1Dawuda xa maxandi bɛɛti
2Alatala, i naxa n ɲaxankata i xa xɔnɛ kui,
3I bara n maxɔnɔ i xa tanbɛ ra, i bara n nabira.
4Yalanyi yo mu na n bɛ i xa xɔnɛ kui.
5N ma yunubie bara gbo n xun ma.
6N ma fie bara gbo, e xiri bara ɲaaxu.
7N bɔɲɛ bara kana, xunnakeli mu na n bɛ.
8N fate birin wolenxi, yalanyi yo mu na sɔnɔn.
9N sɛnbɛ bara kana, n fate birin bara ba n ma.
10N Marigi, i n waxɔnfe kolon, n ma tɔɔrɛ mu nɔxunxi i ma.
11N bɔɲɛ mu saxi, n sɛnbɛ bara ɲɔn.
12N xanuntenyie nun n booree bara keli n xun ma
13Naxee wama n faxafe, e bara yɛlɛ itala n ya ra.
14Kɔnɔ n mu n tuli mati na wɔyɛnyie ra,
15N luma alɔ tuli xɔri, n luma alɔ boboe.
16Alatala, n xaxili tixi i tan nan na.
17N naxɛ, «I naxa tin n yaxuie xa yo n ma,
18A gbe mu luxi n xa bira,
19N bara n ti n ma yunubi rabaxie ra,
20N yaxuie tan kɛndɛ, e sɛnbɛ gbo.
21Naxee fe fanyi masarama fe ɲaaxi ra, e n tɔɔrɔma,
22Alatala, i naxa n nabɛɲin.
23N Marigi, i xa fa mafuren n malide.