1Alatala bara a masen,
2turunnaadɛ naxan findixi a yaxuie ra.
3Xali woli xa a kanke makantase tongo.
4Kalidika faxaxie toma nɛ e xa bɔxi ma yire birin,
5«Mangɛ Alatala mu Isirayila nun Yudaya raboloma,
6Wo xa keli Babilɔn bɔxi ma.
7Singe, Alatala nan nu findixi saabui ra Babilɔn bɛ,
8Kɔnɔ yakɔsi a gbe mu luxi a xa bira, a xun xa rakana.
9«Won bara kata Babilɔn rayalande,
10Alatala bara won nakisi tinxinyi ra.
11Tanbɛe yailan, xali sase rafe.
12Wo xa tɔnxuma rate Babilɔn xa tɛtɛ xili ma,
13Wo tan Babilɔnka naafuli kanyi naxee sabatixi xure dɛ ra,
14Mangɛ Alatala bara a kali a yɛtɛ xili ra,
15Alatala duniɲa daaxi a sɛnbɛ nan na,
16A na galanyi rabula, tunɛ ye kelima nɛ koore ma,
17Adamadi findixi xaxilitare nan na naxan mu fahaamui sɔtɔ,
18Se fufafu nan na e ra, lɔnnila yoma naxan ma.
19Annabi Yaxuba Marigi tan mu na ki xɛ,
20«I tan findixi n ma geresose nan na,
21n soe nun a ragima xa fe danma naxan na,
22n xɛmɛ nun ginɛ sɔntɔma naxan na,
23n xurusee nun a dɛmadonyie rayensenma naxan na,
24N sare ragbilenma nɛ Babilɔn bɔxi nun Babilɔnkae ma,
25N tixi i kanke, i tan mangɛya xungbe naxan duniɲa xun nakana.
26Tide yo mu luma i ma sɔnɔn, sese mu tima i xɔnyi.
27«Wo xa tɔnxuma rate duniɲa ma.
28Sie xa fa gere xili ma,
29Babilɔn bɔxi sɛrɛnma nɛ tɔɔrɛ kui,
30Babilɔn xa sɔɔrie mu gere tima sɔnɔn,
31Xɛɛrae lu ra nɛ fa ra mangɛ xɔnyi,
32E bara xure igiridee suxu,
33N tan Isirayila Marigi Alatala xa masenyi nan ya,
34«Babilɔn Mangɛ Nebukadansari bara won tɔɔrɔ,
35A fe ɲaaxi naxan nabaxi won tan Siyonkae ra,
36Na kui Alatala naxɛ,
37Babilɔn findima nɛ yire kanaxi ra wulai baree luma dɛnnaxɛ.
38A xa ɲama xaaɲɛxi alɔ yɛtɛe,
39kɔnɔ e na keli, n e findima siisilae nan na,
40«N e ragoroma nɛ alɔ yɛxɛɛ naxee kɔn naxabama,
41Babilɔn xungbe, duniɲa birin naxan matɔxɔma,
42Baa fama nɛ a makotode, mɔrɔnyie din a ra.
43A xa taae bɛɲinma nɛ, e findi gbengberenyi ra,
44N e xa kuye Beli ɲaxankatama nɛ,
45«N ma ɲama, wo xa keli naa.
46Limaniya naxa ba wo yi ra,
47Waxati fama a lide n Babilɔn xa kuyee ɲaxankatama tɛmui naxɛ.
48Na kui koore nun bɔxi fama nɛ ɲɛlɛxinde a xa birɛ xa fe ra,
49«Babilɔn xa bira Isirayilaka mixi faxaxie xa fe ra,
50Wo tan naxee bara wo yɛtɛ ratanga santidɛgɛma ma,
51«Won bara yaagi sɔtɔ, won bara konbi,
52Alatala xa masenyi nan ya,
53Hali Babilɔn xa fe fama sɔɔnɛyade nu,
54«Xui xɔrɔxɔɛ minima Babilɔn bɔxi ma a xa kanari nan xa fe ra.
55Alatala fama nɛ Babilɔn xun nakanade,
56Kanaritie birama nɛ Babilɔnkae fɔxɔ ra,
57N e xa mangɛe, kuntigie, lɔnnilae nun sɔɔrie findima siisilae nan na,
58«Alatala xa masenyi nan ya,
59Annabi Yeremi to Yudaya mangɛ Sedekiya mati Babilɔn a xa mangɛya ɲɛ naani nde ra, a naxa yi masenyi so Neriya xa di Seraya yi ra, naxan findixi Maxaseya xa mamadi ra.
60A nu bara Babilɔn xa gbaloe xa fe birin sɛbɛ kɛɛdi nde ma, a nu lanma e xa naxee sɔtɔ.
61A naxa a fala Seraya bɛ, «I na Babilɔn bɔxi li, i xa yi masenyi birin xaran i xui itexi ra.
62Na tɛmui, i xa a fala, ‹Alatala, i bara a masen a yi yire birin fama nɛ kanade, mixie nun xuruse mu toma be sɔnɔn, yi bɔxi fa findi gbengberenyi ra.›
63I na gɛ yi sɛbɛli xarande, i xa a xiri gɛmɛ nde ra, i fa na gɛmɛ woli Efirati xure xɔɔra.
64Na tɛmui i xa a fala, ‹Babilɔn fan dulama na ki nɛ, a mu tema sɔnɔn gbaloe xa fe ra Alatala naxan nagirixi a ma. A xa ɲama xun mu rakelima sɔnɔn.›»