1Dawuda xa di Darisalamu mangɛ xa kawandi nan ya:
2Duniɲa findixi fe fufafu nan na.
3Adamadi geeni mundun sɔtɔma a xa wali ma soge bun ma?
4Ndee faxama, ndee barima, duniɲa fan na kɛɲa keren lɔxɔɛ birin.
5Soge tema, a goroma, a man gbilen a texi dɛnnaxɛ.
6Foye fan minima, a sigama yirefanyi ma, a a mafindima kɔɔla ma.
7Xure birin xun tixi baa nan na, kɔnɔ baa mu rafema.
8Fe birin ɲɛrɛma, a mu taganma, a mu masarama.
9Naxan bara dangi nu,
10Fe nɛɛnɛ yo mu na naxan a niyama mixi xa a fala,
11Ɲama mu ratuma fe dangixi ma,
12N tan Kawandila, n bara findi mangɛ ra Isirayila bɔxi ma Darisalamu.
13N natɛ tongoxi nɛ, fe naxee birin nabafe yi duniɲa ma, n xa e mato a fanyi ra. Na kui n a to nɛ a Ala kote xɔrɔxɔɛ nan saxi adamadie fari.
14N bara wali birin mato naxan nabama yi duniɲa ma. Fufafu na a birin na! Birafe na wali fɔxɔ ra, a luxi nɛ alɔ mixi na birafe foye nan fɔxɔ ra.
15Naxan kuntinxi, na mu nɔma matinxinde,
16N naxa a maɲɔxun n yɛtɛ ma, a n tan bara lɔnni fen dangi Darisalamu mangɛ birin na, naxee singe fa n tan yara. N bara lɔnni nun fe kolonyi gbegbe sɔtɔ duniɲa xa fe ma.
17N naxa natɛ tongo n xa xaxilimaya nun xaxilitareɲa fan mato. Kɔnɔ n bara a to na fan luxi alɔ birafe foye nan fɔxɔ ra.
18Xaxilimaya nun kɔntɔfili nan ɲɛrɛma kira keren xɔn ma.