విలాప 1

¹ఒకప్పుడు జనంతో కిటకిటలాడిన పట్టణం1:1 పట్టణం యెరూషలేము పట్టణం, ఇప్పుడు వెలవెలబోయింది.

²రాత్రివేళ ఎంతో శోకిస్తూ ఉంది.

³యూదా పేదరికం, బాధ అనుభవించి, దాస్యంలోకీ, చెరలోకీ వెళ్ళింది.

⁴నియమించిన పండగలకు ఎవరూ రాలేదు గనక సీయోను దారులు సంతాపంతో ఉన్నాయి.

⁵దాని విరోధులు అధికారులయ్యారు. దాని శత్రువులు వర్ధిల్లుతున్నారు.

⁶సీయోను కుమారి అందమంతా పోయింది.

⁷దానికి బాధ కలిగిన కాలంలోనూ, ఆశ్రయం లేని కాలం లోనూ, పూర్వం తనకు కలిగిన శ్రేయస్సు అంతా యెరూషలేము జ్ఞాపకం చేసుకుంటూ ఉంది.

⁸యెరూషలేము ఘోరమైన పాపం చేసింది.

⁹దాని చెంగులకు మురికి అంటింది.

¹⁰దాని శ్రేష్ఠమైన వస్తువులన్నీ శత్రువుల చేతికి చిక్కాయి.

¹¹దాని కాపురస్థులందరూ మూలుగుతూ ఆహారం కోసం వెదుకుతున్నారు.

¹²దారిలో నడిచిపోతున్న ప్రజలారా, ఇలా జరిగినందుకు మీకు ఏమీ అనిపించడం లేదా?

¹³పై నుంచి ఆయన నా ఎముకల్లోకి అగ్ని పంపించాడు.

¹⁴నా అతిక్రమం అనే కాడి నాకు ఆయనే కట్టాడు.

¹⁵నాకు అండగా నిలిచిన శూరులను ఆయన విసిరి పారేశాడు.

¹⁶వీటిని బట్టి నేను ఏడుస్తున్నాను.

¹⁷ఆదరించేవాడు లేక సీయోను చేతులు చాపింది.

¹⁸యెహోవా న్యాయవంతుడు. నేను ఆయన ఆజ్ఞకు వ్యతిరేకంగా తిరుగుబాటు చేశాను.

¹⁹నా ప్రేమికులను నేను పిలిపించినప్పుడు వాళ్ళు నన్ను మోసం చేశారు.

²⁰యెహోవా, నన్ను తేరి చూడు. నాకు అమితమైన బాధ కలిగింది. నా కడుపు తిప్పుతోంది.

²¹నా మూలుగు విను. నన్ను ఆదరించేవాడు ఒక్కడూ లేదు. నువ్వు నాకు కష్టం కలిగించావన్న వార్త నా శత్రువులు విని సంతోషంగా ఉన్నారు.

²²వాళ్ళు చేసిన చెడుతనం అంతా నీ ఎదుటికి వస్తుంది గాక.