1تِنشِنتْييٍ، وٌ شَ عَلَتَلَ مَتْشْ وٌ شُي عِتٍشِ رَ.
2وٌ شَ عَلَتَلَ تَنتُ كْرَ رَ،
3وٌ شَ بّيتِ نّينّ بَ عَ بّ،
4عَلَتَلَ شَ مَسٍنيِ تِنشِن،
5تِنشِنيِ نُن سّرِيّ رَقَن عَ مَ،
6عَلَتَلَ نَشَ كٌورٍ دَا عَ شَ وْيّنيِ رَ.
7عَ نَشَ بَا قَن مَلَن يِرٍ كٍرٍن،
8بْشِ بِرِن شَ فَاشُ عَلَتَلَ يَ رَ.
9عَ نَ وْيّن، عَ قٍ رَفِرِ مَ نّ.
10عَلَتَلَ سِيٍ شَ نَتّيٍ كَنَمَ نّ.
11كْنْ عَلَتَلَ شَ قٍ رَفِرِشِيٍ بُمَ عَبَدَن.
12حّلّشِنيِ نَ سِ بّ نَشَن مَرِفِ قِندِشِ عَلَتَلَ رَ.
13عَلَتَلَ عَ يَ رَفٌرٌ مَ دُنِحَ مَ كٍلِقٍ عَرِيَننَ،
14كٍلِقٍ عَ شْنيِ، عَ دُنِحَ مِشِ بِرِن مَتٌمَ نّ.
15نَشَن عَدَ مَدِيٍ بْحّ دَاشِ،
16مَنفّ يٌ مُ كِسِمَ عَ شَ سْورِيٍ سَابُي رَ.
17سْورِ حْشْ عَ مَ عَ شَ سٌي نْمَ عَ رَكِسِدٍ،
18عَلَتَلَ نَن مّينِمَ مِشِيٍ مَ
19عَلَكٌ عٍ نِي نَشَ لَاشِرَ،
20وٌن شَشِلِ تِشِ عَلَتَلَ نَن نَ.
21وٌن بْحّيٍ سّيوَشِ عَ تَن نَن مَ قٍ رَ،
22عَلَتَلَ، عِ شَ هِننّ مُشُ رَ،