يَبُرَ 119

¹سّيوّ نَ مِشِيٍ بّ نَشٍيٍ حّرّ كِ تِنشِن،

²سّيوّ نَ مِشِيٍ بّ نَشٍيٍ عَلَ شَ مَسٍنيِ مّمَ،

³نٍيٍ مُ تِنشِنتَرٍيَ رَبَمَ قٍقٍ مَ،

⁴عِ بَرَ عِ سَفٌ مَسٍن مُشُ بّ،

⁵ﭑ وَ مَ قٍ بِرِن نَبَقٍ

⁶نَ كُي ﭑ مُ قَمَ يَافِدٍ عِ وَشْنقٍ شَ قٍ رَ.

⁷ﭑ نَ عِ شَ يَامَرِيٍ كٌلٌن،

⁸ﭑ عِ شَ يَامَرِيٍ رَتِنمّمَ نّ،

⁹قٌنِكٍ حّرّ مَ سّنِيّنيِ كُي دِ؟

¹⁰ﭑ عِ قٍنمَ ﭑ بْحّ بِرِن نَن نَ.

¹¹ﭑ عِ شَ مَسٍنيِ رَفَتَمَ نّ ﭑ بْحّ مَ،

¹²مَتْشْي نَ عِ بّ عَلَتَلَ.

¹³ﭑ عِ شَ سّرِيّ دُرُ سِمَ نّ،

¹⁴ﭑ سّيوَشِ بِرَقٍ رَ عِ شَ مَسٍنيِ قْشْ رَ،

¹⁵ﭑ ﭑ حْشْ سَشِ عِ سَفٌ شْن مَ،

¹⁶عِ شَ يَامَرِيٍ رَقَن ﭑ مَ،

¹⁷قٍ قَنيِ رَبَ ﭑ تَن، عِ شَ كٌنيِ دِ بّ،

¹⁸ﭑ يَ رَبِ عَلَكٌ ﭑ شَ عِ شَ سّرِيّ قَنيِ عِفبّ.

¹⁹شْحّ نَن لَنشِ ﭑ مَ يِ دُنِحَ مَ،

²⁰ﭑ هَيِ نَ عِ شَ تِنشِنيِ مَ.

²¹عِ عِ شُي رَتٍمَ يّتّ عِفبٌي شِلِ مَ،

²²عِ شَ ﭑ نَتَنفَ يَافِ نُن مَرَحَاشُي مَ،

²³هَلِ مَنفّيٍ ﭑ تْوحّفّمَ،

²⁴عِ شَ مَسٍنيِ رَقَن ﭑ مَ،

²⁵ﭑ نَ تْورّ شُنفبٍ كُي.

²⁶ﭑ تٌ ﭑ مَ حّرّ كِ مَسٍن عِ بّ، عِ ﭑ يَابِ نّ.

²⁷ﭑ مَلِ عِ سَفٌ قَهَامُقٍ رَ،

²⁸ﭑ نَ وَقٍ نِمِسّ مَ.

²⁹وُلٍ قَلَقٍ مَكُيَ ﭑ نَ.

³⁰ﭑ بَرَ دُفُتّفّحَ كِرَ سُفَندِ،

³¹عَلَتَلَ، ﭑ شِرِشِ عِ شَ سّرِيّ نَن نَ،

³²ﭑ نَ ﭑ حّرّقٍ عِ شَ يَامَرِيٍ شَ كِرَ نَن شْن مَ،

³³عَلَتَلَ، ﭑ مَتِنشِن عِ شَ يَامَرِيٍ رَ،

³⁴شَشِلِ قَنيِ قِ ﭑ مَ،

³⁵ﭑ نَحّرّ عِ شَ يَامَرِيٍ شَ كِرَ شْن مَ،

³⁶ﭑ بْحّ رَقِندِ عِ شَ مَسٍنيِ مَ،

³⁷ﭑ يَيٍ بَ سٍيٍ رَ نَشٍيٍ حْنمَ،

³⁸عِ شَ لَايِدِ رَكَمَلِ عِ شَ كٌنيِ دِ بّ،

³⁹ﭑ بَ يَافِ كُي ﭑ فَاشُشِ نَشَن يَ رَ،

⁴⁰ﭑ وَ مَ بِرَقٍ عِ شَ مَسٍنيِ قْشْ رَ عَ قَنيِ رَ.

⁴¹عَلَتَلَ، قَ عِ شَ شَنُنتٍيَ نُن عِ شَ كِسِ رَ ﭑ بّ،

⁴²نَ تّمُي، ﭑ نْمَ نّ ﭑ مَبٍرٍ مَ يَابِدٍ،

⁴³عِ نَشَ نْندِ مَسٍنيِ بَ ﭑ دّ عِ،

⁴⁴ﭑ عِ شَ سّرِيّ رَبَتُمَ نّ عَبَدَن.

⁴⁵ﭑ لُمَ شْرّيَ نَن كُي،

⁴⁶ﭑ عِ شَ مَسٍنيِ قَلَمَ نّ مَنفّيٍ بّ،

⁴⁷بِرَقٍ عِ شَ يَامَرِيٍ قْشْ رَ، نَ رَقَن ﭑ مَ.

⁴⁸ﭑ نَ ﭑ بّلّشّيٍ عِتٍمَ تَنتُي رَ

⁴⁹عِ شَ رَتُ عِ شَ مَسٍنيِ مَ،

⁵⁰ﭑ مَدُندُ مَ ﭑ مَ تْورّ كُي

⁵¹يّتّ عِفبٌي ﭑ مَيٍلٍمَ نّ،

⁵²عَلَتَلَ، ﭑ تٌ ﭑ نَتُ عِ شَ كِيتِ تِنشِنشِيٍ مَ

⁵³ﭑ بْحّ تٍشِ عَ حَاشِ رَ تِنشِنتَرٍيٍ شِلِ مَ

⁵⁴ﭑ سَبَتِ دّدّ، ﭑ بّيتِ بَمَ نّ عِ شَ يَامَرِيٍ شَ قٍ رَ.

⁵⁵كْي رَ ﭑ نَ ﭑ نَتُمَ نّ عِ شِلِ مَ.

⁵⁶ﭑ دَرِشِ عِ سَفٌ رَبَتُقٍ نَن نَ.

⁵⁷عَلَتَلَ، عِ تِدٍ فبٌ ﭑ بّ.

⁵⁸ﭑ وَ مَ لُقٍ عِ سّيتِ مَ ﭑ بْحّ بِرِن نَ.

⁵⁹ﭑ تٌ ﭑ حّرّ كِ مَتٌ،

⁶⁰ﭑ فبَتَمَ نّ،

⁶¹هَلِ مِشِ حَاشِيٍ كَنكَن ﭑ مَ،

⁶²كْي تَفِ، ﭑ كٍلِمَ نّ، ﭑ عِ مَتْشْ عِ شَ كِيتِ تِنشِنشِ شَ قٍ رَ.

⁶³عِ يَرَفَاشُي بِرِن قِندِشِ ﭑ حّرّبٌورٍ نَن نَ،

⁶⁴عَلَتَلَ عِ شَ شَنُنتٍيَ نَ دُنِحَ بِرِن مَ،

⁶⁵عَلَتَلَ، عِ بَرَ قٍ قَنيِ رَبَ ﭑ تَن عِ شَ كٌنيِ بّ،

⁶⁶ﭑ شَرَن قٍ تَفِ رَ سَدٍ نُن قٍ كٌلٌنيِ رَ، بَرِ مَ ﭑ لَشِ عِ شَ يَامَرِيٍ رَ.

⁶⁷ﭑ نُ بَرَ لْي بٍيمَنُ عِ شَ ﭑ مَ قٍ مَفٌرٌ،

⁶⁸عِ قَن، عِ قٍ قَنيِ رَبَمَ،

⁶⁹هَلِ يّتّ عِفبٌي وُلٍ سَمَ ﭑ شُن،

⁷⁰عٍ بْحّ شْرْشْ عَلْ فّمّ،

⁷¹ﭑ مَ تْورّ بَرَ ﭑ مَلِ عِ شَ يَامَرِيٍ كٌلٌنقٍ رَ.

⁷²عِ شَ مَسٍنيِ قَن ﭑ بّ شّيمَ نُن فبٍتِ رَ.

⁷³عِ تَن نَن ﭑ دَاشِ، عِ تَن نَن ﭑ نَقَلَشِ عِ شْنيّ رَ.

⁷⁴عِ يَرَفَاشُييٍ شَ سّيوَ ﭑ تٌقٍ رَ،

⁷⁵عَلَتَلَ، ﭑ عَ كٌلٌن عِ شَ كِيتِ تِنشِنشِ رَ،

⁷⁶يَندِ، عِ شَ شَنُنتٍيَ شَ ﭑ مَدُندُ،

⁷⁷عِ شَ كِنِكِنِ ﭑ مَ عَلَكٌ ﭑ شَ كِسِ،

⁷⁸يّتّ عِفبٌي شَ يَافِ سْتْ،

⁷⁹عِ يَرَفَاشُييٍ شَ فبِلٍن ﭑ مَ،

⁸⁰ﭑ بْحّ شَ عِ شَ يَامَرِيٍ سُشُ،

⁸¹عَ شْلِ ﭑ مَ ﭑ شَ عِ شَ كِسِ سْتْ،

⁸²ﭑ عِ شَ لَايِدِ رَكَمَلِشِ مَمّقٍ.

⁸³ﭑ لُشِ عَلْ كُندِ نَشَن نَ رَشَرَقٍ،

⁸⁴ﭑ شَ مَمّ تِ هَن مُن تّمُي،

⁸⁵يّتّ عِفبٌي فَنتَنيِ تِمَ ﭑ يَ رَ.

⁸⁶عِ شَ يَامَرِ بِرِن تِنشِن.

⁸⁷عَ فبٍ مُ لُشِ عٍ شَ ﭑ مَ قٍ كَنَ،

⁸⁸ﭑ نَكِسِ عِ شَ شَنُنتٍيَ رَ،

⁸⁹عَلَتَلَ، عِ شَ مَسٍنيِ نَ كٌورٍ مَ عَبَدَن.

⁹⁰عِ شَ شَنُنتٍيَ بُمَ نّ كٍلِقٍ تٌ بْنسْي مَ هَن بْنسْي نَشٍيٍ سَ قَمَ.

⁹¹عِ شَ سّرِيّ بُمَ هَن تٌ،

⁹²شَ ﭑ مُ سّيوَ عِ شَ سّرِيّ رَ نُ،

⁹³ﭑ مُ نّيمُمَ عِ شَ مَسٍنيِ رَ قٍوٌ،

⁹⁴ﭑ بَرَ ﭑ يّتّ قِ عِ مَ، ﭑ نَكِسِ.

⁹⁵مِشِ حَاشِيٍ وَ مَ ﭑ قَشَقٍ،

⁹⁶ﭑ عَ كٌلٌن دُنِحَ قٍ بِرِن حْنمَ نّ،

⁹⁷عِ شَ سّرِيّ رَقَن ﭑ مَ.

⁹⁸عِ شَ يَامَرِيٍ ﭑ قِندِ مَ قَهَامُلَ نَن نَ

⁹⁹ﭑ شَشِلِ قَن ﭑ كَرَ مْشْيٍ شَشِلِ بّ،

¹⁰⁰ﭑ قٍ كٌلٌن دَنفِقٍ قٌرِيٍ رَ،

¹⁰¹ﭑ بَرَ ﭑ سَنيِ بَ كِرَ حَاشِيٍ شْن مَ،

¹⁰²ﭑ مُ عِ شَ سّرِيّ بّحِن،

¹⁰³عِ شَ مَسٍنيِ حْشُن ﭑ دّ كُي دَنفِ كُمِ رَ.

¹⁰⁴ﭑ شَشِلِ قَنيِ سْتْ عِ سَفٌ نَن نَ.

¹⁰⁵عِ شَ مَسٍنيِ قِندِشِ لَنثُي نَن نَ ﭑ سَن تِدٍ،

¹⁰⁶ﭑ بَرَ لَايِدِ تٌنفٌ نَشَن مُ كَنَمَ،

¹⁰⁷ﭑ بَرَ تْورْ عَ فبٍ رَ.

¹⁰⁸عَلَتَلَ، ﭑ بَرَ عِ مَشَندِ،

¹⁰⁹ﭑ نِي نَ قَشّ يَ عِ تّمُي بِرِن،

¹¹⁰مِشِ حَاشِيٍ فَنتَنيِ تٍمَ ﭑ بّ،

¹¹¹عِ شَ مَسٍنيِ قِندِشِ ﭑ كّ نَن نَ عَبَدَن،

¹¹²ﭑ بْحّ بِرَ مَ نّ عِ شَ يَامَرِيٍ قْشْ رَ عَبَدَن.

¹¹³ﭑ قِلَنكَقُي شْنمَ،

¹¹⁴ﭑ كَنتَرِ نُن ﭑ مَكَنتَمَ نَ عِ تَن نَن نَ،

¹¹⁵وٌ وٌ مَسِفَ ﭑ نَ، وٌ تَن مِشِ كٌبِيٍ،

¹¹⁶ﭑ دّ مّن عَلْ عِ عَ لَايِدِ كِ نَشّ، عَلَكٌ ﭑ شَ كِسِ.

¹¹⁷عِ شَ تِ ﭑ قَنفَ رَ، عَلَكٌ ﭑ شَ كِسِ.

¹¹⁸عِ شَ تٌندِ مِشِيٍ رَ نَشٍيٍ عٍ مَكُيَمَ عِ شَ سّرِيّ رَ،

¹¹⁹عِ مِشِ كٌبِيٍ حْنمَ نّ يِ دُنِحَ مَ،

¹²⁰ﭑ قَتٍ سّرّنمَ عِ شَ مَفَاشُي رَ،

¹²¹ﭑ وَلِمَ نْندِ نُن تِنشِنيِ نَن نَ.

¹²²عِ شَ ﭑ مَ قٍ سْونّيَ عِ سّنبّ رَ،

¹²³ﭑ يَ تِشِ عِ شَ كِسِ رَ تّمُي بِرِن،

¹²⁴هِننّ عِ شَ كٌنيِ رَ عِ شَ شَنُنتٍيَ كُي.

¹²⁵قَهَامُي قِ ﭑ تَن، عِ شَ كٌنيِ مَ،

¹²⁶مِشِيٍ نَ عِ شَ سّرِيّ مَتَندِقٍ.

¹²⁷عِ شَ يَامَرِيٍ رَقَنشِ ﭑ مَ دَنفِقٍ شّيمَ قَنيِ رَ،

¹²⁸ﭑ تٌ عَ مَحْشُن عِ سَفٌ تِنشِن،

¹²⁹عِ شَ مَسٍنيِ ﭑ دّ عِشَرَ مَ،

¹³⁰عِ شَ مَسٍنيِ كُي مَتٌقٍ،

¹³¹عَ نَ ﭑ نِي رَ ﭑ شَ عِ سَفٌ كٌلٌن.

¹³²عِ يَ رَقِندِ ﭑ مَ، عِ شَ هِننّ ﭑ نَ،

¹³³عِ شَ ﭑ تِ عِ شَ مَسٍنيِ قَرِ،

¹³⁴ﭑ بَ عَدَ مَدِيٍ شَ نْي بُن مَ،

¹³⁵عِ يَتَفِ نْرّ رَيَنبَ عِ شَ كٌنيِ مَ،

¹³⁶ﭑ لُمَ وَ رَ عَ فبٍ رَ،

¹³⁷عَلَتَلَ عِ تِنشِن، عِ شَ كِيتِيٍ قَن تِنشِن.

¹³⁸عِ شَ مَسٍنيِ تِنشِن، عَ مَن قِندِشِ نْندِ يَتِ نَن نَ.

¹³⁹ﭑ بْحّ رَحَاشُمَ نّ ﭑ مَ،

¹⁴⁰عِ شَ مَسٍنيِ بَرَ عَ يّتّ شَ نْندِ مَسٍن،

¹⁴¹هَلِ ﭑ شُرُن، مِشِيٍ يٌمَ ﭑ مَ،

¹⁴²عِ شَ تِنشِنيِ بُمَ عَبَدَن.

¹⁴³سُننُنيِ نُن تْورّ ﭑ سُشُشِ،

¹⁴⁴عِ شَ سّرِيّيٍ تِنشِن عَبَدَن.

¹⁴⁵عَلَتَلَ، ﭑ نَ ﭑ دّ رَوَقٍ عِ بّ ﭑ بْحّ بِرِن نَ.

¹⁴⁶ﭑ نَ ﭑ دّ رَوَقٍ عِ بّ.

¹⁴⁷ﭑ كٍلِمَ بٍيمَنُ سُبَشّ شَ عَ لِ،

¹⁴⁸ﭑ مُ شِمَ كْي رَ،

¹⁴⁹عِ عِ تُلِ مَتِ ﭑ شُي رَ عِ شَ شَنُنتٍيَ شَ قٍ رَ.

¹⁵⁰مِشِيٍ بَرَ مَسٌ ﭑ نَ،

¹⁵¹كْنْ عِ تَن عَلَتَلَ، عِ مَكْرّ ﭑ نَ،

¹⁵²ﭑ عَ كٌلٌن كَبِ عَ رَكُيَ،

¹⁵³ﭑ مَ تْورّ مَتٌ، عِ شَ ﭑ نَكِسِ،

¹⁵⁴عِ شَ ﭑ شُن مَقَلَ، عِ شَ ﭑ شُن سَرَ.

¹⁵⁵كِسِ مَكُيَ مِشِ حَاشِيٍ رَ،

¹⁵⁶عَلَتَلَ، عِ شَ كِنِكِنِ فبٌ.

¹⁵⁷ﭑ فٍرٍقَيٍ وُيَ،

¹⁵⁸عِ يَنقَمَيٍ تٌقٍ رَحَاشُ ﭑ مَ،

¹⁵⁹عَ مَتٌ، عِ شَ يَامَرِيٍ رَقَن ﭑ مَ.

¹⁶⁰عِ شَ مَسٍنيِ نْندِ نَ عَ رَ،

¹⁶¹مَنفّيٍ ﭑ تْورْ مَ هَلِ ﭑ مُ قٍ حَاشِ يٌ رَبَشِ عٍ رَ،

¹⁶²ﭑ سّيوَشِ عِ شَ لَايِدِ رَ،

¹⁶³ﭑ وُلٍ شْنشِ، عَ رَحَاشُ ﭑ مَ،

¹⁶⁴ﭑ عِ مَتْشْمَ سَنمَيَ سٌلٌقٍرٍ لْشْ يٌ لْشْ

¹⁶⁵بْحّسَ فبٍفبٍ نَن نَ مِشِيٍ بّ،

¹⁶⁶عَلَتَلَ، ﭑ شَشِلِ تِشِ عِ شَ كِسِ رَ،

¹⁶⁷ﭑ عِ شَ مَسٍنيِ سُشُمَ نّ،

¹⁶⁸ﭑ بِرَ مَ نّ عِ سَفٌ نُن عِ شَ مَسٍنيِ قْشْ رَ.

¹⁶⁹عَلَتَلَ، عِ شَ ﭑ مَ دُبَ سُشُ.

¹⁷⁰ﭑ مَ مَشَندِ شَ عِ لِ.

¹⁷¹عِ مَتْشْي شَ مِنِ ﭑ دّ عِ،

¹⁷²ﭑ دّ شَ بّيتِ ندٍ بَ عِ شَ مَسٍنيِ شَ قٍ رَ،

¹⁷³عِ شَ قَ ﭑ دّ مّن،

¹⁷⁴عَلَتَلَ، ﭑ نِي نَ عِ شَ كِسِ مَ،

¹⁷⁵عِ شَ ﭑ نَكِسِ عَلَكٌ ﭑ شَ نْ عِ مَتْشْدٍ.

¹⁷⁶ﭑ نَبّحِنشِ نّ عَلْ يّشّ لْيشِ.