1عَدَ مَدِيٍ بِرِن شُي شَ عِتٍ سّيوّ رَ عَلَ بّ.
2وٌ شَ عَ شِلِ بِنيَ بّيتِ رَ،
3وٌ شَ عَ قَلَ عَلَ بّ،
4دُنِحَ بِرِن عِ بَتُمَ،
5وٌ قَ عَلَ شَ وَلِ مَتٌدٍ.
6عَ بَا قِندِ شَرٍ رَ،
7عَ دُنِحَ يَمَرِ مَ سّنبّ رَ عَبَدَن.
8سِيٍ، وٌ شَ وٌن مَرِفِ عَلَ تَنتُ،
9عَ بَرَ سِمَيَ قِ وٌن مَ،
10بَرِ مَ عَلَ وٌن بْحّ كٌلٌن.
11عِ بَرَ مُشُ شُن تِ يّلّ كُي رَ،
12عِ بَرَ عَ لُ مِشِيٍ شَ نْ مُشُ رَ،
13ﭑ قَمَ سّرّشّ فَن دَاشِ رَ عِ شَ بَنشِ كُي،
14ﭑ نَشٍيٍ قَلَ ﭑ دّ رَ ﭑ نُ تْورّ كُي تّمُي نَشّ.
15ﭑ شُرُ سٍ تُرَشِيٍ بَمَ نّ سّرّشّ فَن دَاشِ رَ،
16وٌ قَ، وٌ شَ وٌ تُلِ مَتِ،
17ﭑ بَرَ عَ شِلِ، ﭑ بَرَ عَ مَتْشْ.
18شَ يَنقَنتٍيَ نُ نَ ﭑ بْحّ كُي نُ،
19كْنْ عَلَ بَرَ ﭑ شُي رَ مّ،
20تَنتُي نَ عَلَ بّ نَشَن بَرَ ﭑ مَ مَشَندِ شُي مّ،