1«Yire na na gbeti bama bɔxi ma dɛnnaxɛ,
2Yire na na wure bama bɔxi ma dɛnnaxɛ,
3Mixi yili gema bɔxi bun dimi kui na see fenfe ra.
4E yili gema wula i,
5Baloe minima bɔxi fari,
6Mɛnni e gɛmɛ tofanyie toma,
7Xɔni xaaɲɛ mu mɛnni kira kolon,
8Sube magaaxuxi mu e ɲɛrɛma mɛnni,
9Kɔnɔ adama tan gɛmɛ xɔrɔxɔɛ gema,
10A yili gema gɛmɛ kui,
11A ye kira balanma,
12«Kɔnɔ lɔnni tan toma minden?
13Adama mu lɔnni tide kolon.
14A mu toma dabonyi xungbe kui,
15A mu sarama xɛɛma ra, a mu sɔtɔma gbeti ra.
16A mu sama sikeeli ma xɛɛma sɛɛti ma,
17A maniyɛ mu na.
18Lɔnni tide gbo diyaman bɛ,
19Lɔnni maniyɛ mu findi gɛmɛ tofanyi ra,
20«Na kui, lɔnni kelixi minden?
21A nɔxunxi nimasee ma naxee na bɔxi ma,
22Aligiyama bara a xa fe nde mɛ, kɔnɔ a mu a kolon.
23Ala nan lɔnni kira kolon,
24barima a tan nan duniɲa nun koore igbɛma han e dande.
25A to gɛ foye nun ye itaxunde,
26a to gɛ tunɛ, seyamakɔnyi, nun galanyi yamaride,
27awa, a naxa lɔnni ramini, a a mato a fanyi ra.
28Na kui a naxa a fala adamadie bɛ,