1دَوُدَ شَ بّيتِ بّيتِبَيٍ شَ مَنفّ بّ.
2عَننَبِ نَتَن وْيّنقٍ دَوُدَ بّ عَ يُنُبِ رَبَ بَتِسٍبَ رَ تّمُي نَشّ.
3عَلَ، هِننّ ﭑ نَ عَلْ عِ دَرِشِ عَ رَ كِ نَشّ.
4عِ شَ ﭑ نَسّنِيّن ﭑ مَ قٍ كٌبِ بِرِن مَ.
5ﭑ بَرَ ﭑ مَ يُنُبِ كٌلٌن.
6ﭑ نَ قٍ حَاشِ رَبَشِ عِ كٍرٍن نَن نَ.
7ﭑ بَرِشِ يُنُبِ قٍ نَن كُي،
8كْنْ نْندِ نَ لُ مِشِ بْحّ كُي،
9ﭑ سّنِيّن هِسٌثِ بُرّشّ رَ،
10حّلّشِنيِ نُن سّيوّ قِ ﭑ مَ،
11عِ كٌبٍ تِ ﭑ مَ يُنُبِ رَ،
12ﭑ مَرِفِ عَلَ، ﭑ بْحّ مَقِندِ بْحّ سّنِيّنشِ رَ،
13عِ نَشَ ﭑ مَكُيَ عِ يَ تٌدٍ رَ.
14كِسِ سّيوّ نُن لِمَنِيَ قِ ﭑ مَ
15ﭑ عِ شَ كِرَ مَسٍنمَ نّ عِ مَتَندِلَيٍ بّ،
16ﭑ نَكِسِمَ عَلَ،
17ﭑ مَرِفِ، نَ نِيَ ﭑ بّ،
18سّرّشّ مُ رَقَن عِ مَ،
19سّرّشّ قَنيِ قِندِشِ يّتّ مَفٌرٌي نَن نَ.
20عِ شَ هِننّ سِيٌنِ رَ،
21نَ تّمُي عِ حّلّشِنمَ نّ سّرّشّ تِنشِنشِ