1دَوُدَ شَ عَلَ مَشَندِ
2عِ شَ ﭑ مَ كِيتِ بٌلٌن،
3عِ نَ ﭑ بْحّ مَتٌ كْي رَ،
4مِشِ فبّتّيٍ قٍ حَاشِ رَبَمَ،
5ﭑ بِرَ مَ عِ تَن نَن قْشْ رَ،
6عَلَ، ﭑ عِ شِلِمَ نّ، بَرِ مَ عِ يَابِ قِمَ مِشِ مَ.
7عِ شَ هِننّ مُشُ رَ،
8مّينِ ﭑ مَ عَلْ عِ يَ قِرِنيِيٍ.
9نَ نَ عَ تٌمَ، مِشِ حَاشِ نَشٍيٍ ﭑ نَبِلِنشِ،
10يّتّ عِفبٌي نَن عٍ رَ، عٍ دّ عِفبٌ.
11عٍ بَرَ قَ ﭑ قْشْ رَ يَكْسِ،
12عٍ لُشِ عَلْ يّتّ نَشَن سُبٍ قٍنمَ،
13عَلَتَلَ، كٍلِ! ﭑ يَشُييٍ فٍرٍ، عِ شَ نْ عٍ رَ.
14ﭑ نَتَنفَ نَ دُنِحَ مِشِ مْولِيٍ مَ،
15كْنْ ﭑ تَن قَمَ نّ عِ يَتَفِ تٌدٍ تِنشِنيِ سَابُي رَ.