Zife laaɠulani, felesiɛi ɠɛni ga Malesa, naa ɠa é Eɓelɔn laaɠulani.
43Eɓelɔn ná-doun zunuiti ti ɠɛni ga: Kola, Tapua, Lekɛme ta Sema.
44Sema Laɠame zɔlɔɔni, Laɠame Yolokɛyame zɔlɔɔ. Lekɛme Samayi zɔlɔɔni,
45Samayi Maon zɔlɔɔ, Maon Ɓɛte-Suul zɔlɔɔ.
46Kalɛɓe anzai nii é la ɠɛni vuluni ga zɔi ɠɛʋele, nii daaseigi ɠɛni ga Efa, naa doun zunua zɔlɔɔni Kalɛɓe ʋɛ: Ɠalan, Mosa ta Gazɛze. Ɠalan Gazɛze zɔlɔɔni.
47Yadayi ná-doun zunuiti ti ɠɛni ga: Legeme, Yotame, Gesan, Pelɛte, Efa ta Saafe.
48Kalɛɓe anzai nii é la vuluni ga zɔi ɠɛʋele, daaseigi ga Maaka, naa doun zunua zɔlɔɔni bɛ: Seɓɛɛl ta Tilana.
49Naa ʋoluma, é Mademana kɛɛɠɛ Saafe zɔlɔɔ, naa ʋɛɛ Makaɓena ta Giɓea ti-ɠɛɛ Seva ʋa. Doun anzanu ɠɛni Kalɛɓe ya ɓalaa, daaseigi ga Akasa.
50Kalɛɓe mavofodaiti kana. Kalɛɓe anzai Efelata, nɔnɔ ma loun zunu mɔungi Ɠuul ná-doun zunuiti ti ɠɛni ga: Sɔɓale, nii é Kiliyate-Yeyalime laaɠulani,
51Salema, nii é Ɓɛteleyɛme laaɠulani, naa ʋɛɛ Ɠalɛfe ʋa, nii é Ɓɛte-Gadeel laaɠulani.
52Sɔɓale nii é Kiliyate-Yeyalime laaɠulani, naa vofodaa zɔlɔɔni: Naati ka ti ga Alowe nuiti ta Menuɠote nuiti gilazuʋɛ.
53Kiliyate-Yeyalime ʋɛlɛyeɠeiti ti ɠɛni ga: Yetɛɛl nuiti, Pute nuiti, Sumate nuiti, ta Misala nuiti. Naama ʋɛlɛyeɠeiti ka Sɔla nuiti ta Esetawɔle nuiti ti ɠulaai ti zu.
54Salema mavofodaiti ti ɠɛni ga: Ɓɛteleyɛme nuiti, Netofa nuiti, Atalɔte-Ɓɛte-Zoaɓe nuiti, ta Manati nuiti gilazuʋɛ, ta Sɔla nuiti,
55naa ʋɛɛ faaɠwɛ nuiti ta ʋɛlɛyeɠeiti ba ti ɠɛni zeini Yaɓese: Tileya nuiti, Simeyate nuiti, ta Sukate nuiti. Naati ka ti ga Ken nuiti, Lekaɓe ʋɛlɛyeɠe lotuɠɔi Ɠamate mavofodaiti.