ثِيّرِ عِ 2

¹وٌ شَ قٍ حَاشِ، وُلٍ، قِلَنكَقُيحَ، مِلَنتٍيَ، نُن شِلِ كَنّ بّحِن.

²وٌ شَ بِرَ عَلَ شَ مَسٍنيِ قْشْ رَ عَلْ دِيْرّ وَ مَ شِحّ شْن كِ نَشّ. نَ نْمَ عَ نِيَدٍ وٌ شَ كِسِ شَ سَبَتِ،

³بَرِ مَ وٌ بَرَ عَلَ شَ هِننّ كٌلٌن.

⁴وٌ وٌ مَكْرّ عِسَ رَ نَشَن مِسَالِشِ فّمّ كّندّ رَ بَنشِ تِمَ نَشَن قَرِ. عَدَ مَدِيٍ بَرَ مّي عَ رَ، كْنْ عَلَ تَن نَ فّمّ نَن سُفَندِشِ بَرِ مَ عَ رَقَن عَ مَ كِ قَنيِ رَ.

⁵وٌ قَن مِسَالِشِ فّمّ كّندّيٍ نَن نَ نَشٍيٍ تِشِ عَلَ شَشِلِ شَ بَنشِ رَ. وٌ بَرَ قِندِ سّرّشّدُبّ سّنِيّنشِيٍ رَ عَلَكٌ وٌ شَ وٌ بْحّ بَ سّرّشّ رَ عَلَ شَ مِشِ سُفَندِشِ عِسَ سَابُي رَ. نَ نَن نَقَن عَلَ مَ.

⁶عَ سّبّشِ كِتَابُي كُي،

⁷وٌ تَن نَشٍيٍ دَنشَنِيَشِ، نَشٍيٍ لَمَ عَ رَ عَ نَ فّمّ سُفَندِشِ تِدٍ فبٌ، شُننَكٍلِ نَ وٌ بّ. كْنْ يِ مَسٍنيِ سّبّشِ دَنشَنِيَتَرٍيٍ نَن بّ،

⁸عَ مَن مَسٍنشِ،

⁹كْنْ عَلَ وٌ بْنسْي نَن سُفَندِشِ، عَ شَ قِندِ مَنفّ شَ سّرّشّدُبّيٍ رَ. عَ وٌ سِ رَ سّنِيّن، عَ وٌ شُنسَرَ. عَ نَشَ وٌ رَ مِنِ دِ مِ كُي، وٌ شَ لُ عَ شَ نْرّ بُن مَ. عَ نَ بِرِن نَبَ نّ عَلَكٌ وٌ شَ عَ مَتْشْ دُنِحَ مَ.

¹⁰سِنفٍ وٌ مُ نُ قِندِشِ سِ رَ، كْنْ يَكْسِ وٌ بَرَ قِندِ عَلَ شَ حَمَ رَ. سِنفٍ عَلَ مُ نُ كِنِكِنِشِ وٌ مَ، كْنْ يَكْسِ عَ شَ كِنِكِنِ بَرَ كَمَلِ وٌ بّ.

¹¹ﭑ شَنُنتٍنيِيٍ، وٌ شَ لِمَنِيَ. وٌ نَشَ بِرَ دُنِحَ قٍيٍ قْشْ رَ، بَرِ مَ نٍيٍ وٌ بَمَ عَلَ شَ كِرَ نَن شْن مَ. بٍكَيٍ مُ نَ وٌ رَ. وٌ شْنيِ مُ نَ يِ دُنِحَ بّندّ قُحِ قَرِ شَ رَ.

¹²وٌ شَ دُنِحَ مِشِيٍ شَ تْوحّفّ شُن نَكَنَ وٌ شَ وَلِ قَنيِ سَابُي رَ، عَلَكٌ عٍ قَن شَ عَلَ مَتْشْ لْشْي دْنشْي مَ.

¹³وٌ وٌ يّتّ مَفٌرٌ دُنِحَ مَنفّ بِرِن بّ مَرِفِ شَ قٍ رَ. يَامَرِ سٌشِ عٍ تَن نَن يِ، عَ قِندِ مَنفّ شُنفبٍ رَ،

¹⁴عَ قِندِ مَنفّ شَ شّيرَيٍ رَ، عَلْ فٌمِنَ. عٍ قٍ كٌبِ رَبَيٍ مَكِيتِمَ، عٍ قٍ قَنيِ رَبَيٍ مَتْشْ.

¹⁵عَلَ وَ مَ نّ وٌ شَ شَشِلِتَرٍيٍ دّ بَلَن وٌ شَ وَلِ قَنيِ سَابُي رَ.

¹⁶وٌ شَ حّرّ عَلْ مِشِ نَشٍيٍ بَرَ شْرّيَ سْتْ، كْنْ نَ شْرّيَ نَشَ عَ نِيَ وٌ شَ لُ قٍ حَاشِ كُي. وٌ شَ قِندِ عَلَ شَ كٌنيِيٍ رَ.

¹⁷وٌ شَ مِشِ بِرِن بِنيَ. وٌ شَ وٌ نفَشَكٍرٍنيِيٍ شَنُ. وٌ شَ فَاشُ عَلَ يَ رَ. وٌ شَ مَنفّ شُنفبٍ بِنيَ.

¹⁸كٌنيِيٍ، وٌ شَ وٌ يّتّ مَفٌرٌ وٌ مَرِفِيٍ بّ بِنيّ كُي، هَلِ عٍ قِندِ مِشِ شَ قٍ مَشْرْشْشِ رَ. وٌ نَشَ مِشِ قَنيِيٍ شَ فبَنسَن شُي رَتِنمّ،

¹⁹بَرِ مَ قٍ قَنيِ نَن عَ رَ تِنقٍ عٍ شَ عِ تْورْ تِنشِنتَرٍيَ رَ عَلَ شَ قٍ رَ.

²⁰شَ وٌ تْورّ ندٍ سْتْ وٌ شَ وَلِ كٌبِ شَ قٍ رَ، قٍ قَنيِ مُ عَ رَ. كْنْ شَ وٌ تْورّ ندٍ سْتْ وٌ شَ قٍ قَنيِ شَ قٍ رَ، عَلَ نَ كٌلٌنمَ نّ وٌ بّ.

²¹وٌ شِلِشِ نَ نَن مَ، بَرِ مَ عِسَ قَن تْورْ نّ وٌ بّ، نَ قَ قِندِ مِسَالِ رَ وٌ بّ وٌ بِرَ مَ نَشَن قْشْ رَ.

²²«عَ مُ يُنُبِ رَبَ، عَ مُ وُلٍ قَلَ.»

²³عٍ تٌ عَ كٌنبِ، عَ مُ عَ فبٍحْشْ. عٍ تٌ عَ تْورْ، عَ مُ وْيّن شْرْشْي قَلَ. عَ نَشَ كِيتِ سٌ كِيتِسَ تِنشِنشِ يِ رَ.

²⁴عَ نَشَ قَشَ وُرِ مَفَلَنبُشِ مَ وٌن مَ يُنُبِيٍ شَ قٍ رَ، عَلَكٌ وٌن شَ قٍ حَاشِ لُ نَ، وٌن شَ حّرّ تِنشِنيِ كُي. عَ شَ قِيٍ نَن وٌ رَيَلَنشِ.

²⁵وٌ نُ لُشِ نّ عَلْ شُرُ سٍ رَبّحِنشِيٍ، كْنْ يَكْسِ وٌ بَرَ فبِلٍن وٌ كَنتَمَ مَ، نَشَن عَ حْشْ سَشِ وٌ نِي شْن مَ.