1دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «دِ شَ قَشّ.»
2عَلَتَلَ، ﭑ عِ تَنتُمَ ﭑ سٌندٌنيِ بِرِن نَ،
3ﭑ سّيوَ مَ نّ عِ شَ قٍ رَ،
4ﭑ يَشُييٍ فبِلٍنمَ نّ عٍ كٍلِدٍ.
5بَرِ مَ عِ شَ تِنشِنيِ كُي،
6عِ بَرَ سِ فبّتّيٍ كَلَمُ،
7عِ بَرَ عٍ شَ تَايٍ سْنتْ،
8عَلَتَلَ شَ مَنفّيَ تِشِ، دَنيِ مُ نَ عَ مَ.
9عَ دُنِحَ مَكِيتِمَ تِنشِنيِ كُي،
10تْورْ مِشِيٍ كَنتَمَ نَن نَ عَلَتَلَ رَ،
11عَلَتَلَ، عِ كٌلٌنمَ لَشِ عِ رَ،
12عَلَتَلَ دْشْشِ عَ شَ فٍيَ سّنِيّنشِ شُن،
13عَلَ رَتُشِ وُلِ قِلِشِ مَ،
14عَلَتَلَ، كِنِكِنِ ﭑ مَ.
15عَلَكٌ ﭑ شَ عِ تَنتُ سِيٌنِ حَمَ تَفِ،
16سِيٍ نُ فَنتَنيِ نَشَن تٍشِ عٍ يَشُييٍ بّ،
17عَلَتَلَ كٌلٌنشِ عَ شَ تِنشِنيِ نَن مَ.
18مَتَندِلَ نَشٍيٍ نّيمُمَ عَلَ مَ،
19عَلَ قَمَ رَتُدٍ تْورْ مِشِ مَ،
20عَلَتَلَ، كٍلِ، عِ نَشَ عَ لُ عَدَ مَ شَ نْ عِ رَ.
21عَلَتَلَ، عِ شَ عٍ مَفَاشُ.