1دَوُدَ شَ بّيتِ
2ﭑ شَ عَلَتَلَ تَنتُ ﭑ نِي بِرِن نَ،
3عَ تَن نَن دِحّمَ عِ شَ يُنُبِيٍ مَ،
4عَ عِ رَتَنفَ قَشّ مَ،
5عَ هِننّمَ عِ رَ عِ شَ دُنِحّءِفِرِ كُي،
6عَلَتَلَ حّرّ مَ تِنشِنيِ كُي،
7عَ بَرَ عَ شَ كِرَ مَسٍن عَننَبِ مُنسَ بّ،
8عَلَتَلَ كِنِكِنِمَ مِشِيٍ مَ، عَ هِننّ عٍ رَ،
9عَ مُ مِشِيٍ تْورْ مَ تّمُي بِرِن،
10عَ مُ وٌن حَشَنكَتَمَ وٌن مَ يُنُبِ رَبَشِ كِ مَ،
11كٌورٍ عِتٍشِ بْشِ شُن مَ كِ نَشّ،
12سٌفٍتٍدٍ مَكُيَشِ سٌفٍفٌرٌدٍ رَ كِ نَشّ،
13بَبَيٍ كِنِكِنِمَ عٍ شَ دِيٍ مَ كِ نَشّ،
14بَرِ مَ عَ عَ كٌلٌن وٌن يَءِلَنشِ سٍ نَشَن نَ،
15عَدَ مَدِيٍ شَ سِمَيَ مَنِيَ سَنسِ رَ نَشَن قُفَمَ قِيلِ مَ،
16كْنْ قٌيٍ نَ بْنبْ عَ رَ، عَ شَرَ مَ نّ، عَ لْي.
17كْنْ عَلَتَلَ عَ يَرَفَاشُييٍ شَنُمَ نّ عَبَدَن،
18نَشٍيٍ عَ شَ سَاتّ بِنيَمَ،
19عَلَتَلَ بَرَ عَ شَ كِبَنيِ دْشْ كٌورٍ مَ،
20وٌ تَن مَلٍكّيٍ، وٌ شَ عَلَتَلَ تَنتُ،
21وٌ تَن سّنبّمَ نَشٍيٍ نَ كٌورٍ مَ، وٌ شَ عَلَتَلَ تَنتُ،
22وٌ تَن بِرِن نَشٍيٍ دَاشِ، وٌ شَ عَلَتَلَ تَنتُ يِرٍ بِرِن عَ شَ مَنفّيَ بُن مَ.