1دَوُدَ شَ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «سُبَشّ شٍلِ.»
2عَلَ، ﭑ مَرِفِ عَلَ، عِ ﭑ نَبٌلٌشِ مُنقٍ رَ؟
3ﭑ مَرِفِ عَلَ، كْي نُن يَنيِ، ﭑ عِ شِلِمَ،
4كْنْ عِ تَن سّنِيّنتْي،
5مُشُ بٍنبَيٍ بَرَ دَنشَنِيَ عِ مَ.
6عٍ تٌ عِ شِلِ، عِ نَشَ عٍ شْرّيَ.
7كْنْ ﭑ تَن بَرَ قِندِ مِشِ شُرِ رَ عَلْ دٌندٌلِ،
8مِشِ نَشَن بِرِن ﭑ تٌمَ،
9عٍ نَشّ، «عِ يَ تِ عَلَتَلَ رَ.
10عٍٍ عَلَ، عِ بَرَ ﭑ نَمِنِ ﭑ نفَ تّيفّ،
11ﭑ شَشِلِ تِشِ عِ رَ كَقِ ﭑ بَرِ تّمُي.
12عِ نَشَ عِ مَكُيَ ﭑ نَ،
13سّنبّمَيٍ بَرَ ﭑ نَبِلِن عَلْ بَسَن تُورَيٍ.
14عٍ دّ رَبِشِ عَلْ يّتّ شَاحّيٍ.
15ﭑ نِي نَ بَقٍ ﭑ قَتٍ، ﭑ شْرِيٍ نَ بَقٍ عٍ رَدْشْدٍيٍ.
16ﭑ سّنبّ دٌلٌشِ عَلْ بٌورَ.
17مِشِ حَاشِ فَلِ بَرَ ﭑ نَبِلِن عَلْ بَرٍيٍ.
18ﭑ شْرِ بِرِن سَشِ كّنّ مَ.
19عٍ ﭑ مَ دُفِيٍ عِتَشُنمَ عٍ بٌرٍ مَ،
20عَلَتَلَ، عِ نَشَ عِ مَكُيَ ﭑ نَ!
21عِ شَ ﭑ نِي رَكِسِ سَنتِدّفّمَ مَ.
22عِ شَ ﭑ نَكِسِ نَ يّتّيٍ مَ.
23ﭑ عِ شِلِ مَسٍنمَ نّ ﭑ مَ مِشِيٍ بّ،
24وٌ تَن نَشَن فَاشُمَ عَلَتَلَ يَ رَ،
25عَلَ مُ يٌمَ مِسِكِينّ شَ تْورّ مَ.
26عَلَ، ﭑ عِ مَتْشْمَ حَمَ شُنفبٍ يَ مَ.
27مِشِ مَفٌرٌشِيٍ قَمَ عٍ دّفٍدٍ، هَن عٍ وَ سَ.
28دُنِحَ بِرِن قَمَ رَتُدٍ عَلَتَلَ شَ قٍ مَ،
29بَرِ مَ بِرِن نَ عَلَتَلَ شَ مَنفّيَ نَن بُن.
30دُنِحَ سّنبّمَيٍ نَ فّ عٍ دّفٍدٍ،
31عَدَ مَدِيٍ بِرِن قَمَ عَلَ بَتُدٍ.
32عَلَ قَمَ عَ شَ تِنشِنيِ مَسٍندٍ