1Alatala, muxu xa tɔɔrɛ mato, muxu xa yaagi igbɛ!
2Xɔɲɛe bara muxu kɛ tongo.
3Muxu bara findi misikiinɛ babataree ra,
4Muxu mu nɔma muxu xa ye minde,
5Muxu ɲaxankatamae dɔxɔxi muxu fari.
6Muxu bara muxu bɛlɛxɛ itala Misira nun Asiriya biri ra,
7Muxu babae bara yunubi raba,
8Konyie nan fa tixi muxu xun ma,
9Muxu baloe fenma wula i gaaxui kui,
10Kaamɛ bara muxu suxu.
11Muxu yaxuie bara e waxɔnfe raba Siyon nun Yudaya ginɛdimɛdie ra.
12E bara kuntigie gbaku wurie ma, e binyɛ ba forie yi.
13Fonikee mɛngi dinma,
14Forie bara ba e malanfe,
15Muxu bɔɲɛe bara ba sɛɛwafe,
16Xunnakeli bara ba muxu yi,
17Na nan a toxi, muxu bɔɲɛe tɔɔrɔxi,
18Siyon geya bara findi gbengberenyi ra,
19Kɔnɔ i tan, Marigi Alatala, i tan nan mangɛ ra tɛmui birin.
20Munfe ra, i fa nɛɛmuxi muxu ma yi mɔɔli ra,
21Alatala, muxu ragbilen i ma,
22I mɛɛxi nɛ muxu ra kerenyi ra?