1عَسَقِ شَ بّيتِ
2عَ فبٍ مُ نُ لُشِ ﭑ تَن يَتِ شَ بَ كِرَ مَ،
3ﭑ نُ يّتّ عِفبٌي تْونّمَ،
4سٍسٍ مُ عٍ عِقُمَ هَن عٍ شَ قَشّ، عٍ قَتٍ يَلَنشِ تُن.
5عٍ مُ عَدَ مَدِيٍ شَ تْورّ كٌلٌن،
6يّتّ عِفبٌحَ قِندِشِ شُنمَسٍ نَن نَ عٍ بّ،
7عٍ عٍ يَ تِمَ سٍ بِرِن نَ،
8عٍ يٌمَ مِشِ مَ،
9عٍ عَلَ قٍ مَبٍرٍ مَ، عٍ دّ مُ دِكِمَ سٍسٍ قَلَقٍ رَ دُنِحَ مَ.
10نَ نَن عَ رَ، عَلَ شَ حَمَ عَ شُن تِمَ عٍ رَ،
11عٍ نَشّ، «عَلَ تَن وٌن حّرّ كِ كٌلٌنمَ دِ؟
12مِشِ حَاشِيٍ نَ نَ كِ نّ.
13ﭑ حْشْ عَ مَ، «ﭑ نَن ﭑ بْحّ رَ سّنِيّنشِ نّ قُ.
14ﭑ حَشَنكَتَشِ تّمُي بِرِن،
15شَ ﭑ سَ نَ مْولِ قَلَ نُ،
16عَوَ، ﭑ نَشَ قَهَامُي قٍن يِ قٍ مَ.
17هَن ﭑ سٌ لْشْي عَلَ شَ هْرْ مْلِنفِرَ كُي،
18عِ عٍ تِمَ كِرَ سَلَشُنشِ نَن شْن مَ،
19عٍ شَ قٍ حْنمَ كٍرٍنيِ نَن نَ، قٍ مَفَاشُشِ عٍ شَنِنمَ نّ.
20مَرِفِ، عَلْ شِيٍ دَنفِمَ كِ نَشّ مِشِ شُنُ تّمُي،
21ﭑ بْحّ تٌ نُ مَحَاشُمَ،
22دَشُي نَن نُ ﭑ نَ، ﭑ مُ نُ سٍسٍ قَهَامُشِ.
23كْنْ هَن يَ ﭑ نَ عِ سّيتِ مَ،
24عِ ﭑ نَحّرّ مَ عِ شَ مَرَ سِ رَ،
25ندٍ فبّتّ نَ ﭑ يِ رَ كٌورٍ مَ؟
26ﭑ قَتٍ نُن ﭑ شَشِلِ تَفَنمَ نّ،
27نَشٍيٍ عٍ مَكُيَمَ عِ رَ، بْنْ مِشِ نَن عٍ رَ.
28كْنْ ﭑ مَ هّيرِ قِندِشِ ﭑ مَسٌقٍ نَن نَ عَلَ رَ.