1Ala, i xa a niya mangɛ xa kiiti tinxinxi sa.
2Na kui a xa i xa ɲama makiiti nɔndi ra,
3Masenyi xa ti geyae fari, ɲama bɔɲɛ saxi ra,
4Mangɛ xa sɛriyɛ raba tɔɔrɔmixie bɛ,
5Mixie xa gaaxu i ya ra abadan,
6Mangɛ xa lu alɔ tunɛ naxan birama xɛe ma, naxan bɔxi rafanma.
7Tinxintɔɛ xa fe fanma na waxati nɛ,
8A xa mangɛya gboma nɛ,
9Mixi naxee na wula i, e xinbi sinma nɛ a bun ma,
10Tarasisi mangɛe nun Suri mangɛe fama nɛ buɲae ra.
11Mangɛ birin e xinbi sinma nɛ a bun ma,
12Na kui setaree fama nɛ a xilide marakisima.
13A kinikinima nɛ sɛnbɛtaree nun setaree ma,
14A e xɔrɛyama nɛ maifui nun fe kobie ma,
15A xa mangɛya xa bu!
16Ala donse yiriwama nɛ bɔxi kui.
17Mangɛ Ala xili gbo abadan!
18Isirayila Marigi Alatala tantu.
19A xili xungbe xa tantu abadan.
20Yisayi xa di Dawuda xa maxandie raɲɔnyi nan na ki.